Quelltext der Seite Josiu 2

{{Textstatus
| Status = Offen
| Notiz = 
}}
<sup>1</sup> Jozua, djali i Nunit, i ka çu fshehtas dy burra pi Shitimit me e spiunue vendin. U ka thanë: “Shkoni e kqyrne mirë vendin, sidomos Jerihon.” Ata janë nisë. Tu lypë nji vend ku me nejtë, kanë shku te shpija e nji gruje prostitutë që e ka pasë emnin Rahab.<br>
<br>
<sup>2</sup> Mbretit të Jerihos i kanë tregu: “Sonte kanë ardh këtu do burra izraelitë me e spiunue vendin!”<br>
<br>
<sup>3</sup> Atëherë mbreti i Jerihos ka çu njerëz te Rahaba me i thanë: “Nxirri jashtë ata burra që kanë ardh e po flejnë në shpinë tane! Ata kanë ardh me e spiunue krejt vendin.”<br>
<br>
<sup>4</sup> Po ajo grue i ka mshefë ata dy burra e mandej ka thanë: “Po, ata burra kanë ardh te unë, po s’e kom ditë pi kah janë.<br>
<br>
<sup>5</sup> Kur u bo terr e ishin gati me e mshelë portën e qytetit, ata kanë dalë jashtë. S’e di kah kanë shku, po nëse u shkoni shpejt mas, i zini.”<br>
<br>
<sup>6</sup> (Po ajo i ka pasë çu burrat n’kulm edhe i ka mshefë nën kërcejt e lirit që i ka pasë stivu aty.)<br>
<br>
<sup>7</sup> Ata që po i ndjekshin kanë shku mas tyne kah vendet ku kalohet Jordani, edhe porta e qytetit u mbyll menjëherë mas tyne.<br>
<br>
<sup>8</sup> Para se me ra me fjetë burrat, Rahaba ka hyp n’kulm te ta.<br>
<br>
<sup>9</sup> Ajo u ka thanë burrave: “Unë e di që Jehovai ka me jua dhanë këtë vend. Na ka kapë frika pi juve, edhe krejt njerëzit e këtij vendi e kanë hupë guximin për shkak t’juve.<br>
<br>
<sup>10</sup> Se na kemi ni qysh Jehovai ju ka kalu nëpër Detin e Kuq, në tokë t’thatë, kur keni dalë pi Egjiptit. Kemi ni edhe qka u keni bo dy mbretënve amoritë, Sihonit e Ogut, matanë Jordanit, që i keni shkatërru krejt.<br>
<br>
<sup>11</sup> Kur i kemi ni këto, zemra gati na ka nalë. T’gjithëve u ka hupë guximi pi juve, se Jehovai, Zoti juej, asht Zot n’qiell nalt edhe në tokë poshtë.<br>
<br>
<sup>12</sup> Tash, ju lutna, betohuni në Jehovain që keni me u sillë mirë me familjen e babës tem! Se edhe unë jom sillë mirë me ju. Ma jepni nji shenjë që muj me i besu.<br>
<br>
<sup>13</sup> Leni gjallë babën tem, nanën tem, vllaznit e motrat e mia, edhe krejt ata që u përkasin atyne. Na shpëtoni pi vdekja.”<br>
<br>
<sup>14</sup> Atëherë burrat i kanë premtu: “Na e japim jetën tonë për jetën tuej! Mos i kallxo kërkujt sen për punën tonë, edhe na ta mbajmë besën e sillemi mirë me ty kur Jehovai të na e japë vendin.”<br>
<br>
<sup>15</sup> Mandej ajo i ka lshu burrat poshtë me nji konop pi dritarja. Shpija e saj u konë në nji anë të murit të qytetit, se ajo jetojke nalt në mur.<br>
<br>
<sup>16</sup> Ajo u ka thanë edhe: “Shkoni kah malet e mshehuni atje tri ditë, që mos me ju gjetë ata që po ju ndjekin. Kur t’kthehen ata, vazhdoni rrugën.”<br>
<br>
<sup>17</sup> Burrat ia kanë kthy: “Na e mbajmë betimin që na e ke lypë veç nëse i plotëson këto kushte:<br>
<br>
<sup>18</sup> Kur t’hyjmë në vend, lidhe këtë konop të hollë të kuq flakë në dritaren pi ku po na lshon poshtë. Merri babën, nanën, vllaznit, motrat edhe krejt familjen e babës tand në shpinë tane.<br>
<br>
<sup>19</sup> Nëse dikush del jashtë pi dera e shpisë tane, vetë e ka fajin nëse vdes, e na s’kemi faj. Po nëse dikujt që rrin në shpinë tane i ndodh diçka, atëherë fajin për vdekjen e tij e kemi na.<br>
<br>
<sup>20</sup> Po nëse ia kallxon dikujt punën tonë, na s’jemi ma t’lidhun me betimin që na e ke lypë.”<br>
<br>
<sup>21</sup> “Qysh po thuni ju, ashtu u boftë!”, ua ka kthy ajo.<br>
Kështu ajo i ka nisë burrat në rrugë, e mandej e ka lidhë konopin e kuq te dritarja.<br>
<br>
<sup>22</sup> Burrat janë nisë e kanë shku n’male. Kanë nejtë aty tri ditë, derisa ata që po i ndjekshin janë kthy, masi i kanë kontrollu krejt rrugët e s’kanë gjetë kurgjo.<br>
<br>
<sup>23</sup> Ata dy burra kanë zhdryp pi maleve deri te lumi edhe e kanë kalu lumin. Kur kanë mbërri te Jozua, djali i Nunit, ia kanë tregu krejt qka u ka ndodhë.<br>
<br>
<sup>24</sup> I kanë thanë Jozuas: “Jehovai na e ka dhanë krejt vendin, edhe krejt banorëve t’atij vendi u ka hupë guximi pi neve.”<br>
<br>
{{Querverweise-Metadaten
| v1 = 4Mo 25:1; 33:49
| v1 = Jos 6:17; Mat 1:5; Heb 11:31; Jak 2:25
| v7 = Ri 3:28; 12:5
| v9 = 2Mo 3:8
| v9 = 2Mo 23:27; 5Mo 2:25; 11:25
| v9 = 2Mo 15:15; Jos 5:1
| v10 = 2Mo 14:21; 15:13, 14
| v10 = 4Mo 21:21-24
| v10 = 4Mo 21:33, 34; 5Mo 3:3; Jos 9:9, 10
| v11 = 5Mo 4:39; 2Ch 20:6; Da 4:35
| v13 = Jos 6:23
| v15 = Heb 11:31
| v17 = 4Mo 30:2
| v18 = Jos 6:23
| v20 = Jos 2:14
| v24 = 2Mo 23:31; Jos 6:2; 21:44
| v24 = 2Mo 15:14-16; Jos 2:9-11; 5:1
}}