Libri i katërt i Musës 5: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite Numerat 5 nach Libri i katërt i Musës 5, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:01 Uhr
1 Jehovai i ka thanë prapë Moisiut:
2 “Urdhnoji izraelitët me e qitë jashtë kampit secilin që ka lebër, ose që i rrjedh diçka pi trupit, ose që asht bo i papastër për shkak të nji të dekuni.
3 Qofshin burra a gra, qitni jashtë. Qitni jashtë kampit, që mos me i ndotë kampet ku unë jom tu banu n'mes të tyne.”
4 Izraelitët e kanë bo qashtu edhe i kanë qitë ata jashtë kampit. E kanë bo tamam qysh Jehovai i ka thanë Moisiut.
5 Jehovai i ka thanë prapë Moisiut:
6 “Thuaju izraelitëve: ‘Nëse nji burrë a nji gru bon naj gjynah që e bojnë njerëzit edhe kështu s'i rrin besnik Jehovait, aj person asht fajtor.
7 Aj ka me e pranu gjynahin që e ka bo edhe ka me ia kthy atij që ia ka bo damin shumën e plotë, plus edhe nji të pestën e vlerës, si dëmshpërblim për fajin e vet.
8 Po nëse aj që e ka pësu s'ka naj të afërt që munet me e marrë dëmshpërblimin, atëherë dëmshpërblimi ka me iu dhanë Jehovait edhe ka me i taku priftit. Kjo asht veçmas dashit që jepet si kurban për me ia shly fajin atij që ka bo gjynah.
9 Çdo dhuratë e shenjtë që izraelitët ia çojnë priftit, ka me i taku atij.
10 Senet e shenjta që i ka secili kanë me mbetë të tijat. Qka ia jep dikush priftit, ka me i taku priftit.’”
11 Jehovai i ka thanë prapë Moisiut:
12 “Fol me izraelitët edhe thuaju: ‘Nëse nji gru e martume del pi rrugës edhe s'i rrin besnike burrit të vet, ka me u vepru kështu:
13 Nëse nji burrë tjetër ka pasë marrëdhënie seksuale me të, e burri i saj s'e din edhe kjo punë s'ka dalë n'shesh, pra ajo asht bo e papastër, po s'ka dëshmitar edhe s'e kanë zanë n'vepër,
14 e nëse burrin e kap xhelozia edhe dyshon që gruaja e tij s'i ka nejtë besnike, pa marrë parasysh a asht bo ajo e papastër a jo,
15 atëherë aj ka me e çu grun e vet te prifti edhe ka me marrë me veti nji të dhjetën e nji efe miell elbi si kurban për të. S'ka me i qitë vaj përmi, as temjan, se ky asht kurban pi drithit për xhelozi, nji kurban që e kujton fajin.
16 Prifti ka me e pru grun edhe ka me e qitë para Jehovait.
17 Prifti ka me marrë nji enë pi balte me ujë të shenjtë edhe ka me qitë pak pluhun pi toka e tendës së shenjtë n'ujë.
18 Prifti ka me e qitë grun para Jehovait, ka me ia lëshu flokët edhe ka me ia vnu n'dorë kurbanin e miellit që e kujton fajin, domethanë kurbanin e miellit për xhelozi. Aj vetë ka me e mbajtë n'dorë ujin e hidhët që sjell mallkim.
19 Masanej prifti ka me e bo grun me u betu edhe ka me i thanë: “Nëse asnji burrë tjetër s'ka pasë marrëdhënie seksuale me ty, derisa ke konë nën autoritetin e burrit tand, pra nëse s'ke dalë pi rrugës edhe s'je bo e papastër, atëherë ky ujë i hidhët që sjell mallkim s'ka me të bo kurgjo.
20 Po nëse ke dalë pi rrugës derisa ke konë nën autoritetin e burrit tand, edhe je bo e papastër e ke pasë marrëdhënie seksuale me nji burrë tjetër...”
21 Atëherë prifti ka me e bo grun me u betu me nji betim që ka mallkim edhe ka me i thanë: “Jehovai të boftë nji shembull që i frikëson tjerët n'mes të popullit tand, që njerëzit kanë me të përmendë në mallkime e betime, kur Jehovai ka me bo që ija jote me t'u rrudhë edhe barku me t'u fry.
22 Ky ujë që sjell mallkim ka me të hy n'organet e mbrendshme, ka me ta fry barkun edhe ka me bo që ija jote me t'u rrudhë.” Atëherë gruaja ka me thanë: “Amin! Amin!”
23 Masanej prifti ka me i shkru qito mallkime n'libër edhe ka me i la qato fjalë me ujin e hidhët.
24 Aj ka me e bo grun me e pi ujin e hidhët që sjell mallkim. Uji ka me i hy mrena edhe ka me i shkaktu idhtësi.
25 Prifti ka me ia marrë grus pi dorës kurbanin e miellit për xhelozi, ka me e lëkundë andej-knej para Jehovait edhe ka me e çu te altari.
26 Pi kurbani i miellit, prifti ka me marrë nji grusht si shenjë e kurbanit edhe ka me e djegë n'altar, që me u çu tymi. Masanej ka me e bo grun me e pi ujin.
27 Nëse ajo asht bo e papastër edhe s'i ka nejtë besnike burrit të vet, uji që sjell mallkim e që prifti ka me ia dhanë me pi, ka me i hy mrena edhe ka me iu bo i hidhët. Barku ka me iu fry edhe ija ka me iu rrudhë, e ajo ka me u bo nji shembull që përmendet në mallkime n'popullin e vet.
28 Po nëse gruaja s'asht bo e papastër edhe asht e pastër, atëherë ky dënim s'ka me e gjetë. Ajo ka me mujtë me mbetë shtatzanë edhe me lindë fëmijë.
29 Ky asht ligji për xhelozinë, kur nji gru del pi rrugës edhe bohet e papastër derisa asht nën autoritetin e burrit të vet,
30 ose kur nji burrë bohet xheloz edhe dyshon që gruaja e tij s'i ka nejtë besnike. Aj ka me e qitë grun e vet para Jehovait, e prifti ka me e zbatu krejt këtë ligj për të.
31 Burri s'ka me pasë faj, po gruaja ka me dhanë llogari për fajin e vet.’”