Mateu 5

¹ Kur e ka pa kallablakin e njerzve, Jezusi u shku në nji ven të nalt edhe masi u hungj, jonë ardh nxënsat te aj edhe ² aj ka nis me fol edhe mi msu:
³ „Lum ata që e din që kanë nevoj për zotin, sepse mretnia e havajes i takon atynve.
⁴ Lum ata që kajn sepse kanë mu pajtu.
⁵ Lum ata që e kanë nji shpirt të butë sepse kanë me marrë tokën si amanet.
⁶ Lum ata që janë ésht edhe unt për drejtesinë sepse kanë mu ngi.
⁷ Lum ata që kanë dhimt sepse edhe atynve kanë mi ju tregu dhimt.
⁸ Lum ata që e kanë nji zemër të pastër sepse kanë me pa zotin.
⁹ Lum ata që kanë qef me bo paqe me tjert sepse kanë mu thirr „thmit të zotit“.
¹⁰ Lum ata që po hekin pse e bojn të drejtën. Atynve u takon mretnia e havajes.
¹¹ Lum ju që për shkak temin njerzit ju qesin posht edhe ju trajton keq edhe rrejn edhe folin keq për juve. ¹² Gzonu edhe jeni shumë të gzushem sepse shpërblimi juv në hava osht i madh. Fundi fundit edhe pejgamberve para juve i kan trajtu keq.
¹³ Ju jeni krypa e tokës. Po mu kon krypa me hup shijën e vet qysh munet tani krypa mu bo apet gjelpt. Mo nuk munet mo për kurrgjo me perrdor, po me gjujt ashtu që ta shkelin njerzt.
¹⁴ Ju jeni drita e botës. Nji qytet që osht në nji ven të nalt nuk munet mu mshef. ¹⁵ Kur ta kall ni dritë nuk e qet perfuni që mos mu pa, po e qet dritën aty ku e man që me bo dritë n’krejt shpijën. ¹⁶ Po ju leni që drita juve me bo drit që njerzit mi pa veprat t’mira pi juve edhe mi jap lavdi Babit juv qe osht n’hava.
¹⁷ Mos menoni që une kom ardh me hek ligjin ose shkrimet e pejgamberve. S‘kom ardh me hek, po kom ardh me plotsu. ¹⁸ Po ju siguroj juve, ma shpejt heket havaja edhe toka që sa mu hek nji shkronj e vogël ose nji pjes e nji shkronjës prej ligjit para se mu bo qysh u shkru ¹⁹ Përqata: Qofse njoni e then nji ligj t’vogël edhe i mson tjert me bo të njejten sen, aj ka me pasë emnin „ma i vogli“ në mretnin e havajes. Ama aj që i man ligjet edhe i mson tjert, aj ka me pas emnin „ma i madhi“ në mretnin e havajes. ²⁰ Une ju thom: Qofse drejtësia juve nuk osht ma e madhe si e atynve njerzve që i msojn shkrimet e shenjta edhe e farisenjve nuk vini kurrqysh në mretnin e havajes.
²¹ Ju keni ni që koh t’vjetra u osht thon: „Mos myt. Secili që e myt dikon ka me jap përgjigje para gjyqit“ ²² Po une po ju thom që kush nuk nalet mu kon idhnushem me vllavin e vet ka me jap përgjigje para gjyqit. Secili që e rrenon vllavin e vet me fjalt t’rrona ka me jap përgjigje para gjyqit mat madh. Por secili që thot „ti je njeri ma i poshtër“ e ka rrezik që munet mu denu me xhenemin, Gehenën e zjarrtë.
²³ Qofse ti shkon e bon ni kurban edhe atje e kujton vllavin tán që ka diçka kundra teje edhe osht i idhnushem me ty, ²⁴ leje kurbanin edhe ik. Shko, pajtohu njiher me vllavin tán, tani hajde edhe vazhdoje kurbanin.
²⁵ Qofse dikush ka diçka kundër teje edhe të çon te gjykati, ndreqi shpejt punt me atá që t‘ka bo padi para se me fillu procesi që mos me ardh puna për met shti gjykati n’burg. ²⁶ Pot thom që nuk ki me dal pi ksaj pune deri sa ta pagush dinarin e fundit.
²⁷ Ju kini ni që i thojn: „ Mos tradhtoni burrin ose grujën“. ²⁸ Ama une po ju thom që secili që nuk nalet me kqyr nji gru edhe ka qef me pasë, në zemrën e vet ka bo tradhti. ²⁹ Qofse syni yt po don me bo diçka keq, heke edhe gjuje. Ma mirë osht me hup nji pjes të trupit se me shku krejt trupi n'xhenem (Gehenë). ³⁰ Edhe qofse dora jote po don me bo diçka keq, heke edhe gjuje. Ma mirë osht me hup nji pjes të trupit se me shku krejt trupi n'xhenem (Gehenë).
³¹ Veq ksaj u osht thon kush ndahet prej grujes vet duhet mi jap nji dokument që u nda. ³² Por une po ju thom që secili që ndahet prej grujes vet – vetem qofse ajo ka bo kurveri – e qet atá në rrezik që ajo munet me shkel kunorzimin edhe kushdo që martohet me nji gru që u nda e prish kunorzimin.
³³ Apet kini ni prej kohave të vjetra që u thon: „Mos boni bé badihava por maji fjalt që i kini premtu Jehovajit.“ ³⁴ Por une po ju thom: Mos boni hiq bé – as me bo bé për havajen sepse osht karrika e madhe e zotit, ³⁵ as mos boni bé për tokën sepse osht karrika e vogël e komve të zotit edhe as për Jerusalemin mos boni bé sepse osht qyteti i mretit të madh. ³⁶ Edhe mos bo bé për kryt e tu sepse nuk munesh me bo as bardh as zez fijën e flokit. ³⁷ Por boni kshtu: Qofse thujsh „po“ mu kon „po“ edhe kur thujsh „jo“ mu kon „jo“ sepse thujsh ma shum fjalt, vjen prej atij t’keqit.
³⁸ Ju kini ni që u osht thon: „Sy për sy, dhom për dhom.“ ³⁹ Ama po ju thom juve: Mos bo diçka kundra t’keqit por aj që ta jep nji shuplak në faqën e djatht ktheja edhe tjetrën. ⁴⁰ Edhe qofse dikush të qet në gjyq edhe don me ta marr kmishën, jepja edhe jelekin ose xhamadanin. ⁴¹ Qofse dikush me autoritet, donmethon dikush me respekt, të detyron te ecesh me atá nji kilometër, shko me atá dy kilometra. ⁴² Jepi atijna që t’lyp diçka edhe mos ja kthej shpinën atijna që lyp hua.
⁴³ Ju kini ni që u osht thon: Duje familjën táne edhe urreje hasmin tán. ⁴⁴ Ama une po ju thom: Mos u nalni me dasht hasmin tán edhe mu lut për ata që ju trajton keq. ⁴⁵ Qeshtu ju kallxoni që jeni thmit e Babës juv në hava sepse aj e len diellin me nxe permi njerzt t‘kqij edhe njerzt e mirë edhe e bon që me ra shi permi njerzt të drejt edhe njerzt padrejt. ⁴⁶ Ose qka don me thon kur i doni ata qe ju dojn? Qfar shpërblimi jeni tuj e prit? A nuk e bojn kshtu edhe taksambledhësit, ata personat që i marrën parët njerzve për shtetin? ⁴⁷ Edhe qofse ju i folni vllaznive të juv qka osht diçka interesant ket pun që e boni? A nuk i bojn ashtu njerzt e tjetrës popullsij nga venet e tjera? ⁴⁸ Përqata jeni pa gabime ashtu qysh Baba juv n'hava osht pa gabime.