Kangë t'shejta 119

{

 "page_id": "Kangë t'shejta 119",
 "status": "Offen",
 "note": ""

}

^{א (Aleph)
1} Lum ata që ecin në rrugën e vet pa bo
kurgjo të keqe, që jetojnë sipas ligjit të Jehovait.

² Lum ata që i mbajnë përkujtimet e tij,
që e kërkojnë atë me krejt zemër.

³ Ata nuk bojnë padrejtësi, po
ecin në rrugët e tij.

⁴ Ti ke urdhnu që njerëzit me i
zbatu me kujdes udhëzimet e tua.

⁵ Ah, sikur me mujtë me qëndru gjithmonë i
fortë, që me i mbajtë rregullat e tua!

⁶ Atëherë s'ka me m'ardhë marre, kur t'i
kushtoj vëmendje krejt urdhnave të tu.

⁷ Kam me të lavdu me zemër të sinqertë,
kur t'i mësoj gjykimet e tua të drejta.

⁸ Kam me i mbajtë rregullat e tua.
O të lutem, mos më le kurrë krejt vetëm.

^{ב (Bet)
9} Qysh munet nji i ri me e mbajtë të pastër rrugën e vet?
Tu iu përmbajtë fjalëve tua edhe tu pasë kujdes për veten.

¹⁰ Me krejt zemër po të kërkoj.
Mos më le me u largu pi urdhnave të tu.

¹¹ Fjalët që i ke thanë i ruj në zemrën
tem, që mos me bo gjynah kundër teje.

¹² Qofsh i lavdum, o Jehova.
M'i mëso rregullat e tua.

¹³ Me buzët e mia i tregoj krejt
gjykimet që i ke thanë ti.

¹⁴ Gëzohem shumë me përkujtimet që vijnë pi teje, ma
shumë se me krejt senet tjera të vlefshme.

¹⁵ Kam me menu thellë për udhëzimet e tua, edhe kam
me i mbajtë gjithmonë para syve rrugët e tua.

¹⁶ Rregullat e tua i kom shumë për zemër.
Fjalët e tua s'kam me i harru.

^{ג (Gimel)
17} Sillu mirë me shërbëtorin tand, që me
jetu e me iu përmbajtë fjalëve tua.

¹⁸ M'i çel sytë, që me i
pa krejt senet e mrekullueshme në ligjin
tand, edhe me i kuptu qartë.

¹⁹ Unë jom veç nji i huej në këtë tokë.
Mos m'i mshef urdhnat e tu.

²⁰ Dëshira e madhe për gjykimet e tua
po më përvëlon pa u nalë.

²¹ Ti u flet ashpër atyne që jonë mendjemdhaj, atyne
të mallkumve që largohen pi urdhnave të tu.

²² Më çliro pi talljeve edhe përbuzjes, se
unë i kom mbajtë përkujtimet e tua.

²³ Edhe kur princat ulen bashkë e flasin kundër meje,
unë, shërbëtori yt, menoj thellë për rregullat e tua.

²⁴ Përkujtimet që vijnë pi teje i kom
shumë për zemër, ato më japin këshilla.

^{ד (Dalet)
25} Jom shtri për tokë në pluhun.
Më mbaj gjallë, qysh më ke premtu.

²⁶ T'i kom tregu rrugët e mia, e ti m'u ke përgjigjë.
M'i mëso rregullat e tua.

²⁷ Më ndihmo me e kuptu domethanien e udhëzimeve tua, që me
mujtë me menu thellë për veprat e tua të mrekullueshme.

²⁸ Pi mërzisë s'kom mujtë me flejtë.
Më jep fuqi, qysh më ke premtu.

²⁹ Mbaje larg meje rrugën e mashtrimit, edhe
me mirësinë tande ma mëso ligjin tand.

³⁰ Unë e kom zgjedhë rrugën e besniknisë.
E pranoj që gjykimet e tua jonë të drejta.

³¹ Unë i mbaj fort përkujtimet që vijnë pi teje.
O Jehova, mos më le me u zhgënjy.

³² Kam me ecë me vendosmëni në rrugën e urdhnave të
tu, se ti ma çel zemrën që me i pranu.

^{ה (He)
33} O Jehova, ma mëso rrugën e rregullave tua, e unë
kam me ecë në atë rrugë deri në fund.

³⁴ Më jep mençuni, që me
e mbajtë ligjin tand edhe me
iu përmbajtë me krejt zemër.

³⁵ Më prij në rrugën e urdhnave të
tu, se ajo rrugë më pëlqen.

³⁶ Kthema zemrën kah përkujtimet e tua, e
jo kah fitimi veç për interes temin.

³⁷ Largoje shikimin tem pi senet që s'kanë kurrfarë vlere.
Më mbaj gjallë në rrugën tande.

³⁸ Mbaje premtimin që ia ke dhanë shërbëtorit tand, që
njerëzit me pasë respekt të madh për ty.

³⁹ Largoje marrën që po tutna mos më bjen,
se gjykimet e tua jonë të mira.

⁴⁰ Kqyre sa shumë po kom dëshirë për udhëzimet e tua!
Me drejtësinë tande më mbaj gjallë.

^{ו (Waw)
41} Ah, sikur me e përjetu dashninë tande besnike,
o Jehova, edhe shpëtimin që ma ke premtu.

⁴² Atëherë kam me mujtë me iu përgjigjë atij që
tallet me mu, se unë u besoj fjalëve tua.

⁴³ Mos lejo që fjalët e së vërtetës me m'u largu
krejt pi goja, se unë kom shpresu në gjykimin tand.

⁴⁴ Kam me iu përmbajtë ligjit tand pa
u nalë, përgjithmonë, jetë e mot.

⁴⁵ Kam me ecë në nji vend ku jom i sigurt,
se unë i kërkoj me kujdes udhëzimet e tua.

⁴⁶ Para mbretërve kam me folë për përkujtimet që
vijnë pi teje, edhe s'ka me m'ardhë marre.

⁴⁷ Urdhnat e tu i kom shumë
për zemër, se përnime i du.

⁴⁸ I çoj duert në lutje kah urdhnat e tu që i
du, edhe kam me menu thellë për rregullat e tua.

^{ז (Zajin)
49} Kujtoje premtimin që ia ke dhanë shërbëtorit tand,
me të cilin më ke dhanë shpresë.

⁵⁰ Ky asht ngushëllimi jem kur jom në mërzi,
se premtimi yt më ka mbajtë gjallë.

⁵¹ Mendjemdhejt më përbuzin shumë, po
unë s'largohna pi ligjit tand.

⁵² I kujtoj gjykimet e tua të kohëve të
vjetra, o Jehova, e ato më ngushëllojnë.

⁵³ Po më kap nji idhnim i madh për shkak të
njerëzve të këqij, që e kanë lanë ligjin tand.

⁵⁴ Rregullat e tua jonë si kangë
për mu, kudo që jetoj.

⁵⁵ Natën e kujtoj emrin tand, o Jehova,
që me iu përmbajtë ligjit tand.

⁵⁶ Kjo m'u ka bo zakon, se
i kom zbatu udhëzimet e tua.

^{ח (Chet)
57} Jehovai asht pjesa që më takon mu.
Unë kom premtu që kam me iu përmbajtë fjalëve tua.

⁵⁸ Me krejt zemër po të lutna.
Ma jep mirësinë tande, qysh më ke premtu.

⁵⁹ I kom kqyrë mirë rrugët e mia, që me i
kthy hapat e mi kah përkujtimet që vijnë pi teje.

⁶⁰ Po nxitoj e s'po vonohna, me
i mbajtë urdhnat e tu.

⁶¹ Litarët e të këqijve më kanë
rrethu, po ligjin tand s'e harroj.

⁶² Në mes të natës çohna me të
falënderu, për gjykimet e tua të drejta.

⁶³ Jom shok me krejt ata që kanë respekt të madh për
ty, edhe me ata që i mbajnë udhëzimet e tua.

⁶⁴ Dashnia jote besnike, o Jehova, e mbush krejt tokën.
M'i mëso rregullat e tua.

^{ט (Tet)
65} Ti je sjellë mirë me shërbëtorin
tand, o Jehova, qysh ke premtu.

⁶⁶ Më mëso me gjyku mirë edhe me pasë njohuni,
se unë kom besim në urdhnat e tu.

⁶⁷ Para se me hjekë pi mërzisë, kom marrë rrugë të
gabume, po tash po i përmbahem asaj që thue ti.

⁶⁸ Ti je i mirë edhe ban mirë.
M'i mëso rregullat e tua.

⁶⁹ Mendjemdhejt po më nxijnë me rrena, po unë
i mbaj udhëzimet e tua me krejt zemër.

⁷⁰ Zemra e tyne s'ndien kurgjo, po unë
e kom ligjin tand shumë për zemër.

⁷¹ Mirë që kom hjekë pi mërzisë, se
kështu i kom mësu rregullat e tua.

⁷² Ligji që e ke shpallë ti asht i mirë për
mu, ma i mirë se mijëra copa ari e argjendi.

^{י (Jod)
73} Duert e tua më kanë kriju e më kanë dhanë formë.
Më jep mençuni që me i mësu urdhnat e tu.

⁷⁴ Ata që kanë respekt të madh për ty më shohin e
gëzohen, se unë e kom shpresën te fjalët e tua.

⁷⁵ Unë e di, o Jehova, që gjykimet e tua jonë të
drejta, edhe që pi besniknisë tande ke leju me hjekë mërzi.

⁷⁶ Të lutna, më ngushëllo me dashninë tande besnike,
se këtë ia ke premtu shërbëtorit tand.

⁷⁷ Ki dhimt për mu që me mbetë gjallë,
se ligjin tand e kom shumë për zemër.

⁷⁸ Mendjemdhejt le të mbesin me marre, se pa
kurrfarë arsye më bojnë padrejtësi. Po unë
kam me menu thellë për udhëzimet e tua.

⁷⁹ Ata që kanë respekt të madh për ty le të kthehen te
unë, krejt ata që i njohin përkujtimet që vijnë pi teje.

⁸⁰ Uroj me iu përmbajtë rregullave tua me krejt
zemër, që mos me mbetë me marre.

^{כ (Kaf)
81} Mezi po e pres shpëtimin tand, se
shpresën e kom te fjalët e tua.

⁸² Sytë po më lodhen tu pritë qka ke thanë ti, e po pys:
„Kur ke me më ngushëllu?“

⁸³ Se jom si nji calik lëkure që asht tha në tym.
Po rregullat e tua s'i harroj.

⁸⁴ Edhe sa ditë ka me pritë shërbëtori yt?
Kur ke me i gjyku e me i dënu ata që më përndjekin?

⁸⁵ Mendjemdhejt po më hapin gropa, ata
që i dalin kundër ligjit tand.

⁸⁶ Krejt urdhnave të tu munesh me ju besu.
Po më përndjekin pa arsye. Më ndihmo!

⁸⁷ Për pak më kanë zhdukë pi faqes së tokës,
po unë s'i kom lanë udhëzimet e tua.

⁸⁸ Më mbaj gjallë me dashninë tande besnike, që me
i mbajtë përkujtimet që i ke thanë ti.

^{ל (Lamed)
89} Përgjithmonë, o Jehova, fjalët e tua
kanë me mbetë në qiell.

⁹⁰ Besniknia jote mbetet brez mas brezi.
Ti e ke vendosë tokën fort, e ajo vazhdon me qëndru.

⁹¹ Për shkak të vendimeve tua të drejta, ato jonë aty
edhe sot, se krejt ato jonë shërbëtorët e tu.

⁹² Sikur mos me e pasë ligjin tand shumë
për zemër, kisha vdekë pi mërzisë së madhe.

⁹³ Kurrë s'kam me i harru udhëzimet e tua,
se me to më ke mbajtë gjallë.

⁹⁴ Unë të takoj ty.
Më shpëto, se i kom kërku udhëzimet e tua.

⁹⁵ Të këqijtë po presin me më shkatrru, po unë
i kushtoj shumë kujdes përkujtimeve që vijnë pi teje.

⁹⁶ E kom pa që edhe çdo sen i përkryer
e ka nji kufi, po urdhni yt s'ka kufi.

^{מ (Mem)
97} Sa shumë e du ligjin tand!
Tanë ditën menoj për të.

⁹⁸ Urdhni yt më ban ma të mençur se armiqtë
e mi, se e kom gjithmonë me veti.

⁹⁹ Unë kuptoj ma shumë se krejt mësuesit e mi,
se menoj thellë për përkujtimet që vijnë pi teje.

¹⁰⁰ Veproj me ma shumë mençuni se burrat e
moshuem, se i mbaj udhëzimet e tua.

¹⁰¹ Nuk pranoj me ecë në asnji rrugë të keqe,
që me mujtë me iu përmbajtë fjalëve tua.

¹⁰² Nuk largohem pi vendimeve tua të drejta, se
ti je aj që më ke mësu.

¹⁰³ Sa të ambla më doken fjalët e tua kur i
shijoj, ma të ambla se mjalta në gojën tem.

¹⁰⁴ Falë udhëzimeve tua, unë veproj me mençuni.
Për qata e urrej çdo rrugë të rrejshme.

^{נ (Nun)
105} Fjalët e tua jonë si nji llambë për kambën
tem, edhe si nji dritë për rrugën tem.

¹⁰⁶ Jom betu edhe kam me e mbajtë betimin:
Kam me iu përmbajtë gjykimeve tua të drejta.

¹⁰⁷ Kom hjekë shumë mërzi.
O Jehova, më mbaj gjallë, qysh më ke premtu.

¹⁰⁸ Të lutna, o Jehova, pranoje me gëzim lavdërimin tem, dhuratën që ta
jap me qef, edhe m'i mëso vendimet e tua të drejta.

¹⁰⁹ Jeta jem asht gjithmonë në rrezik, po
prapë s'e kom harru ligjin tand.

¹¹⁰ Të këqijtë më kanë ngrehë nji kurth,
po unë s'jom largu pi udhëzimeve tua.

¹¹¹ Përkujtimet që vijnë pi teje i kom marrë përgjithmonë
si të miat, se ato ma gëzojnë zemrën.

¹¹² E kom vendosë me i zbatu rregullat
e tua, gjithmonë, deri në fund.

^{ס (Samech)
113} I urrej ata që s'jonë me krejt zemër
të vendosun, po ligjin tand e du.

¹¹⁴ Ti je streha jem edhe mburoja jem, se
shpresën e kom te fjalët e tua.

¹¹⁵ Largohuni pi meje, ju njerëz të këqij, që me
mujtë me i mbajtë urdhnat e Zotit tem.

¹¹⁶ Më mbështet, qysh më ke premtu,
që me mbetë gjallë. Mos lejo që
shpresa jem me përfundu me zhgënjim.

¹¹⁷ Më mbështet që me u shpëtu.
Atëherë kam me i mbajtë gjithmonë mendtë te rregullat e tua.

¹¹⁸ Ti i largon krejt ata që largohen pi
rregullave tua, se ata jonë rrenca e dinakë.

¹¹⁹ Krejt të këqijtë e tokës ti i gjuan si mbeturinat pa vlerë të metalit.
Për qata i du përkujtimet që vijnë pi teje.

¹²⁰ Pi frikës ndaj teje po më dridhet krejt trupi.
Tutna pi gjykimeve tua.

^{ע (Ajin)
121} Unë kom vepru me drejtësi e me të drejtë.
Mos më le në duert e atyne që më shtypin!

¹²² Sigurohu që shërbëtorit tand me i shku mirë.
Mos i le mendjemdhejt me më shtypë.

¹²³ Sytë m'u kanë lodhë tu e pritë shpëtimin tand,
edhe tu e pritë premtimin tand të drejtë.

¹²⁴ Tregoja dashninë tande besnike shërbëtorit tand,
edhe m'i mëso rregullat e tua.

¹²⁵ Unë jom shërbëtori yt.
Më jep mençuni, që me i kuptu përkujtimet që vijnë pi teje.

¹²⁶ Ka ardhë koha që Jehovai me vepru,
se njerëzit e kanë shkelë ligjin tand.

¹²⁷ Për qata i du urdhnat e tu, ma shumë se
arin, po, edhe ma shumë se arin ma të pastër.

¹²⁸ Për qata çdo udhëzim tandin e shoh si të drejtë.
E urrej çdo rrugë të rrejshme.

^{פ (Pe)
129} Përkujtimet që vijnë pi teje jonë të mrekullueshme.
Për qata i mbaj.

¹³⁰ Kur zbulohen fjalët e tua, ato japin dritë,
edhe u japin mençuni atyne që s'kanë përvojë.

¹³¹ E çeli gojën shumë edhe psherëtij, se
kom shumë dëshirë për urdhnat e tu.

¹³² Kthehu kah unë edhe ma jep mirësinë tande, ashtu qysh ke
vendosë me i trajtu ata që e duan emrin tand.

¹³³ Drejtoji hapat e mi që me ecë i sigurt sipas fjalëve tua.
Mos lejo që asnji sen i keq me sundu mbi mu.

¹³⁴ Më shpëto pi atyne që më shtypin, e
unë kam me i mbajtë udhëzimet e tua.

¹³⁵ Bane fytyrën tande me shndritë mbi shërbëtorin
tand, edhe m'i mëso rregullat e tua.

¹³⁶ Lotët po më rrjedhin lumë pi syve,
se njerëzit s'po e mbajnë ligjin tand.

^{צ (Zade)
137} Ti je i drejtë, o Jehova, edhe
gjykimet e tua jonë të paanshme.

¹³⁸ Përkujtimet që vijnë pi teje jonë të
drejta, edhe munesh me ju besu plotësisht.

¹³⁹ Zelli jem po më përvëlon, se kundërshtarët e
mi i kanë harru fjalët e tua.

¹⁴⁰ Krejt qka thue ti asht plotësisht e
pastër, e shërbëtori yt e don.

¹⁴¹ Unë jom i parëndësishëm e njerëzit më përbuzin.
Po prapë s'i kom harru udhëzimet e tua.

¹⁴² Drejtësia jote asht drejtësi e përjetshme,
edhe ligji yt asht e vërteta.

¹⁴³ Edhe kur mërzia e vështirësitë më bien mbi kry, urdhnat
e tu gjithmonë kanë me m'konë shumë të dashtun.

¹⁴⁴ Përkujtimet që vijnë pi teje jonë të drejta përgjithmonë.
Më jep mençuni që me mbetë gjallë.

^{ק (Kof)
145} Me krejt zemër po të thërras. M'u përgjigj, o
Jehova! Kam me i mbajtë rregullat e tua.

¹⁴⁶ Ty po të thërras. Më shpëto! Kam me
iu përmbajtë përkujtimeve që vijnë pi teje.

¹⁴⁷ Jom zgju hala pa ague dita, për me thirrë për
ndihmë, se shpresën e kom te fjalët e tua.

¹⁴⁸ Sytë më çelen para se me fillu rojet e natës, që
me mujtë me menu thellë për qka ke thanë ti.

¹⁴⁹ Të lutna, më dëgjo për shkak të dashnisë tande besnike.
O Jehova, më mbaj gjallë sipas drejtësisë tande.

¹⁵⁰ Ata që bojnë sene të turpshme po afrohen.
Ata jonë shumë larg ligjit tand.

¹⁵¹ Ti je afër, o Jehova, edhe krejt
urdhnat e tu jonë e vërteta.

¹⁵² Qysh moti i kom njoftë përkujtimet që vijnë pi teje, edhe
e kom kuptu që ti i ke vendosë me mbetë përgjithmonë.

^{ר (Resch)
153} Kqyre mërzinë teme edhe më shpëto,
se ligjin tand s'e kom harru.

¹⁵⁴ Më mbro edhe më shpëto.
Më mbaj gjallë, qysh më ke premtu.

¹⁵⁵ Shpëtimi asht larg pi të këqijve, se ata
s'janë mundu me i kërku rregullat e tua.

¹⁵⁶ Ti ke shumë dhimt, o Jehova.
Më mbaj gjallë sipas drejtësisë tande.

¹⁵⁷ Kom shumë njerëz që më përndjekin edhe shumë kundërshtarë.
Po unë s'jom largu pi përkujtimeve tua.

¹⁵⁸ Me neveri i kqyri tradhtarët, se ata
s'i përmbahen asaj që ke thanë ti.

¹⁵⁹ Kqyre sa shumë i du udhëzimet e tua!
O Jehova, më mbaj gjallë me dashninë tande besnike.

¹⁶⁰ Fjalët e tua jonë vetë thelbi i së vërtetës, edhe
krejt gjykimet e tua të drejta kanë me mbetë përgjithmonë.

^{ש (Sin oder Schin)
161} Princat më përndjekin pa kurrfarë arsye, po zemrën e
kom plot respekt të madh për fjalët e tua.

¹⁶² Gëzohem shumë me ato që i ke thanë ti, si
nji njeri që ka gjetë nji plaçkë të madhe.

¹⁶³ E urrej rrenën, po, më vjen neveri
pi saj, po ligjin tand e du.

¹⁶⁴ Shtatë herë në ditë të lavdoj,
për gjykimet e tua të drejta.

¹⁶⁵ Ata që e duan ligjin tand kanë paqe pa fund.
Kurgjo s'munet me i rrëzu.

¹⁶⁶ Unë shpresoj që ti ke me më shpëtu,
o Jehova, edhe i mbaj urdhnat e tu.

¹⁶⁷ Unë i mbaj përkujtimet që vijnë pi
teje, edhe i du me krejt zemër.

¹⁶⁸ I mbaj udhëzimet edhe përkujtimet e tua, se
ti e din krejt qka boj unë.

^{ת (Taw)
169} Le të mrrijë te ti thirrja jem për ndihmë, o Jehova.
Më jep kuptim përmes fjalëve tua.

¹⁷⁰ Le të vijë para teje lutja jem që me ma dhanë mirësinë tande.
Më shpëto, qysh më ke premtu.

¹⁷¹ Buzët e mia le të jenë plot lavdërime,
se ti m'i mëson rregullat e tua.

¹⁷² Gjuha jem le të këndojë për qka ke thanë
ti, se krejt urdhnat e tu jonë të drejtë.

¹⁷³ Dora jote koftë gati me më ndihmu, se unë
kom vendosë me i zbatu udhëzimet e tua.

¹⁷⁴ Mezi po e pres shpëtimin tand, o Jehova,
edhe ligjin tand e kom shumë për zemër.

¹⁷⁵ Më le me jetu që me mujtë me të lavdu.
Gjykimet e tua le të më ndihmojnë.

¹⁷⁶ Jom endë andej-këndej si nji dele e humbun.
Kërkoje shërbëtorin tand, se urdhnat e tu s'i kom harru.

{

 "chapter_id": "Kangë t'shejta 119",
 "references": {
   "v1": "2Kö 20:3; Jak 1:25",
   "v2": "2Ch 31:20, 21",
   "v3": "Jes 38:3",
   "v4": "5Mo 5:33; Jer 7:23; Jak 2:10",
   "v5": "Ps 51:10",
   "v6": "Ps 119:80",
   "v7": "",
   "v8": "",
   "v9": "Spr 6:20, 22",
   "v10": "Ps 25:5",
   "v11": "Ps 19:13; 37:31",
   "v12": "",
   "v13": "",
   "v14": "Ps 19:8, 10; 119:72",
   "v15": "Ps 25:10",
   "v16": "Jak 1:23-25",
   "v17": "Jes 38:20",
   "v18": "",
   "v19": "1Ch 29:15",
   "v20": "",
   "v21": "5Mo 28:15",
   "v22": "",
   "v23": "",
   "v24": "5Mo 17:18-20; Ps 119:105; 2Ti 3:16, 17",
   "v25": "Ps 119:154; 143:11",
   "v26": "Ps 86:11",
   "v27": "Ps 145:5",
   "v28": "",
   "v29": "Ps 141:4; Spr 30:8",
   "v30": "Jos 24:15",
   "v31": "Ps 25:20; 119:80",
   "v32": "",
   "v33": "Ps 119:112",
   "v34": "",
   "v35": "Ps 23:3",
   "v36": "Luk 12:15; 1Ti 6:10; Heb 13:5",
   "v37": "4Mo 15:39; Spr 4:25; 23:4, 5",
   "v38": "",
   "v39": "Ps 19:9; 119:75",
   "v40": "",
   "v41": "Ps 119:76",
   "v42": "",
   "v43": "",
   "v44": "Ps 119:33",
   "v45": "Ps 118:5",
   "v46": "Rö 1:16",
   "v47": "Hi 23:12; Ps 119:174; Rö 7:22",
   "v48": "Ps 119:23, 71",
   "v49": "",
   "v50": "Ps 94:19; Rö 15:4",
   "v51": "Ps 119:157",
   "v52": "Rö 15:4",
   "v53": "Ps 119:158; 139:21; Spr 28:4",
   "v54": "",
   "v55": "Ps 63:6; Jes 26:9",
   "v56": "",
   "v57": "2Mo 19:8",
   "v58": "Ps 57:1",
   "v59": "Ps 119:101; Eph 5:15",
   "v60": "2Ch 29:1, 3",
   "v61": "1Sa 26:8, 9; 2Ch 29:1, 2",
   "v62": "Ps 42:8",
   "v63": "Spr 13:20",
   "v64": "Ps 33:5; 104:13",
   "v65": "",
   "v66": "1Kö 3:9; Ps 94:10; Da 2:21; Php 1:9",
   "v67": "Ps 119:11",
   "v68": "Jes 48:17",
   "v69": "",
   "v70": "Ps 40:8; Rö 7:22",
   "v71": "1Ko 11:32; Heb 12:9-11",
   "v72": "Ps 19:7, 10; Spr 3:13-15",
   "v73": "1Ch 22:12; Hi 32:8",
   "v74": "Ps 119:147",
   "v75": "5Mo 32:4; Heb 12:11",
   "v76": "2Mo 34:6; Ps 86:5",
   "v77": "Rö 7:22",
   "v78": "Ps 119:45",
   "v79": "",
   "v80": "Ps 119:5, 6; 1Jo 2:28",
   "v81": "Mi 7:7",
   "v82": "Ps 86:17; 102:2",
   "v83": "Ps 119:61, 176",
   "v84": "Ps 7:6; Off 6:9, 10",
   "v85": "",
   "v86": "Ps 142:6",
   "v87": "",
   "v88": "",
   "v89": "Ps 89:2; 119:152",
   "v90": "Ps 104:5; Pr 1:4",
   "v91": "",
   "v92": "Spr 6:23; Mat 4:4",
   "v93": "3Mo 18:5; 5Mo 30:16; Joh 6:63; Rö 10:5",
   "v94": "Ps 119:15",
   "v95": "",
   "v96": "",
   "v97": "Ps 1:2",
   "v98": "Ps 19:7; Spr 2:6; 10:8",
   "v99": "Mat 11:25; Luk 2:46, 47",
   "v100": "",
   "v101": "Ps 18:23; 119:59",
   "v102": "",
   "v103": "Ps 19:7, 10; Spr 24:13, 14",
   "v104": "Ps 97:10; 101:3; Spr 8:13; 13:5; Rö 12:9",
   "v105": "Ps 43:3; Spr 6:23; Jes 51:4; Rö 15:4; 2Ti 3:16, 17; 2Pe 1:19",
   "v106": "",
   "v107": "Ps 119:88; 143:11",
   "v108": "5Mo 33:10; Jes 48:17",
   "v109": "Ps 119:61",
   "v110": "Ps 119:87",
   "v111": "Ps 19:8; 119:129; Jer 15:16",
   "v112": "",
   "v113": "Ps 40:8; 119:97",
   "v114": "Ps 130:5",
   "v115": "Ps 26:5",
   "v116": "Ps 25:2; Rö 10:11",
   "v117": "Jos 1:8; Ps 119:48",
   "v118": "1Ch 28:9; Ps 95:10",
   "v119": "Spr 2:22; 25:4, 5; Hes 22:18",
   "v120": "",
   "v121": "",
   "v122": "",
   "v123": "Ps 119:81",
   "v124": "Ps 143:10",
   "v125": "Ps 119:34; 2Ti 2:7; Jak 1:5",
   "v126": "Ps 9:19; Jer 18:23",
   "v127": "Ps 19:9, 10; 119:72; Spr 3:13, 14",
   "v128": "Ps 119:104",
   "v129": "",
   "v130": "Ps 19:7; Spr 1:1, 4; 2Ti 3:15",
   "v131": "Ps 42:1; 1Pe 2:2",
   "v132": "Heb 6:10",
   "v133": "Ps 19:13; Rö 6:12",
   "v134": "",
   "v135": "4Mo 6:25; Ps 4:6",
   "v136": "Hes 9:4; 2Pe 2:7, 8",
   "v137": "Off 16:5, 7",
   "v138": "",
   "v139": "2Kö 10:16; Ps 69:9; Joh 2:17",
   "v140": "Ps 119:97",
   "v141": "Ps 22:6, 7",
   "v142": "2Mo 34:6; Ps 119:160; Joh 17:17",
   "v143": "",
   "v144": "Ps 119:34",
   "v145": "",
   "v146": "",
   "v147": "Ps 5:3; 88:13; Mar 1:35",
   "v148": "Ps 63:6; Luk 6:12",
   "v149": "Ps 51:1; Jes 63:7",
   "v150": "",
   "v151": "Ps 19:9; Joh 17:17",
   "v152": "Ps 119:144; Pr 3:14",
   "v153": "Ps 9:13",
   "v154": "1Sa 24:15; Ps 43:1",
   "v155": "2Kö 17:15, 18; Ps 73:27; Spr 15:29",
   "v156": "1Ch 21:13; Ps 86:15; Jes 55:7; 2Ko 1:3; Jak 5:11",
   "v157": "Ps 25:19",
   "v158": "Ps 139:21",
   "v159": "Ps 119:40, 88; Klg 3:22",
   "v160": "2Sa 7:28; Ps 12:6; Joh 17:17",
   "v161": "2Kö 22:19",
   "v162": "Jer 15:16",
   "v163": "Ps 1:2",
   "v164": "",
   "v165": "Ps 1:2, 3; Spr 3:1, 2; Jes 32:17; 48:18",
   "v166": "",
   "v167": "Ps 1:2; 40:8; Rö 7:22",
   "v168": "Ps 139:3; Spr 5:21; 15:11; Heb 4:13",
   "v169": "1Ch 22:12; Spr 2:3, 5",
   "v170": "",
   "v171": "Ps 63:5; 71:17; 145:7",
   "v172": "Ps 40:9",
   "v173": "5Mo 30:19; Jos 24:15, 22",
   "v174": "Ps 1:2",
   "v175": "Ps 9:13, 14; Jes 38:19",
   "v176": "Pr 12:13"
 }

}