Letra e parë e Samuelit 6: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite 1. Samuelit 6 nach Letra e parë e Samuelit 6, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:13 Uhr
1 Arka e besëlidhjes së Jehovait ka nejt shtatë muj në tokën e filistinëve.
2 Filistinët i kanë thirr priftat edhe fallxhorët edhe i kanë vetë: “Qka me bo me arkën e besëlidhjes së Jehovait? Na kallxoni qysh me e kthy në vendin e vet.”
3 Ata janë përgjigj: “Nëse e ktheni arkën e besëlidhjes së Jehovait, Zotit të Izraelit, mos e çoni pa kurban. Duhet patjetër me i dhanë nji kurban për fajin. Veç atëherë keni me u shnosh edhe keni me marrë vesh pse aj s’e ka hjek dorën pi juve.”
4 Atëherë i kanë vetë: “Qfarë kurbani për fajin me i çu?” Ata janë përgjigj: “Pesë hemorroide pi ari edhe pesë minj pi ari, simas numrit të prijësve të filistinëve, se e njejta murtajë ju ka godit krejtve, juve edhe prijësve tuaj.
5 Boni figura të hemorroideve tuaja edhe të minjve që po e shkatërrojnë vendin, edhe nderojeni Zotin e Izraelit. Ndoshta aj ka me e lehtësu dorën e vet mbi juve, mbi zotin tuaj edhe mbi vendin tuaj.
6 Pse po doni me e ngurtësu zemrën si egjiptianët edhe faraoni? Kur Zoti i ka godit shumë randë, ata janë detyru me i lëshu izraelitët me shku, edhe populli ka ik.
7 Tash boni gati nji qerre të re edhe merrni dy lopë që kanë viça e që kurrë s’kanë majt zgjedhë. Lidhni lopët për qerre, po viçat e tyne largojini pi atyne edhe kthejini në shpi.
8 Merreni arkën e besëlidhjes së Jehovait edhe vnojeni mbi qerre. Senet pi ari që po ia çoni si kurban për fajin, vnojini në nji kuti ngat arkës. Masanej lëshojini lopët me shku.
9 Edhe kqyrni qka ka me ndodhë: Nëse arka shkon rrugës përpjetë drejt Beth-Shemeshit, në tokën e vet, atëherë aj na e ka pru këtë fatkeqësi të madhe. Po nëse jo, atëherë e dimë që s’na ka godit dora e tij, po krejt ka ndodh rastësisht.”
10 Burrat e kanë bo qashtu. I kanë marrë dy lopë që kishin viça, i kanë lidh për qerre edhe viçat i kanë mshel në shpi.
11 Masanej e kanë vnu arkën e besëlidhjes së Jehovait mbi qerre, bashkë me kutinë ku ishin minjtë pi ari edhe figurat e hemorroideve të tyne.
12 Lopët kanë shku drejt për në Beth-Shemesh. Kanë ec veç asaj rruge, pa u kthy as djathtas as majtas, edhe kanë mugëllu tanë kohën. Prijësit e filistinëve i kanë përcjell deri te kufini i Beth-Shemeshit.
13 Banorët e Beth-Shemeshit po e korrshin grunin në fushën e luginës. Kur i kanë çu sytë edhe e kanë pa arkën, janë gëzu shumë.
14 Qerrja ka hi në arën e Joshuas, nji banor i Beth-Shemeshit, edhe asht nalë ngat nji guri të madh. Njerëzit i kanë coptu drut e qerres edhe i kanë dhanë lopët si kurban që digjet krejt për Jehovain.
15 Levitët e kanë zhdryp arkën e besëlidhjes së Jehovait edhe kutinë me senet pi ari, edhe i kanë vnu të dyjat mbi gurin e madh. Qat ditë burrat e Beth-Shemeshit kanë dhanë kurbane që digjen krejt edhe kurbane të tjera për Jehovain.
16 Kur pesë prijësit e filistinëve e kanë pa këtë, janë kthy në Ekron po qat ditë.
17 Hemorroidet pi ari që filistinët i kanë çu si kurban për fajin te Jehovai jonë konë: nji për Ashdodin, nji për Gazën, nji për Ashkalonin, nji për Gatin edhe nji për Ekronin.
18 Edhe numri i minjve pi ari u konë i njejtë me numrin e krejt qyteteve të filistinëve që ishin nën pesë prijësit, si qytetet me mure mbrojtëse, ashtu edhe katundet në vende të hapuna.
Edhe guri i madh, ku e kanë vnu arkën e besëlidhjes së Jehovait, asht dëshmi deri në ditën e sotme në arën e Joshuas, banorit të Beth-Shemeshit.
19 Po Zoti i ka myt banorët e Beth-Shemeshit, se e kanë kqyr arkën e besëlidhjes së Jehovait. Aj i ka myt 50 070 veta pi popullit, edhe njerëzit kanë mbajt zi, se Jehova i ka shkatërru kaq shumë veta.
20 Atëherë banorët e Beth-Shemeshit kanë thanë: “Kush munet me qëndru përpara Jehovait, këtij Zoti të shenjtë, edhe te kush ka me shku aj, larg pi neve?”
21 Për qata, kanë çu lajmëtarë te banorët e Kirjath-Jearimit edhe ju kanë thanë: “Filistinët e kanë kthy arkën e besëlidhjes së Jehovait. Hajdeni, zhdrypni edhe merreni!”