Kangë t'shejta 59: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite Psalmi 59 nach Kangë t'shejta 59, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:42 Uhr
1 M'çliro pi anmiqve të mi, o Zoti jem.
M'ruj pi atyne që po çohen kundër meje.
2 M'çliro pi atyne që bojnë keq,
edhe m'shpëto pi njerzve të dhunshëm.
3 Kqyre!
Ata po më presin në pritë.
Burra të fortë po më sulmojnë, edhe pse s'kom bo kryengritje as gjynah, o Jehova.
4 Edhe pse s'kom bo kurgjo të keqe, ata po vrapojnë e po bohen gati me më sulmu.
Çohu kur po të thirri edhe kqyre qka po ndodh.
5 Se ti, o Jehova, Zoti i ushtrive, je Zoti
i Izraelit. Zgjohu edhe ktheje vëmendjen kah krejt kombet! Mos
ki dhimt për asnjanin pi tradhtarëve të këqij. Sela
6 Çdo mramje ata po kthehen apet.
Po hungërojnë si qentë edhe po sillen nëpër qytet.
7 Kqyre qka po ju del pi goje.
Buzët e tyne jonë si shpata, se ata po thojnë:
«Kush po na nin?»
8 Po ti, o Jehova, ke me qeshë me ta.
Ke me i përqeshë krejt popujt.
9 Ti je forca jem, kah ti kom me i majt sytë.
Se Zoti asht vendi jem i sigurt ku muj me u strehu.
10 Zoti që po ma kallxon dashninë e vet besnike ka me m'ardh në ndihmë.
Zoti ka me m'lanë me i kqyrë anmiqtë e mi si fitimtar.
11 Mos i myt, që populli jem mos me harru.
Me fuqinë tande bani me u sillë andej-knej.
Rrëzoji, o Jehova, ti që je mburoja jonë.
12 Për shkak të gjynahit që ju del pi goje, për shkak të
fjalëve të buzëve të tyne, le t'ju bohet krenaria e tyne kurth ku
kanë me ra, se ata po mallkojnë edhe po folin me mashtrime.
13 Jepju fund me zemrimin tand. Jepju fund, që mos me
metë ma asnjani pi tyne. Le ta kuptojnë që Zoti
sundon në Jakob edhe deri në skajet e tokës. Sela
14 Le të kthehen apet në mramje.
Le të hungërojnë si qentë edhe të sillen nëpër qytet.
15 Le të bredhin andej-knej tu lypë diçka me hangër.
Le të mos ngihen kurrë, as mos të gjejnë vend me fjetë.
16 Po unë kom me këndu për forcën tande. Në mëngjes
kom me folë plot gëzim për dashninë tande besnike. Se ti
je vendi jem i sigurt ku muj me u strehu
edhe vendi ku muj me ikë kur jom në zor.
17 Ti je forca jem, për ty kom me këndu kangë, se Zoti asht vendi jem i
sigurt ku muj me u strehu, Zoti që po ma kallxon dashninë e vet besnike.