Letra e dytë e Shembujve 8: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite 2. Shembujve 8 nach Letra e dytë e Shembujve 8, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:31 Uhr
1 Mas 20 vjetëve, gjatë t'cilave Sạlomo e ka ndërtu shpinë e Jehovait edhe pallatin e vet,
2 Sạlomo i ka zgjeru qytetet që Hịrami ia ka dhanë edhe i ka vendos izraelitët aty.
3 Përveç kësaj, Sạlomo ka shku në Hạmath-Zọba edhe e ka pushtu.
4 Masanej e ka zgjeru Tạdmorin në shkretinë edhe krejt qytetet për me rujt furnizime që i ka ndërtu në Hạmath.
5 E ka zgjeru edhe Beth-Họronin e Epërm edhe Beth-Họronin e Poshtëm, edhe i ka bo qytete t'forta me mure, porta e shula,
6 si edhe Baalathin, krejt qytetet ku Sạlomo i ka rujt furnizimet, edhe krejt qytetet për qerret e tij edhe për kalorësit e tij. Ai i ka kry edhe krejt punët tjera t'ndërtimit në Jerusalem, në Lịbanon edhe në krejt vendin ku ka sundu.
7 Pi hititëve, amoritëve, perizitëve, hivitëve edhe jebusitëve kanë mbetë hala disa. Ata s'jonë konë pjesë e Izraelit.
8 Ata jonë konë pasardhës t'atyne që izraelitët s'i kanë zhduk edhe që kanë jetu hala në atë vend. Sạlomo i ka shti me punu me zor, edhe qashtu punojnë edhe sot.
9 Po izraelitët Sạlomo s'i ka shti me punu si skllavë për veti. Ata jonë konë ushtarët e tij, krerët e ndihmësve t'tij, si edhe krerët e atyne që i kanë drejtu qerret edhe t'kalorësve.
10 Jonë konë 250 krerë t'njerëzve që mbreti Sạlomo ua ka dhanë përgjegjësinë. Ata i kanë mbikëqyr njerëzit në punë.
11 Sạlomo e ka çu vajzën e faraonit pi qytetit t'Davidit nalt, në shpinë që e ka ndërtu për to. Ai ka thanë: «Edhe pse ajo asht gruja jem, s'ka me jetu në shpinë e mbretit David t'Izraelit, se vendet ku ka nejt arka e besëlidhjes e Jehovait jonë t'shejta.»
12 Masanej Sạlomo i ka bo Jehovait kurbane që digjeshin krejt, mbi altarin e Jehovait që e ka ndërtu përpara hyrjes me kulm.
13 Sipas udhëzimeve t'Moisiut, ai i ka bo kurbanet e përditshme, kurbanet për ditët e sabatit, për ditët e hanës së re edhe për tri festat e caktume gjatë vitit: Festën e Bukëve pa Tharm, Festën e Javëve edhe Festën e Kasolleve.
14 Sipas rregullit që e ka lanë baba i tij Davidi, ai i ka nda priftat në grupe për shërbimin e tyne edhe levitëve ua ka caktu punët. Ata çdo ditë, në prani t'priftave, kanë pasë me lavdëru Zotin edhe me e kry shërbimin e vet sipas rendit t'caktum. Edhe rojat e portave i ka nda në grupe për portat e ndryshme. Qashtu e ka urdhnu Davidi, njeriu i Zotit t'vërtetë.
15 Për depot edhe për krejt senet tjera, i kanë zbatu saktë urdhnat e mbretit për priftat edhe levitët.
16 Krejt punët që Sạlomo i ka bo jonë konë t'organizume mirë, pi ditës kur u vu themeli i shpisë së Jehovait e deri kur ka përfundu ndërtimi. Qashtu u kry shpija e Jehovait.
17 Në atë kohë, Sạlomo ka shku në Ẹzjon-Gẹber edhe në Ẹloth, në bregdet, në vendin e Ẹdomit.
18 Hịrami ia ka çu, përmes njerëzve t'vet, anije edhe detarë me përvojë. Ata kanë lundru bashkë me njerëzit e Sạlomos për në Ọphir edhe pi atje ia kanë pru mbretit Sạlomo 450 talenta ari.