Letra e parë e Samuelit 28: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite 1. Samuelit 28 nach Letra e parë e Samuelit 28, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:16 Uhr
1 Në atë kohë, filistinët i kanë mbledhë ushtarët e vet për me shku në luftë kundër Izraelit. Atëherë Akishi i ka thanë Davidit: “Ti e din mirë që ti edhe burrat e tu keni me shku bashkë me mu në luftë.”
2 Davidi i ka thanë Akishit: “Ti e din qysh ka me u sill shërbëtori yt.” E Akishi ia ka kthy: “Për qata po të caktoj me konë roje e trupit tem përherë.”
3 Samueli veç ka dekë, e krejt Izraeli ka majt zi për të edhe e kanë vorrosë në Ramë, në qytetin e vet. Edhe Sauli i ka largu pi vendit ata që merreshin me thirrjen e shpirtnave edhe fallxhinjtë.
4 Filistinët janë mbledhë, janë nisë edhe e kanë ngritë kampin në Shunem. Atëherë Sauli e ka mbledhë krejt ushtrinë e Izraelit edhe e ka ngritë kampin në Gilboa.
5 Kur Sauli e ka pa kampin e filistinëve, e ka kapë frika e madhe edhe zemra i ka rrahë fort.
6 Sauli e ka vetë Jehovën shumë herë, po Jehova s’i ka kthy përgjigje kurrë, as përmes andrrave, as përmes Urimit, as përmes profetëve.
7 Në fund Sauli u ka thanë shërbëtorëve të vet: “Ma gjeni nji gru që merret me thirrjen e shpirtnave! Kam me shku te ajo me e vetë.” Shërbëtorët i kanë thanë: “Në En-Dor asht nji gru që merret me thirrjen e shpirtnave.”
8 Atëherë Sauli u masku që mos me u njoftë, i ka veshë tesha tjera edhe natën ka shku te ajo gru bashkë me dy burrat e vet. I ka thanë: “Të lutna, ma kallxo qka ka me ndodhë, tu e përdorë aftësinë tane me thirr shpirta. Ma nxirr nalt atë që ta përmendi unë.”
9 Po gruja i ka thanë: “Ti e din qka ka bo Sauli, qysh i ka largu pi vendit ata që thirrshin shpirta edhe fallxhinjtë. Pse po ma ngreh kurthin? A po don me bo që me m’vra mu?”
10 Atëherë Sauli u betu në Jehovën e ka thanë: “Pasha Jehovën e gjallë, për këtë punë s’ka me të ra kurrfarë faji!”
11 Gruja e ka vetë: “Kënd me ta nxjerrë nalt?” Aj i ka thanë: “Ma thirr Samuelin!”
12 Kur gruja e ka pa “Samuelin”, ka bërtitë me za të naltë edhe i ka thanë Saulit: “Pse më ke mashtru? Ti je Sauli!”
13 Po mbreti i ka thanë: “Mos u tut! Qka po sheh?” Gruja i ka thanë Saulit: “Po e shoh dikë tu hyp pi tokës, që doket si nji zot.”
14 Menjiherë aj e ka vetë: “Qysh po doket?” Ajo i ka thanë: “Asht nji plak që po hyp nalt, edhe e ka veshë nji petk të sipërm pa mangë.” Atëherë Sauli e ka kuptu që aj u konë “Samueli”. U përkul shumë me ftyrë për tokë edhe ra përmbys.
15 “Samueli” i ka thanë Saulit: “Pse po më trazon? Pse më ke nxjerrë nalt?” Sauli i ka thanë: “Jom në hall shumë të madh. Filistinët po bojnë luftë kundër meje, e Zoti më ka lanë edhe s’po më përgjigjet ma, as përmes profetëve, as përmes andrrave. Për qata të kom thirrë ty, që me më kallxu qka me bo.”
16 “Samueli” i ka thanë: “Pse po më vetë mu, kur Jehova të ka lanë edhe t’asht bo armik?
17 Jehova ka me bo qysh ka thanë përmes meje: Jehova ka me ta marrë mbretninë pi durve edhe ka me ia dhanë nji tjetri pi popullit tand, Davidit.
18 Ti s’e ke ngu zanin e Jehovës edhe s’i ke zhdukë amalekitët, që e kanë zemëru shumë Jehovën. Për qata Jehova po vepron qeshtu me ty sot.
19 Përveç kësaj, Jehova ka me të dorëzu ty edhe Izraelin në durt e filistinëve. Nesër ti edhe djemtë e tu keni me konë te unë. Edhe ushtrinë e Izraelit Jehova ka me ia dorëzu filistinëve.”
20 Atëherë Sauli ka ra menjiherë për tokë, krejt i shtrimë. E ka kapë frika e madhe pi fjalëve të “Samuelit”. Edhe fuqia i ka hupë krejt, se s’ka hangër kurgjo tanë ditën e tanë natën.
21 Kur gruja ka shku te Sauli edhe e ka pa sa shumë u trazu, i ka thanë: “Unë, shërbëtorja jote, të kom ngu. E kom rreziku jetën teme edhe e kom bo qka më ke thanë ti.
22 Tash të lutna, ngoma edhe ti fjalën mu, shërbëtores tane! Lem me ta pru nji copë bukë, e ha pak që me marrë fuqi për rrugë.”
23 Po aj s’ka dashtë edhe ka thanë: “S’kam me hangër kurgjo.” Ama shërbëtorët e vet edhe gruja kanë folë me të e i kanë lutë vazhdimisht, derisa në fund i ka ngu. Atëherë u çu pi tokës edhe u ul në shtrat.
24 Gruja e ka pasë në shpi nji viç të majmë edhe e ka therë shpejt. Ka marrë edhe miell, e ka ngjeshë brumin edhe ka pjekë bukë pa maja.
25 Masanej ua ka qitë ushqimin përpara Saulit edhe shërbëtorëve të tij. Ata kanë hangër, e masanej janë nisë rrugës atë natë.