Mateu 1

¹ Libri i historisë i Jezu Krishtit, djalit të Davidit, djali të Ibrahamit:
² Ibrahamit i ka le Isaku;
Isakut i ka le Jakobi;
Jakobit i ka le Juda edhe vllaznit e tij;
³ Judës i ka le Perezi dhe Zerahu prej grujës Tamara;
Perezit i ka le Hezroni;
Hezronit i ka le Rami;
⁴ Ramit i ka le Aminadabi;
Aminadabit i ka le Nahasoni;
Nahasonit i ka le Salmoni;
⁵ Salmonit i ka le Boazi prej grujës Rahaba;
Boazit i ka le Obedi prej grujës Rutha;
Obedit i ka le Jeseu;
⁶ Jeseut i ka le Davidi, mreti.
Davidit i ka le Solomoni prej grujës e Uriahut;
⁷ Solomonit i ka le Rehoboami;
Rehoboamit i ka le Abijahu;
Abijahut i ka le Asa;
⁸ Asës i ka le Jehozafati;
Jehozafatit i ka le Jehorami;
Jehoramit i ka le Uziahu;
⁹ Uziahut i ka le Jotami;
Jotamit i ka le Akazi;
Akazit i ka le Hezekia;
¹⁰ Hezekisë i ka le Manaseu;
Manaseut i ka le Amoni;
Amonit i ka le Josia;
¹¹ Josisë i ka le Jekonia edhe vllaznit e tij gjatë kohës së gyrbetit në Babiloni.
¹² Mas gyrbetit në Babiloni, Jekonisë i ka le Shealtieli;
Shealtielit i ka le Zorobabeli;
¹³ Zorobabelit i ka le Abiudi;
Abiudit i ka le Eliakimi;
Eliakimit i ka le Azori;
¹⁴ Azorit i ka le Sadoku;
Sadokut i ka le Akimi;
Akimit i ka le Eliudi;
¹⁵ Eliudit i ka le Eleazari;
Eleazarit i ka le Matani;
Matanit i ka le Jakobi;
¹⁶ Jakobit i ka le Jozefi, burri i Marisë, nga e cila ka le Jezusi që quhet Krisht.
¹⁷ Prej Ibrahimit deri te Davidi ishin krejt 14 gjenerata; dhe nga Davidi deri te gyrbeti në Babiloni 14 gjenerata; dhe nga gyrbeti në Babiloni deri te Krishti 14 gjenerata.
¹⁸ Lindja e Jezu Krishtit ndodhi kshtu: Gjatë kohës kur Marija, nona e Jezusit, u kon e fejune me Jozefin, ajo ishte me bark me anën e frymes së shenjtë, përpara se mu martu me Jozefin. ¹⁹ Jozefi u kon nji njeri i mirë edhe nuk ka desht me ja marr ftyrën e Marijës para njerzve, përqata dashti mu nda prej saj tinza. ²⁰ Por masi i ka menu mirë kto gjëra, melaqja e Jehovajit i ka ardh në andërr edhe i tha: „Jozef, djali i Davidit, mos u tut me marrë grujën tone Marijën te shpia, sepse qka u bo te ajo, u bo me frymën e shenjtë. ²¹ Ajo ka me lind nji djal edhe ti ja le emrin Jezus, sepse aj ka mi pshtu popullin i tij nga gabimet.“ ²² Kjo ka ndodh për me mush shkrimi që Jehovaji ka thon nepërmjet pejgamberit i tij: ²³ „Beqaresha ka me met me bark edhe ka me le nji djal edhe ka mi ja lon emrin Emanuel“, që kur përkthehet donmethon „Zoti osht me neve“.
²⁴ Masanej Jozefi u qu nga gjumi edhe boni ashtu qysh i ka thon melaqja. E morri te shpia grujën e tij, ²⁵ por nuk ka flejt me atá deri sa ka le djali, dhe ja ka lon emrin Jezus.