Libri i tret i Musës 19: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite Levitiku 19 nach Libri i tret i Musës 19, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 08:59 Uhr
1 Jehovai i tha prapë Moisiut:
2 “Fol me krejt bashkësinë e izraelitëve edhe thuju: ‘Ju duhet me konë të shenjtë, se unë, Jehovai, Zoti juej, jom i shenjtë.
3 Secili pi juve ka me e respektu nanën edhe babën e vet, edhe keni me i mbajt ditët e mia të Sabatit. Unë jom Jehovai, Zoti juej.
4 Mos u ktheni kah zotat që s'vlejnë kurgjo edhe mos boni për veti zota pi metali të shkrimë e të derdhun. Unë jom Jehovai, Zoti juej.
5 Nëse i jepni Jehovait nji kurban për bashkësi, jepeni qashtu që aj me ju pranu.
6 Mishi i kurbanit ka me u hangër atë ditë kur e jepni kurbanin, edhe ditën mas saj. Po krejt çka tepron deri në ditën e tretë, ka me u djeg.
7 Nëse dikush han pi atij mishi në ditën e tretë, ajo asht diçka e papranushme edhe kurbani s'ka me u pranu.
8 Kush han pi atij mishi ka me dhanë llogari për fajin e vet, se ka përdhos diçka që asht e shenjtë për Jehovain. Aj ka me u largu pi popullit të vet.
9 Kur e korrni bereqetin e tokës juej, mos e korrni arën krejt deri në skaje edhe mos i mblidhni ato që kanë met mas korrjes.
10 Edhe në vneshtat e juve, mos i këputni krejt kokrrat e rrushit që kanë met, as mos i mblidhni kokrrat që kanë ra përtokë. Leni ato për fukaratë edhe për të hujt që jetojnë mes juve. Unë jom Jehovai, Zoti juej.
11 Mos vidhni, mos i mashtroni të tjerët edhe mos e rreni njani-tjetrin.
12 Mos u betoni rrejshëm në emnin tem, se qeshtu e përdhosni emnin e Zotit juej. Unë jom Jehovai.
13 Mos e mashtro tjetrin edhe mos ia merr atë që i takon. Mos ia nal rrogën puntorit që punon me pagesë gjatë natës deri në mëngjes.
14 Mos e mallko njerin që s'nin edhe mos i qit pengesë përpara njerit të verbër. Ki respekt të madh për Zotin tand. Unë jom Jehovai.
15 Mos u bo i padrejtë kur gjykon dikon. Mos ia maj anën fukarës veç pse asht fukara, as mos e favorizo të pasunin. Gjykoje tjetrin me drejtësi.
16 Mos shko andej-knej tu përhap shpifje për njerëzit e popullit tand. Mos vepro kundër jetës së tjetrit. Unë jom Jehovai.
17 Mos e urrej vllaun tand në zemër. Kur tjetri gabon, patjetër qortoje, që mos me u bo edhe ti fajtor bashkë me të për mëkatin e tij.
18 Mos u hakmerr ndaj njerëzve të popullit tand edhe mos ua maj inatin. Duje tjetrin qysh e don veten. Unë jom Jehovai.
19 Mbajuni rregullave të mia: Mos i kryqëzoni dy lloje të ndryshme të kafshëve të shpisë. Mos i mbillni dy lloje të ndryshme farash në arën tuej edhe mos vishni tesha të bome pi dy lloje të ndryshme penjsh.
20 Nëse nji burrë ka marrëdhënie seksuale me nji gru që asht shërbtore edhe asht caktu për nji burrë tjetër, po hala s'asht ble liria e saj e as s'asht liru, atëherë ka me pas dënim. Po ata s'kanë me u dënu me vdekje, se gruaja hala s'u konë e lirume.
21 Burri ka me ia pru Jehovait nji dash si kurban për fajin, te hyrja e tendës së takimit.
22 Prifti ka me bo shlyerje para Jehovait për mëkatin që e ka bo aj burrë, me dashin që e ka pru si kurban për fajin. Edhe mëkati që e ka bo ka me iu falë.
23 Kur të hyni në atë tokë edhe mbillni naj dru që jep fruta, frytat e tij keni me i konsideru të papastra edhe të ndalume. Për tri vjet ato kanë me konë të ndalume për ju. S'guxoni me hangër pi tyne.
24 Po në vitin e katërt, krejt frytat e atij druni kanë me konë të shenjta edhe ka me pas gëzim para Jehovait.
25 Në vitin e pestë, keni me mujt me i hangër frytat e tij. Qeshtu bereqeti juej ka me u shtu. Unë jom Jehovai, Zoti juej.
26 Mos hani kurgjo që ka gjak mrena. Mos lypni shenja për me e ditë të ardhmen edhe mos u merrni me magji.
27 Mos i rruani flokët anash kryt edhe mos i prishni skajet e mjekrës tuej.
28 Mos i boni vetes të prera në trup për shkak të dikujt që ka vdekë edhe mos boni tatuazhe në trupin juej. Unë jom Jehovai.
29 Mos e çndero çikën tande tu e bo prostitutë, që mos me u përhap prostitucioni në atë tokë edhe mos me u prish morali gjithkah.
30 Mbajini ditët e mia të Sabatit edhe kini respekt të madh për vendin tem të shenjtë. Unë jom Jehovai.
31 Mos shkoni te njerëzit që thonë se flasin me shpirta edhe mos i lypni ata që pretendojnë se e dinë të ardhmen, që mos me u bo të papastër për shkak të tyne. Unë jom Jehovai, Zoti juej.
32 Çohu në kambë para njerit që i ka flokët e thinjta edhe respektoji njerëzit e moshuem. Ki respekt të madh për Zotin tand. Unë jom Jehovai.
33 Nëse nji i huj jeton mes juve në tokën tuej, mos e trajtoni keq.
34 Të hujin që jeton mes juve, trajtojeni njajt si njerin e vendit tuej. Duje qysh e don veten, se edhe ju vetë keni jetu si të huj në Egjipt. Unë jom Jehovai, Zoti juej.
35 Mos mashtroni kur matni gjatësinë, peshën a sasinë e diçkaje.
36 Përdorni peshore të sakta, gurë peshe të saktë, masa të sakta për gjanat e thata edhe masa të sakta për langje. Unë jom Jehovai, Zoti juej, që ju kom nxjerr pi Egjiptit.
37 Pra, mbajuni krejt rregullave të mia edhe krejt vendimeve të mia të drejta, edhe veproni sipas tyne. Unë jom Jehovai.’”