Libri i pest i Musës 25: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite Deuteronomit 25 nach Libri i pest i Musës 25, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:09 Uhr
1 Nëse dy burra zihen mes veti, munen me dalë para gjykatësve. Ata duhet me e gjyku rastin, me e shpallë të drejtin pa faj, e fajtorin me faj.
2 Nëse fajtori e meriton me u rrehë, gjykatësi duhet me urdhnu që aj me u shtri para tij edhe me u rrehë në sy t'tij. Sa t'rrahuna ka me marrë, varet pi asaj sa e randë asht puna që e ka bo.
3 Gjykatësi munet me urdhnu me ia dhanë deri në 40 t'rrahuna, po jo ma shumë. Përndryshe, vllau yt ka me u poshtëru para syve tu.
4 S'bon me ia lidhë gojën kaut kur asht tu e shi drithin.
5 Nëse vllaznit jetojnë afër njani-tjetrit, e njani pi tyne vdes pa pasë djalë, grueja e atij që ka vdekë s'bon me u martu me najkënd jashtë familjes. Vllau i burrit t'saj duhet me shku te ajo, me e marrë për grue edhe me e kry detyrën e kunatit tu u martu me to.
6 Emni i vllaut t'tij që ka vdekë duhet me vazhdu përmes fëmijës së parë që ajo ka me lindë, që emni i tij mos me u shly pi Izraelit.
7 Po nëse aj burrë s'don me e marrë për grue të venë e vllaut t'vet, ajo duhet me shku te pleqtë te porta e qytetit edhe me thanë: ‘Vllau i burrit tem s'ka pranu me ia rujtë emnin vllaut t'vet në Izrael. Aj s'don me e kry detyrën e kunatit e me u martu me mu.’
8 Pleqtë e qytetit t'tij duhet me e thirrë edhe me folë me to. Nëse aj prapë s'e ndrron mendjen edhe thotë: ‘S'du me u martu me to’,
9 atëherë e veja e vllaut t'tij duhet me iu afru para pleqve, me ia nxjerrë sandalen pi kambës, me e pështy në ftyrë edhe me thanë: ‘Qeshtu i bahet burrit që s'ia ndërton shpinë vllaut t'vet.’
10 Pi atëherë, emni i familjes së tij në Izrael ka me u konë: ‘Shpia e atij që ia kanë hjekë sandalen’.
11 Nëse dy burra rroken me njani-tjetrin, e grueja e njanit hyn në mes me e mbrojtë burrin e vet pi atij që po e sulmon, edhe e zgjat dorën e e kap sulmuesin për pjesët intime,
12 atëherë duhet me ia pre dorën. S'bon me t'ardhë gjynah për to.
13 S'bon me majtë në thesin tand dy gurë t'ndryshëm për me peshu, njanin t'madh e tjetrin t'vogël.
14 S'bon me pasë në shpinë tane dy enë t'ndryshme për me matë, njanën t'madhe e tjetrën t'vogël.
15 Gjithmonë duhet me pasë nji gur peshe t'saktë e t'drejtë, edhe nji masë t'saktë e t'drejtë, që me jetu gjatë në vendin që Jehovai, Zoti yt, po ta jep.
16 Se kushdo që mashtron edhe i bon qesi sene, Jehovës, Zotit tand, i vjen neveri pi tij.
17 Kujtoje qka t'ka bo Amaleku rrugës, kur ke dalë pi Egjiptit,
18 qysh t'ka dalë përpara rrugës edhe i ka sulmu krejt ata që kanë mbetë mbrapa, kur ti u konë i lodhun e pa fuqi. Aj s'e ka pasë frikë Zotin.
19 Kur Jehovai, Zoti yt, ka me t'dhanë qetësi pi krejt armiqve që i ki përreth, në vendin që Jehovai, Zoti yt, po ta jep si trashëgim, atëherë duhet me e shly kujtimin e Amalekut nën qiell. Mos e harro!