Josiu 6: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite Joshua 6 nach Josiu 6, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:10 Uhr
1 Portat e qytetit të Jerihos u konë të mbylluna fort për shkak të izraelitëve. Askush s’ka dalë jashtë edhe askush s’ka hi mrena.
2 Atëherë Jehovai i ka thanë Jozuës: “Shihe, unë ta kom dorëzu Jerihon, mbretin e tij edhe luftëtarët e fortë të qytetit.
3 Ju krejt luftëtarët, silluni nji herë rreth qytetit. Kështu boni gjashtë ditë rresht.
4 Shtatë prifta le të ecin përpara arkës së besëlidhjes me shtatë brina dashësh. Po ditën e shtatë keni me u sillë shtatë herë rreth qytetit, edhe priftat kanë me ju fry brinave.
5 Kur të nihet zani i brinit të dashit, sapo ta nini zanin e gjatë të brinit, krejt keni me bërtitë fort si në luftë. Atëherë muri i qytetit ka me u rrëzu, edhe burrat kanë me ecë përpara, secili drejt në qytet.”
6 Jozua, djali i Nunit, i ka thirrë priftat edhe ju ka thanë: “Merreni arkën e besëlidhjes! Shtatë prifta le të shkojnë përpara arkës së besëlidhjes së Jehovait me shtatë brina dashësh.”
7 Pastaj ju ka thanë ushtarëve: “Hajde, silluni rreth qytetit! Burrat e armatosun le të shkojnë përpara arkës së besëlidhjes së Jehovait.”
8 Qysh ju ka thanë Jozua burrave, ashtu kanë ba. Shtatë priftat që i kanë mbajtë shtatë brinat e dashëve përpara Jehovait janë nisë edhe ju kanë fry brinave, e arka e besëlidhjes së Jehovait ka shku mbrapa tyne.
9 Derisa priftat ju kanë fry brinave, burrat e armatosun kanë ecë përpara tyne, e ata që kanë ecë të fundit kanë shku mbrapa arkës së besëlidhjes. Krejt kohën janë ni brinat tue u fry.
10 Jozua i ka urdhnu burrat: “Mos bërtitni edhe mos e qitni zanin. Mos e thoni asnji fjalë, derisa unë t’ju urdhnoj: ‘Bërtitni!’ Atëherë keni me bërtitë fort si në luftë.”
11 Pastaj Jozua ka ba që arka e besëlidhjes së Jehovait me shku nji herë rreth qytetit. Mandej krejt janë kthy edhe e kanë kalu natën në kamp.
12 Të nesërmen Jozua asht çu herët në mëngjes, edhe priftat e kanë marrë arkën e besëlidhjes së Jehovait.
13 Shtatë priftat me shtatë brinat e dashëve kanë ecë përpara arkës së besëlidhjes së Jehovait edhe ju kanë fry brinave pa u nalë. Përpara tyne kanë ecë burrat e armatosun, e mbrapa arkës së besëlidhjes së Jehovait kanë ecë ata që u konë të fundit. Krejt kohën janë ni brinat tue u fry.
14 Edhe ditën e dytë janë sillë nji herë rreth qytetit, e pastaj janë kthy në kamp. Kështu kanë ba gjashtë ditë rresht.
15 Ditën e shtatë janë çu herët, sapo ka nisë me u zbardhë dita, edhe janë sillë rreth qytetit qysh kanë ba ma herët, veç kësaj here shtatë herë. Vetëm atë ditë janë sillë shtatë herë rreth qytetit.
16 Herën e shtatë, priftat ju kanë fry brinave, e Jozua ka urdhnu: “Bërtitni, se Jehovai jua ka dhanë qytetin!
17 Qyteti edhe krejt qka ka mrena duhet me u shkatërru krejtësisht. Krejt i takon Jehovait. Veç prostitutja Rahab le të mbetet gjallë, ajo edhe krejt ata që jonë në shpinë e saj, se i ka mshefë njerëzit që i kemi çu.
18 Rrini larg krejt seneve që duhet me u shkatërru krejtësisht, që mos me ju lakmu edhe mos me marrë kurgjo pi tyne. Se përndryshe keni me ia sjellë fatkeqësinë kampit të Izraelit, edhe atëherë edhe kampi ka me u caktu për shkatërrim.
19 Po krejt argjendi, ari edhe senet pi bakri e hekuri jonë të shenjta për Jehovain. Krejt duhet me shku në vendin ku ruhet thesari i Jehovait.”
20 Kur ju kanë fry brinave, burrat kanë fillu me bërtitë. Sapo e kanë ni zanin e brinave edhe kanë bërtitë fort si në luftë, muri i qytetit asht rrëzu. Pastaj krejt kanë hi drejt në qytet, secili përpara vetes, edhe e kanë pushtu.
21 Krejt qka u konë në qytet e kanë shkatërru me shpatë. I kanë mbytë krejt, burra e gra, të rij e pleq, dema, dele e gomarë.
22 Jozua ju ka thanë dy burrave që kanë shku me e pa vendin fshehtas: “Shkoni në shpinë e prostitutës edhe nxirreni atë bashkë me krejt të vetët, qysh i keni premtu me betim.”
23 Atëherë dy djemtë që kanë shku me e pa vendin fshehtas kanë hi mrena edhe e kanë nxjerrë Rahabën, bashkë me babën e saj, nanën, vllaznit e motrat edhe krejt të vetët. Krejt familjen e kanë çu në nji vend të sigurt jashtë kampit të Izraelit.
24 Pastaj e kanë kallë qytetin bashkë me krejt qka u konë mrena. Po argjendin, arin edhe senet pi bakri e hekuri i kanë dorëzu në vendin ku ruhet thesari i shpisë së Jehovait.
25 Veç prostituten Rahab, familjen e babës së saj edhe krejt të vetët, Jozua i ka lanë gjallë. Ajo jeton edhe sot në Izrael, se i ka mshefë njerëzit që Jozua i ka çu me e pa Jerihon fshehtas.
26 Në atë kohë Jozua ka ba nji betim: “I mallkum para Jehovait qoftë aj burrë që mundohet me e ndërtu prapë Jerihon! Kur ta qet themelin, ka me e humbë djalin e vet të parë, e kur t’i vendosë portat, ka me e humbë djalin e vet ma të vogël.”
27 Jozua e ka pasë përkrahjen e Jehovait, edhe nami i tij asht përhapë në krejt tokën.