Josiu 13: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite Joshua 13 nach Josiu 13, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:11 Uhr
1 Josiu tash u konë plakë, i shtymë n'moshë, edhe Jehovai i ka thanë: «Ti je plakë edhe je kah fundi i jetës, po hala ka shumë tokë për me marrë.
2 Kjo asht toka që ka mbetë pa u marrë: krejt territoret e filistinëve edhe t'geshuritëve,
3 pi degës së Nilit n'lindje t'Egjiptit deri te kufini i Ekronit n'veri, që krejt kjo llogaritej si tokë e kananitëve. Këtu përfshihet edhe territori i pesë sundimtarëve filistinë, i gazitëve, ashdoditëve, ashkelonitëve, gatitëve edhe ekronitëve, si edhe territori i avimëve
4 n'jug. Ka mbetë edhe krejt toka e kananitëve, territori pi Meara e sidonëve deri te Afeku, deri te kufini i amoritëve;
5 toka e gebalitëve edhe krejt Libani n'lindje, pi Baal-Gadi rranzë malit Hermon deri te Lebo-Hamathi;
6 krejt vendi malor pi Libani deri te Misrefoth-Majimi edhe krejt territori i sidonëve. Unë kam me i përzanë banorët e atyne vendeve para izraelitëve. Ti veç ndaja këtë tokë Izraelit si trashëgimi, qysh t'kom urdhnu.
7 Tash ndaja këtë tokë si trashëgimi nandë fiseve edhe gjysmës së fisit t'Manases.»
8 Bashkë me gjysmën tjetër t'fisit t'Manases, rubenitët edhe gaditët e kanë marrë trashëgiminë e tyne n'lindje t'Jordanit, që ua ka dhanë Moisiu, shërbëtori i Jehovait, qysh ua ka caktu aj:
9 pi Aroeri që asht buzë luginës së Arnonit, bashkë me qytetin n'mes t'luginës edhe krejt rrafshnaltën e Medebës deri te Diboni;
10 po ashtu krejt qytetet e Sihonit, mbretit t'amoritëve, që ka sundu n'Hesbon, deri te kufini i amonitëve;
11 edhe Gileadi, territori i geshuritëve edhe i maakatitëve, krejt malet e Hermonit edhe krejt Bashani deri te Salka;
12 krejt mbretnia e mbretit Og n'Bashan, që ka sundu n'Ashtaroth edhe n'Edrei. (Aj u konë nji pi refaimëve t'fundit.) Moisiu i ka mundë edhe i ka përzanë.
13 Po izraelitët s'i kanë përzanë geshuritët edhe maakatitët. Populli i Geshurit edhe i Maakatit jeton mes izraelitëve edhe sot.
14 Veç fisit t'Levit Moisiu s'i ka dhanë trashëgimi. Trashëgimia e tyne jonë kurbanet që i ofrohen me zjarr Jehovait, Zotit t'Izraelit, qysh u ka premtu.
15 Masanej Moisiu ia ka dhanë nji trashëgimi fisit t'Rubenit, simas familjeve t'tyne.
16 Territori i tyne shtrihej pi Aroeri, që asht buzë luginës së Arnonit, edhe pi qyteti n'mes t'luginës, nëpër krejt rrafshnaltën afër Medebës.
17 Këtu përfshihej Hesboni edhe krejt qytetet që i kanë taku atij n'rrafshnaltë, Diboni, Bamoth-Baali, Beth-Baal-Meoni,
18 Jahazi, Kedemothi, Mefaathi,
19 Kirjathaimi, Sibma, Zereth-Shahari n'malin mbi luginë,
20 Beth-Peori, shpatet e Pisgës, Beth-Jeshimothi,
21 krejt qytetet e rrafshnaltës edhe krejt mbretnia e Sihonit, mbretit t'amoritëve, që ka sundu n'Hesbon. Moisiu e ka mundë atë, bashkë me udhëheqësit midianitë Evi, Rekem, Zur, Hur edhe Reba. Këta jonë konë nën sundimin e Sihonit edhe kanë jetu n'atë vend.
22 Mes atyne që izraelitët i kanë vra me shpatë u konë edhe Bileami, djali i Beorit, që merrej me fall.
23 Kufini i rubenitëve u konë Jordani. Ky territor u konë trashëgimia e rubenitëve, simas familjeve t'tyne, bashkë me qytetet edhe vendbanimet që u kanë taku atyne.
24 Moisiu ia ka dhanë nji trashëgimi edhe fisit t'Gadit, gaditëve simas familjeve t'tyne.
25 Territori i tyne përfshinte Jazerin, krejt qytetet e Gileadit edhe gjysmën e tokës së amonitëve deri te Aroeri, që asht përballë Rabës.
26 Po ashtu përfshinte territorin pi Hesboni deri te Ramath-Mizpe edhe Betonimi, edhe pi Mahanaimi deri te kufini i Debirit.
27 Kurse n'luginë përfshinte Beth-Haramin, Beth-Nimrën, Sukothin edhe Zafonin, pjesën tjetër t'mbretnisë së mbretit Sihon t'Hesbonit. Kufini u konë Jordani, pi skaji i poshtëm i liqenit t'Kineretit, përgjatë bregut lindor t'Jordanit.
28 Kjo u konë trashëgimia e gaditëve, simas familjeve t'tyne, bashkë me qytetet edhe vendbanimet që u kanë taku atyne.
29 Moisiu ia ka dhanë nji trashëgimi edhe gjysmës së fisit t'Manases, simas familjeve t'tyne.
30 Territori i tyne shtrihej pi Mahanaimi nëpër krejt Bashanin, krejt mbretninë e mbretit Og t'Bashanit, edhe përfshinte krejt fshatrat me çadra t'Jairit n'Bashan, gjithsej 60 vende.
31 Gjysma e Gileadit, bashkë me Ashtarothin edhe Edrein, qytete n'Bashan që i kanë taku mbretnisë së mbretit Og, u kanë taku djemve t'Makirit, djalit t'Manases, pra gjysmës së djemve t'Makirit, simas familjeve t'tyne.
32 Këtë trashëgimi Moisiu ua ka dhanë n'rrafshinat e shkretë t'Moabit, n'anën tjetër t'Jordanit, n'lindje t'Jerikos.
33 Po fisit t'levitëve Moisiu s'i ka dhanë trashëgimi. Jehovai, Zoti i Izraelit, asht trashëgimia e tyne, qysh u ka premtu.