Josiu 23: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite Joshua 23 nach Josiu 23, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:13 Uhr
1 Ka kalu shumë kohë qysh Jehova i ka dhanë Izraelit qetësi pi krejt armiqtë përreth. Jozue tash u plak edhe i kish bo shumë vjet.
2 Për qata Jozue e ka thirr krejt Izraelin, pleqtë, krerët, gjykatësit edhe zyrtarët, edhe u ka thanë: „Unë jom plak tash, i kom bo shumë vjet.
3 Ju vet i keni pa krejt qka ka bo Jehova, Zoti juej, me krejt ata popuj për hatrin tuej, se Jehova, Zoti juej, u konë aj që ka luftu për ju.
4 Kqyrni, unë jua kom nda me short si trashëgimi fiseve tueja tokën e popujve që kanë mbet, bashkë me tokën e krejt popujve që i kom shkatërru, pi Jordani e deri te Deti i Madh kah perëndimi.
5 Jehova, Zoti juej, vazhdimisht i ka shty ata larg para jush edhe i ka dëbu për ju. E ju e keni marrë tokën e tyne, qysh ju ka premtu Jehova, Zoti juej.
6 Tash duhet me pasë shumë guxim edhe me i majt e me i bo krejt ato që jonë shkru në librin e ligjit të Moisiut. Mos u largoni pi atij ligji, as kah e djathta, as kah e majta.
7 Edhe kurrë mos u përzini me popujt që kanë mbet hala mes jush. Mos u betoni në emën të zotave të tyne, bile as emnat mos ua përmendni. Kurrë mos u shërbeni atyne zotave, as mos u përkulni para tyne.
8 Përkundrazi, rrini fort të lidhun me Jehovën, Zotin juej, qysh keni bo deri sot.
9 Jehova ka me i dëbu para jush popujt e mëdhenj e të fortë, se deri në këtë ditë askush s'ka mujt me ju dalë përballë.
10 Veç nji burrë pi juve ka me i ndjek 1000 veta, se Jehova, Zoti juej, ka me luftu për ju, qysh ju ka premtu.
11 Për qata, gjithmonë keni kujdes me e dasht Jehovën, Zotin juej.
12 Po nëse largoheni pi Jehovës edhe lidheni me ata që kanë mbet pi popujt që jetojnë mes jush, nëse martoheni me ta edhe përziheni me ta, e ata me ju,
13 atëherë dijeni mirë që Jehova, Zoti juej, s'ka me i dëbu ma këta popuj për ju. Ata kanë me ju bo si kurth e si lak, si kamxhik në ijet tueja edhe si therra në sytë tuej, derisa të zhdukeni pi kjo tokë e mirë që jua ka dhanë Jehova, Zoti juej.
14 Së shpejti ka me m'ardhë deka, edhe ju e dini shumë mirë që pi krejt të mirat që Jehova, Zoti juej, jua ka premtu, asnji fjalë s'ka mbet pa u plotësu. Krejt jonë bo realitet për ju. Asnji fjalë s'ka mbet pa u plotësu.
15 Po qysh jonë plotësu krejt të mirat që Jehova, Zoti juej, jua ka premtu, qashtu Jehova ka me i pru mbi ju edhe krejt fatkeqësitë që i ka paralajmru, edhe ka me ju zhduk pi kjo tokë e mirë që jua ka dhanë Jehova, Zoti juej.
16 Nëse e theni besëlidhjen e Jehovës, Zotit juej, që aj ju ka urdhnu me e majt, edhe nëse shkoni e u shërbeni zotave tjerë e përkuleni para tyne, atëherë Jehova ka me u zemru shumë me ju, edhe ju keni me u zhduk shpejt pi toka e mirë që aj jua ka dhanë.“