Letra e parë e Mbreterve 1: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite 1. Mbreterve 1 nach Letra e parë e Mbreterve 1, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:20 Uhr
1 Mbreti David tash u plak shumë edhe i kish shku mosha. Edhe pse e mbulojshin me batanije, prapë s'po nxehke.
2 Atëherë shërbëtorët e tij i kanë thanë: “O zotnia jonë e mbreti jonë, na lejo me ta gjetë nji vajzë të re, virgjëreshë. Ajo ka me të shërby edhe me u kujdesë për ty. Ka me nejtë në krahët e tu, që ti, zotnia jonë e mbreti jonë, me u nxehë.”
3 Kanë kërku nji vajzë të bukur nëpër krejt Izraelin. Në fund e kanë gjetë Abishagën pi Sunemit edhe e kanë pru te mbreti.
4 Vajza u konë shumë e bukur. Ajo u kujdeske për mbretin edhe i shërbejke. Po mbreti s'ka pasë marrëdhënie seksuale me të.
5 Ndërkohë, Adonija, djali i Hagithit, ka nisë me u mbajtë me të madh e me thanë: “Unë kom me u bo mbret!” Aj ka bo që me ia përgatitë nji qerre, edhe ka pasë kalorës e 50 burra që vrapojshin përpara tij.
6 Baba i tij s'e ka qortu kurr e s'e ka vetë: “Pse po e bon qit sen?” Adonija u konë edhe shumë i hijshëm. Nana e tij e kish lindë mas Absalomit.
7 Adonija u këshillu me Joabin, djalin e Zerujës, edhe me priftin Abiathar. Ata i kanë premtu që kanë me e ndihmu edhe me e përkrahë.
8 Po prifti Zadok, Benaja, djali i Jehojadës, profeti Nathan, Shimei, Rei edhe luftëtarët e fortë të Davidit s'e kanë përkrahë Adonijën.
9 Masanej Adonija ka ofru për kurban dele, gjedhe edhe kafshë të majme te guri i Zoheletit, afër En-Rogelit. Aj i ka ftu krejt vllaznit e vet, djemtë e mbretit, edhe krejt burrat e Judës që ishin në shërbim të mbretit.
10 Po profetin Nathan, Benajën, luftëtarët e fortë edhe vllaun e vet Solomonin s'i ka ftu.
11 Atëherë Nathani i ka thanë Bathshebës, nanës së Solomonit: “A s'ke ni? Adonija, djali i Hagithit, u bo mbret, e zotnia jonë Davidi s'din kurgjo për këtë!
12 Hajde tash, le të ta jap nji këshillë, që me shpëtu jetën tande edhe jetën e djalit tand Solomonit.
13 Shko te mbreti David edhe thuji: ‘O zotnia jem e mbreti jem, a s'më ke bo be ti vetë e më ke thanë: “Djali yt Solomoni ka me u bo mbret mas meje edhe ka me u ulë në fronin tem”? Atëherë pse u bo Adonija mbret?’
14 E sa je ti tu fol me mbretin, edhe unë kom me hy mrena edhe kom me i vërtetu fjalët e tua.”
15 Atëherë Bathsheba ka shku te mbreti në dhomën e gjumit. Mbreti u konë shumë i plakun, edhe Abishaga pi Sunemit po i shërbejke.
16 Bathsheba u përkul thellë para mbretit edhe ra me ftyrë për tokë para tij. Mbreti e ka vetë: “Qka po don?”
17 Ajo i ka thanë: “O zotnia jem, ti më ke bo be në emën të Jehovës, Zotit tand, edhe më ke thanë: ‘Djali yt Solomoni ka me u bo mbret mas meje edhe ka me u ulë në fronin tem.’
18 Po tash Adonija u bo mbret! E zotnia jem e mbreti jem s'din kurgjo për këtë.
19 Adonija ka ofru për kurban shumë dema, kafshë të majme edhe dele. I ka ftu krejt djemtë e mbretit, priftin Abiathar edhe Joabin, kryetarin e ushtrisë. Po shërbëtorin tand Solomonin s'e ka ftu.
20 O zotnia jem e mbreti jem, tash krejt Izraeli po pret me i kallxu ti se kush ka me u ulë në fronin tand mas teje.
21 Përndryshe, kur ti, o zotnia jem e mbreti jem, të vdesësh, unë edhe djali jem Solomoni kemi me u llogaritë si tradhtarë.”
22 Sa u konë ajo hala tu fol me mbretin, ka hy mrena profeti Nathan.
23 Menjiherë e kanë lajmru mbretin: “Profeti Nathan asht këtu!” Nathani ka ardh para mbretit edhe ka ra me ftyrë për tokë para tij.
24 Masanej Nathani ka thanë: “O zotnia jem e mbreti jem, a ke thanë ti: ‘Adonija ka me u bo mbret mas meje edhe ka me u ulë në fronin tem’?
25 Se aj sot ka zhdryp poshtë edhe ka ofru për kurban shumë dema, kafshë të majme edhe dele. I ka ftu edhe krejt djemtë e mbretit, kryetarët e ushtrisë edhe priftin Abiathar. Ata po hajnë e po pijnë atje me të, edhe po thirrin pa u nalë: ‘Rroftë mbreti Adonija!’
26 Po mu, shërbëtorin tand, s'më ka ftu. As priftin Zadok, as Benajën, djalin e Jehojadës, e as shërbëtorin tand Solomonin.
27 O zotnia jem e mbreti jem, a e ke urdhnu ti këtë punë, pa më kallxu mu se kush ka me u ulë në fronin tand mas teje?”
28 Atëherë mbreti David ka thanë: “Thirrmani Bathshebën!” Ajo ka hy mrena edhe ka dalë para mbretit.
29 Masanej mbreti ka bo be: “Pasha Jehovën e gjallë, që më ka shpëtu pi krejt halleve,
30 qysh të kom bo be në emën të Jehovës, Zotit të Izraelit, e të kom thanë: ‘Djali yt Solomoni ka me u bo mbret mas meje edhe ka me u ulë në fronin tem, në vendin tem’, qashtu kom me e bo edhe sot.”
31 Atëherë Bathsheba u përkul thellë, me ftyrë për tokë, edhe ra para mbretit e tha: “Zotnia jem, mbreti David, rroftë përgjithmonë!”
32 Menjiherë mbreti David ka thanë: “Thirrmani priftin Zadok, profetin Nathan edhe Benajën, djalin e Jehojadës.” Ata kanë ardh mrena edhe kanë dalë para mbretit.
33 Mbreti u ka thanë: “Merrni me veti shërbëtorët e mi, hypne djalin tem Solomonin në mushkën teme edhe zhdrypni bashkë me të poshtë në Gihon.
34 Atje prifti Zadok edhe profeti Nathan kanë me e ly me vaj për me u bo mbret i Izraelit. Masanej bini borisë edhe thirrni: ‘Rroftë mbreti Solomon!’
35 Masanej kthehuni përpjetë bashkë me të. Aj le të hyjë mrena edhe le të ulet në fronin tem. Aj ka me u bo mbret në vendin tem, edhe unë kom me ia dhanë përgjegjësinë me e udhëheqë Izraelin edhe Judën.”
36 Menjiherë Benaja, djali i Jehojadës, i ka thanë mbretit: “Amin! Jehova, Zoti i zotnisë tem e mbretit tem, e pranoftë këtë vendim.
37 Qysh Jehova u konë me zotninë tem e mbretin tem, qashtu koftë edhe me Solomonin. E boftë fronin e Solomonit edhe ma të madh se fronin e zotnisë tem, mbretit David.”
38 Masanej prifti Zadok, profeti Nathan, Benaja, djali i Jehojadës, keretitët edhe peletitët kanë zhdryp poshtë. E kanë hyp Solomonin në mushkën e mbretit David edhe e kanë çu në Gihon.
39 Prifti Zadok e ka marrë brinin me vaj pi tendës edhe e ka ly Solomonin me vaj. Masanej i kanë ra borisë, edhe krejt populli ka nisë me thirrë: “Rroftë mbreti Solomon!”
40 Masanej krejt populli ka shku mas tij edhe jonë hyp përpjetë bashkë me të. I kanë ra fyjeve edhe jonë gëzu aq shumë, sa toka u dridh pi zhurmës së madhe.
41 Adonija edhe krejt mysafirët e tij e kanë ni atë zhurmë, taman kur e kishin kry bukën. Sapo Joabi e ka ni zanin e borisë, ka vetë: “Pse po bohet gjithë kjo zhurmë edhe rrëmujë në qytet?”
42 Hala pa e kry fjalën, ka ardh Jonathani, djali i priftit Abiathar. Adonija i ka thanë: “Hyn mrena, se ti je njeri i mirë edhe sigurisht po bjen lajme të mira.”
43 Po Jonathani i ka thanë Adonijës: “Jo! Zotnia jonë, mbreti David, e ka bo Solomonin mbret.
44 Mbreti i ka çu bashkë me të priftin Zadok, profetin Nathan, Benajën, djalin e Jehojadës, keretitët edhe peletitët. Ata e kanë hyp në mushkën e mbretit.
45 Masanej prifti Zadok edhe profeti Nathan e kanë ly me vaj në Gihon për me u bo mbret. Mandej krejt jonë hyp përpjetë tu u gëzu e tu brohoritë, edhe tash krejt qyteti asht bo zhurmë e madhe. Qajo u konë zhurma që e keni ni.
46 Përveç qasaj, Solomoni veç u ulë në fronin mbretnor.
47 Edhe nji sen tjetër: Shërbëtorët e mbretit kanë ardh me ia uru zotnisë tonë, mbretit David. I kanë thanë: ‘Zoti yt ia boftë emnin Solomonit edhe ma të lavdishëm se emnin tand, edhe fronin e tij ma të madh se fronin tand!’ Atëherë mbreti u përkul mbi shtratin e vet.
48 Mbreti ka thanë edhe këtë: ‘I lavdum koftë Jehova, Zoti i Izraelit! Sot aj e ka caktu dikon me u ulë në fronin tem, edhe më ka lanë me e pa këtë me sytë e mi.’”
49 Krejt mysafirët e Adonijës u tutën shumë, u çunë në kambë edhe secili ka shku në rrugën e vet.
50 Edhe Adonija u frikësu pi Solomonit. U çu, ka shku te altari edhe u kap për brinat e altarit.
51 Solomonit ia kanë kallxu: “Adonija po tutet pi mbretit Solomon. Asht kapë për brinat e altarit edhe po lyp: ‘Zotnia jem, mbreti Solomon, le të më bohet be së pari që s'ka me më vra me shpatë.’”
52 Atëherë Solomoni ka thanë: “Nëse sillet qysh duhet, asnji fije floku s'ka me iu prekë. Po nëse bon naj të keqe, ka me dekë.”
53 Masanej mbreti Solomon ka çu njerëz me e marrë Adonijën pi altarit. Aj ka ardh mrena edhe u përkul para mbretit Solomon. Atëherë Solomoni i ka thanë: “Shko në shpinë tande.”