Letra e parë e Mbreterve 5: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite 1. Mbreterve 5 nach Letra e parë e Mbreterve 5, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:20 Uhr
1 Kur Hịrami, mbreti i Tỵrusit, ka marrë vesh që Sạlomon e kishin vajosë për mbret në vend të babës së vet, i ka çu shërbëtorët e vet te Sạlomo, se Hịrami edhe Davidi jonë konë gjithmonë shokë.
2 Atëherë Sạlomo ia ka çu Hịramit këtë fjalë:
3 «Ti e din që baba jem Davidi s'ka mujt me ndërtu nji shpi për nder të emnit të Jehovait, Zotit të vet, se armiqtë e kanë luftu pi krejt anëve, derisa Jehova ia ka dhanë fitoren mbi ta.
4 Po tash Jehova, Zoti jem, më ka dhanë qetësi pi krejt anëve. S'ka kërkush që më del kundër edhe s'po ndodh kurgjo e keqe.
5 Për qata e kom ndërmend me ndërtu nji shpi për nder të emnit të Jehovait, Zotit tem, se Jehova i ka premtu babës tem Davidit: ‘Djali yt, që kam me e ulë në fron në vend tand, ka me e ndërtu shpinë për nder të emnit tem.’
6 Prandaj, urdhnoji njerëzit e tu me m'i pre drujt e cedrit në Lịbanon. Shërbëtorët e mi kanë me punu bashkë me shërbëtorët e tu, edhe unë kam me ua pagu shërbëtorëve tu aq sa cakton ti. Se ti e din që asnji pi nesh s'din me pre druj aq mirë sa sidonasit.»
7 Kur Hịrami i ka dëgju fjalët e Sạlomos, asht gëzu shumë edhe ka thanë: «Jehova qoftë i lavdum sot! Aj i ka dhanë Davidit nji djalë të mençëm edhe e ka caktu me sundu mbi këtë popull kaq të madh.»
8 Prandaj Hịrami ia ka çu Sạlomos këtë përgjigje: «E kom marrë fjalën që ma ke çu. Kam me ta plotësu kërkesën edhe kam me t'i pru trungjet e cedrit edhe të dëllinjës.
9 Shërbëtorët e mi kanë me i zhdryp trungjet pi Lịbanonit deri te deti. Unë kam me i lidhë bashkë me bo trapa edhe kam me i çu nëpër det deri te vendi ku ti don me i marrë. Atje kanë me i zgjidhë trungjet pi trapave, edhe ti munesh me i bartë ma tutje. Në këmbim, ti ke me siguru ushqim për krejt ata që jonë në pallatin tem.»
10 Kështu Hịrami ia ka pru Sạlomos krejt drujt e cedrit edhe të dëllinjës që i ka lypë.
11 Kurse Sạlomo i ka dhanë Hịramit për çdo vit 20 000 kor grunë edhe 20 kor vaj ullini të cilësisë ma të mirë, për me i ushqy krejt ata që jonë në pallatin e tij.
12 Jehova i ka dhanë Sạlomos mençuri, qysh ia kish premtu. Mes Hịramit edhe Sạlomos ka pasë paqe, edhe të dy kanë bo nji marrëveshje.
13 Mbreti Sạlomo i ka marrë 30 000 burra pi krejt Izraeli me zor me punu.
14 Çdo muaj i ka çu nga 10 000 burra në Lịbanon. Ata rrishin nji muaj në Lịbanon edhe dy muaj në shpi. Adonịrami u konë përgjegjës për krejt këta burra që i kishin marrë me zor me punu.
15 Sạlomo i ka pasë 70 000 punëtorë të zakonshëm edhe 80 000 punëtorë që i nxjerrshin e i gdhendshin gurët nëpër male.
16 Përveç tyne, i ka pasë edhe 3 300 njerëz të caktum si përgjegjës kryesorë, që i mbikëqyrshin krejt punëtorët.
17 Me urdhën të mbretit, kanë nxjerrë blloqe të mëdhaja guri, shumë të vlefshme, për me i qitë themelet e shpisë me gurë të latum.
18 Njerëzit e Sạlomos edhe të Hịramit, bashkë me gebalitët, i kanë gdhendë gurët. Ata i kanë bo gati drujt edhe gurët për ndërtimin e shpisë.