Letra e dytë e Shembujve 16: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite 2. Shembujve 16 nach Letra e dytë e Shembujve 16, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:32 Uhr
1 Në vitin e 36-të të sundimit të Asës, mbreti Basha i Izraelit ka dalë kundër Judës edhe ka nis me e forcu qytetin Rama, për me ia blloku territorin mbretit Asa të Judës.
2 Atëher Asa ka marrë argjend edhe ar pi thesaret e shpisë së Jehovës edhe pi pallatit të mbretit, edhe ia ka çu Ben-Hadadit, mbretit të Sirisë, në Damask. Ia ka çu edhe këtë fjalë:
3 “Mes neve dyve edhe mes baballarëve tonë ka nji besëlidhje. Po ta çoj argjend edhe ar. Prishe besëlidhjen që e ke me mbretin Basha të Izraelit, që aj me u largu pi këtu.”
4 Ben-Hadadi e ka pranu kërkesën e mbretit Asa edhe i ka çu komandantët e ushtrisë së vet me luftu kundër qyteteve të Izraelit. Ata i kanë pushtu Ijonin, Danin, Abel-Majimin edhe krejt depot e ushqimit e të furnizimeve në qytetet e Naftalit.
5 Kur Basha e ka marrë vesh këtë, menjëherë i ka nalë punimet për me e forcu Ramën.
6 Atëher mbreti Asa e ka mbledhë krejt Judën. Ata i kanë marrë gurët edhe drutë që Basha i kish përdorë për me e ndërtu Ramën. Me ato Asa i ka forcu qytetet Geba edhe Mizpa.
7 Në qat kohë, Hanani, njeriu që shihte vegime, ka ardh te mbreti Asa i Judës edhe i ka thanë: “Ti je mbështet te mbreti i Sirisë, e jo te Jehova, Zoti yt. Për qata, ushtria e mbretit të Sirisë të ka ikë pi duerve.
8 A s'e kishin etiopasit edhe libianët nji ushtri shumë të madhe, me plot karroca lufte edhe kalorës? Po prapë, Jehova t'i ka dhanë në dorë, se ti ke pas besim te aj.
9 Sytë e Jehovës e shikojnë krejt tokën, për me i ndihmu ata që i jonë besnikë me krejt zemër. Ti ke vepru pa mend. Pi tash e tutje, kanë me luftu kundër teje herë mas here.”
10 Po Asa u idhnu shumë me atë njeri që shihte vegime. U nevrikos aq shumë me të, sa e ka shti në burg. Në qat kohë, Asa ka nis me i keqtrajtu edhe do njerëz tjerë pi populli.
11 Krejt historia e Asës, pi fillimit deri në fund, asht e shkrume në “Librin e Mbretërve të Judës edhe të Izraelit”.
12 Në vitin e 39-të të sundimit të vet, Asa u smu në kambë. Po edhe kur sëmundja iu ba shumë e randë, aj nuk ka lypë ndihmë te Jehova, po te mjekët.
13 Në fund, Asa ka pushu bashkë me të parët e vet. Aj ka vdekë në vitin e 41-të të sundimit të tij.
14 E kanë varrosë në varrin e madh e të bukur që e kish gdhendë për veti në Qytetin e Davidit. E kanë shtri në nji shtrat mortor me vaj balsami edhe me nji përzierje të veçantë pi lloj-lloj senesh me erë të mirë edhe vajrash aromatikë. Edhe për nder të tij kanë ndezë nji zjarr jashtëzakonisht të madh.