Letra e dytë e Shembujve 28: Unterschied zwischen den Versionen
Keine Bearbeitungszusammenfassung |
K BiblaPopulloreBot1337 verschob die Seite 2. Shembujve 28 nach Letra e dytë e Shembujve 28, ohne dabei eine Weiterleitung anzulegen: falscher Name |
(kein Unterschied)
| |
Aktuelle Version vom 25. Oktober 2026, 09:34 Uhr
1 Ahazi u bo mbret kur i ka pasë 20 vjet, edhe ka sundu 16 vjet n'Jerusalem. Ndryshe pi t'parit t'vet, Davidit, aj s'ka bo qka u konë e drejtë n'sytë e Jehovait.
2 Përkundrazi, aj ka ec n'rrugët e mbretënve t'Izraelit, bile ka bo edhe shtatore pi metali t'Baalëve.
3 Përveç kësaj, ka qitë tym kurbani n'luginën e djalit t'Hinomit, edhe i ka djegë djemtë e vet. Qashtu ka marrë zakonet e neveritshme t'popujve që Jehovai i ka përzanë para izraelitëve.
4 Aj ka vazhdu me bo kurbane edhe me qitë tym kurbani n'vendet e nalta, n'kodra edhe nën çdo dru me shumë gjethe.
5 Për qata, Jehovai, Zoti i tij, e ka dorëzu n'dorë t'mbretit t'Sirisë. Sirianët e kanë mundë, kanë marrë shumë robër edhe i kanë çu n'Damask. Zoti e ka dorëzu edhe n'dorë t'mbretit t'Izraelit, që i ka shkaktu nji humbje t'randë.
6 Pekahu, djali i Remaljas, ka vra 120 000 burra trima n'Judë veç për nji ditë, se Juda e ka braktisë Jehovain, Zotin e t'parëve t'vet.
7 Sikri, nji luftëtar pi Efraimit, e ka vra Maasejën, djalin e mbretit, Asrikamin, që e ka pasë nën kujdes pallatin, edhe Elkanën, që u konë i dyti mas mbretit.
8 Izraelitët i kanë marrë robër edhe 200 000 gra e fëmijë pi vllaznive t'vet n'Judë. Kanë marrë edhe shumë plaçkë, që masanej e kanë çu n'Samari.
9 Aty u konë Odedi, nji profet i Jehovait. Aj i ka dalë përpara ushtrisë që po vinte n'Samari, edhe u ka thanë: “Jehovai, Zoti i t'parëve tuj, i ka dorëzu ata n'duart tuja, se u konë i zemrum me Judën. Ama ju i keni vra me aq shumë inat, saqë kjo punë po bërtet deri n'qiell.
10 E tash doni me i bo njerëzit e Judës e t'Jerusalemit shërbëtorë e shërbëtore tuja. Po a s'keni edhe ju faj përpara Jehovait, Zotit tuj?
11 Tash m'ngoni mu edhe kthejini robërit që i keni marrë pi vllaznive tuja, se e keni nxehë shumë zemrimin e Jehovait kundër juve.”
12 Atëherë disa pi krerëve t'Efraimit, Azarja, djali i Jehohananit, Berekja, djali i Meshilemotit, Jehiskija, djali i Shalumit, edhe Amasa, djali i Hadlait, u kanë dalë përpara atyne që po ktheheshin pi luftës,
13 edhe u kanë thanë: “Mos i bini robërit ktu, se qashtu po bohemi fajtorë para Jehovait. Qka po mendoni me bo, veç ka me na i shtu edhe ma shumë gjynahet edhe fajin tonë. Na veç kemi faj shumë t'madh, edhe Izraeli e ka nxehë shumë zemrimin e Zotit kundër vetes.”
14 Atëherë ushtarët e armatosun ua kanë dorëzu robërit edhe plaçkën krerëve edhe krejt atyne që u konë t'mledhun aty.
15 Burrat që u konë caktu me emër për qat punë, janë kujdesë për robërit. Kanë marrë tesha pi plaçka edhe i kanë veshë krejt ata që s'kanë pasë qka me veshë. U kanë dhanë tesha e sandale, me hangër e me pi, edhe vaj për me ua ly lëkurën. Ata që u konë t'dobtë i kanë hyp n'gomarë, edhe bashkë me robërit tjerë i kanë çu te vllaznitë e tyne n'Jerihon, qytetin e palmave. Masanej janë kthy n'Samari.
16 N'atë kohë, mbreti Ahaz u ka lypë ndihmë mbretënve t'Asirisë.
17 Edomitët kanë sulmu prapë Judën edhe kanë marrë robër.
18 Edhe filistinët i kanë sulmu qytetet n'Shefelë edhe n'Negeb t'Judës. Kanë marrë Beth-Shemeshin, Ajalonin, Gederotin, Sokon bashkë me fshatrat që vareshin pi tij, Timnën bashkë me fshatrat e saj, edhe Gimson bashkë me fshatrat e tij, edhe janë vendosë aty.
19 Jehovai e ka përulë Judën për shkak t'mbretit Ahaz t'Izraelit, se aj i ka lanë njerëzit e Judës me bo qka t'dojnë, edhe kjo ka bo që ata me u bo shumë t'pabesë ndaj Jehovait.
20 Mbreti i Asirisë, Tilgath-Pilneseri, që u dasht me i ndihmu Ahazit, n'fund ka ardhë me ushtri edhe i ka sjellë telashe.
21 Ahazi e ka plaçkitë shpinë e Jehovait, pallatin e mbretit edhe shpitë e krerëve, edhe qka ka marrë ua ka dhanë si dhuratë mbretit t'Asirisë. Ama kjo s'i ka ndihmu kurgjo.
22 Edhe kur mbreti Ahaz u konë n'hall, aj u bo edhe ma i pabesë ndaj Jehovait.
23 Ka nisë me u bo kurbane zotave t'Damaskut, që e kishin mundë. Aj ka thanë: “Zotat e mbretënve t'Sirisë po u ndihmojnë atyne. Edhe unë kam me ju bo kurbane, që me m'ndihmu edhe mu.” Ama ata zota e kanë çu n'rrënim edhe atë, edhe krejt Izraelin.
24 Përveç kësaj, Ahazi i ka mbledhë sendet e shpisë së Zotit t'vërtetë edhe i ka thy. I ka mshelë dyert e shpisë së Jehovait, edhe ka ngritë altare për veti n'çdo qoshe t'Jerusalemit.
25 N'krejt qytetet e Judës ka ndërtu vende t'nalta për me qitë tym kurbani për zota tjerë. Qashtu e ka fye Jehovain, Zotin e t'parëve t'vet.
26 Krejt senet tjera për historinë e tij, krejt qka ka bo pi fillimit deri n'fund, janë t'shkrume n'«Librin e Mbretënve t'Judës e t'Izraelit».
27 Masanej Ahazi ka vdekë, edhe e kanë varrosë n'qytet, n'Jerusalem. Ama s'e kanë varrosë n'vorret e mbretënve t'Izraelit. Mas tij, djali i vet, Hiskija, u bo mbret.