Jeremia 16
1 Më ka ardh apet nji fjalë pi Jehovait. Aj më tha:
2 „Mos merr grue edhe mos bo djem e çika në këtë vend.
3 Se kështu thotë Jehovai për djemtë edhe çikat që kanë me lind në këtë vend, për nanat që kanë me i lind edhe për baballarët që kanë me i bo këta fëmijë në këtë vend:
4 ‘Ata kanë me dekë pi smundjeve vdekjeprurëse, po kërkush s'ka me kajt për ta e as me i varrosë. Kanë me u bo si pleh përmi tokë. Kanë me dekë pi shpatës edhe urisë, e trupat e tyne të vdekun kanë me u bo ushqim për shpezët e qiellit edhe për shtazët e egra të tokës.’
5 Se kështu thotë Jehovai: ‘Mos shko në nji shpi
ku po mbahet zi, mos shko atje me
kajt a me ju shpreh ngushëllime.’ ‘Se unë ia
kom marrë paqen këtij populli’, thotë Jehovai, ‘bashkë
me dashninë teme besnike edhe dhimtën teme për ta.
6 Edhe të mëdhenjtë edhe të vegjlit kanë me dekë në
këtë vend. Kërkush s'ka me i varrosë, kërkush s'ka me
kajt për ta, e as kërkush s'ka me e pre
trupin a me e rru kryt për shkak të tyne.
7 Kërkush s'ka me ju pru bukë atyne që jonë në
zi, për me i ngushëllu për të vdekunit e tyne,
e as s'ka me ju dhanë kupën e ngushëllimit me
pi, për shkak se e kanë hup babën a nanën.
8 Mos hy në nji shpi ku po festohet, për me
u ulë me mysafirët me hangër e me pi.’
9 Se kështu thotë Jehovai, Zoti i ushtrive, Zoti i Izraelit: ‘Në këtë vend, në ditët tuaja edhe para syve tuaj, kam me i nalë zanat e festës edhe të gëzimit, zanin e dhëndrrit edhe zanin e nuses.’
10 Kur t'ia kallxosh këtij populli krejt këto fjalë, ata kanë me të vetë: ‘Pse Jehovai na e ka paralajmëru krejt këtë fatkeqësi kaq të madhe? Qka kemi bo gabim? Me qka kemi bo gjynah kundër Jehovait, Zotit tonë?’
11 Ti përgjigju: ‘„Se të parët tuaj më kanë lanë“, thotë Jehovai, „edhe vazhdimisht kanë shku mas zotave tjerë, ju kanë shërby edhe jonë përkulë para tyne. Po mu më kanë lanë edhe ligjin tem s'e kanë majt.
12 E ju keni vepru shumë ma keq se të parët tuaj. Secili pi juve po e ndjek zemrën e vet të keqe e kryefortë, në vend që me më ngu mu.
13 Për qata kam me ju hedh jashtë këtij vendi, në nji vend që as ju e as të parët tuaj s'e keni njoft. Atje keni me u detyru me ju shërby zotave tjerë ditë e natë, se unë s'kam me ju tregu mirësi.“’
14 ‘Po vijnë ditët’, thotë Jehovai, ‘kur njerëzit s'kanë me thanë ma: „Pasha Jehovain e gjallë, që e ka nxjerr popullin e Izraelit pi Egjiptit!“
15 Po kanë me thanë: „Pasha Jehovain e gjallë, që e ka sjellë popullin e Izraelit pi vendi i veriut edhe pi krejt vendet ku i ka shpërnda!“ E unë kam me i kthy apet në tokën e tyne, që ua kom dhanë të parëve të tyne.’
16 ‘Unë kam me çu me i thirrë shumë peshkatarë’, thotë Jehovai,
‘edhe ata kanë me i peshku e me i kap.
Masanej kam me çu me i thirrë shumë gjuetarë, e ata
kanë me i gjujtë në secilin mal edhe në secilën
kodër, edhe kanë me i nxjerr pi të çarat e shkambinjve.
17 Se sytë e mi po e shohin krejt qka po bojnë
ata. Ata s'kanë mujt me u mshef pi meje, e as shkeljet
e tyne s'kanë mujt me u mshef pi syve të mi.
18 Së pari, kam me ua kthy plotësisht për shkeljet edhe gjynahet e tyne,
se ata e kanë ndot tokën teme me figurat pa jetë të idhujve të
tyne të neveritshëm, edhe e kanë mbush trashëgiminë teme me sene të neveritshme.’
19 O Jehova, fuqia jem edhe kalaja jem, streha jem
në ditën e hallit, te ti kanë me
ardh popujt pi skajeve të tokës, edhe kanë me
thanë: „Të parët tonë na kanë lanë trashëgimi
veç rrena, sene pa kuptim e pa kurrfarë vlere.“
20 A munet njeriu me bo zota për
veti, kur ata përnime s'jonë zota?
21 „Për qata kam me i bo me e kuptu, kësaj
here kam me ua kallxu fuqinë edhe pushtetin tem, edhe
ata kanë me e kuptu që emni jem asht Jehova.“