Ezekiel 40
1 N'vitin e njëzetepestë të robnisë tonë, n'fillim të vitit, ditën e dhjetë të mujit, n'vitin e katërmbëdhjetë masi ka ra qyteti, bash atë ditë dora e Jehovait erdh përmbi mu edhe Zoti më çoi n'qytet.
2 Përmes vegimeve, Zoti më çoi n'vendin e Izraelit edhe më vnoi mbi nji mal shumë të naltë. Kah jugu u shihke diçka që për kah ndërtimi i përngjajke nji qyteti.
3 Kur aj më çoi aty, e pashë nji burrë që dukej si me konë pi bakri. N'dorë e kish nji konop pi liri edhe nji shkop për me matë, e rrike te hymja e portës.
4 Aj burrë më tha: „O bir i njeriut, kqyr mirë, ngo me kujdes edhe vëreje krejt qka kom me të kallxu, se për qata je sjellë këtu. Krejt qka sheh, kallxoja shpisë së Izraelit.“
5 Përjashta, përreth tempullit, e pashë nji mur. Aj burrë e kish n'dorë nji shkop për me matë, që u konë i gjatë gjashtë kutë. Secila kutë u konë për nji pëllambë ma e gjatë se zakonisht. Aj nisi me e matë murin. Muri u konë i trashë sa nji shkop matës edhe i naltë po aq.
6 Masanej aj erdh te porta n'anën e lindjes, i hypi shkallëve të portës edhe e mati pragun e saj. Pragu u konë i thellë sa nji shkop matës, edhe pragu n'anën tjetër u konë po aq i thellë.
7 Secila dhomë e rojtarëve u konë e gjatë edhe e gjanë sa nji shkop matës, e mes dhomave të rojtarëve kishte pesë kutë largësi. Pragu i portës te hajati, që u konë i kthyem kah mrena, u konë sa nji shkop matës.
8 Aj e mati hajatin e portës kah ana e mbrendshme, edhe doli sa nji shkop matës.
9 Masanej e mati hajatin e portës, edhe doli tetë kutë. I mati edhe shtyllat anash, që dolën dy kutë. Hajati i portës u konë n'anën që çonte kah mrena.
10 N'secilen anë të portës lindore ishin nga tri dhoma të rojtarëve. Krejt tri dhomat jonë konë të njajtës madhësi, edhe shtyllat anash në të dyja anët jonë konë po të njajtës madhësi.
11 Masanej aj e mati gjanësinë e hymjes së portës, edhe doli dhjetë kutë. E krejt gjanësia e portës u konë trembëdhjetë kutë.
12 Pengesa përpara dhomave të rojtarëve, n'secilen anë, u konë nji kutë. E dhomat e rojtarëve n' të dyja anët ishin secila nga gjashtë kutë.
13 Masanej aj e mati portën pi kulmi i njanës dhomë të rojtarëve deri te kulmi i dhomës tjetër, edhe gjanësia doli njëzetepesë kutë. Hymja e njanës dhomë u konë përballë hymjes së tjetrës.
14 Pastaj i mati shtyllat anash, që ishin gjashtëdhjetë kutë të nalta, edhe shtyllat anash të portave përreth oborrit.
15 Pi pjesa e përparme e hymjes së portës deri te pjesa e përparme e hajatit n'anën e mbrendshme të portës, ishin pesëdhjetë kutë.
16 Mrena portës, n' të dyja anët, kishte dritare me hapje që ngushtoheshin, te dhomat e rojtarëve edhe te shtyllat e tyne anash. Edhe mrena hajateve kishte dritare n'secilen anë, e n'shtyllat anash ishin të gdhenduna figura palmash.
17 Masanej aj më çoi n'oborrin e jashtëm, edhe unë pashë dhoma për me hangër edhe nji dysheme të shtrume me gurë përreth oborrit. Mbi atë dysheme ishin tridhjetë dhoma për me hangër.
18 Dyshemeja e shtrume me gurë u shtrijke anash portave edhe u konë po aq e gjatë sa portat. Kjo u konë dyshemeja e poshtme me gurë.
19 Masanej aj e mati largësinë pi pjesa e përparme e portës së poshtme deri te kufini i oborrit të mbrendshëm. Doli njiqind kutë te porta lindore, edhe po aq te porta veriore.
20 Oborri i jashtëm e kish nji portë që u konë e kthyeme kah veriu. Aj e mati gjatësinë edhe gjanësinë e saj.
21 N'secilen anë kishte nga tri dhoma të rojtarëve. Shtyllat anash edhe hajati i saj i kishin të njajtat masa si porta e parë. Porta u konë pesëdhjetë kutë e gjatë edhe njëzetepesë kutë e gjanë.
22 Dritaret, hajati edhe figurat e palmave ishin po të njajtës madhësi si te porta lindore. Te kjo portë u hypke me shtatë shkallë, e ma përpara u konë hajati i saj.
23 N'oborrin e mbrendshëm kishte nji portë përballë portës veriore edhe nji tjetër përballë portës lindore. Aj e mati largësinë pi njana portë te tjetra, edhe dolën njiqind kutë.
24 Masanej aj më çoi kah jugu, edhe unë e pashë nji portë n'anën jugore. Aj i mati shtyllat anash edhe hajatin e saj, edhe dolën po të njajtës madhësi si të tjerat.
25 Dritaret n'secilen anë edhe n'hajatin e saj ishin si dritaret tjera. Porta u konë pesëdhjetë kutë e gjatë edhe njëzetepesë kutë e gjanë.
26 Te kjo portë çojshin shtatë shkallë, e ma përpara u konë hajati. Te shtyllat anash i kish të gdhenduna figura palmash, nga nji n'secilen anë.
27 Oborri i mbrendshëm e kish nji portë që u konë e kthyeme kah jugu. Aj e mati largësinë pi njana portë te tjetra kah jugu, edhe dolën njiqind kutë.
28 Masanej aj më çoi përmes portës jugore n'oborrin e mbrendshëm. E mati portën jugore, edhe ajo u konë po e njajtës madhësi si të tjerat.
29 Dhomat e rojtarëve, shtyllat anash edhe hajati i saj ishin po të njajtës madhësi si të tjerat. Kishte dritare n'secilen anë edhe n'hajat. Porta u konë pesëdhjetë kutë e gjatë edhe njëzetepesë kutë e gjanë.
30 Përreth kishte hajate. Ato ishin njëzetepesë kutë të gjana edhe pesë kutë të thella.
31 Hajati i saj u konë i kthyem kah oborri i jashtëm, e n'shtyllat anash kishte figura palmash. Te kjo portë çojshin tetë shkallë.
32 Kur aj më çoi pi ana e lindjes n'oborrin e mbrendshëm, e mati portën, edhe ajo u konë po e njajtës madhësi si të tjerat.
33 Dhomat e rojtarëve, shtyllat anash edhe hajati i saj ishin po të njajtës madhësi si të tjerat. Kishte dritare n'secilen anë edhe n'hajat. Porta u konë pesëdhjetë kutë e gjatë edhe njëzetepesë kutë e gjanë.
34 Hajati i saj u konë i kthyem kah oborri i jashtëm, e n' të dyja shtyllat anash kishte figura palmash. Te kjo portë çojshin tetë shkallë.
35 Masanej aj më çoi te porta veriore edhe e mati. Ajo u konë po e njajtës madhësi si të tjerat.
36 Dhomat e rojtarëve, shtyllat anash edhe hajati i saj ishin si te portat tjera. Kishte dritare n'krejt anët. Porta u konë pesëdhjetë kutë e gjatë edhe njëzetepesë kutë e gjanë.
37 Shtyllat anash ishin të kthyeme kah oborri i jashtëm, e n' të dyja shtyllat kishte figura palmash. Te kjo portë çojshin tetë shkallë.
38 Afër shtyllave anash të portave kishte nji dhomë për me hangër, që e kish hymjen e vet. Aty i lajshin kurbanet që digjeshin krejt n'zjarr.
39 N' të dyja anët e hajatit të portës ishin nga dy tavolina, ku i thershin kurbanet që digjeshin krejt n'zjarr, kurbanet për gjynahe edhe kurbanet për faj.
40 Te shkallët që çojshin te porta veriore, përjashta te hymja, ishin dy tavolina. Edhe n'anën tjetër të hajatit të portës ishin dy tavolina tjera.
41 N'secilen anë të portës ishin nga katër tavolina, gjithsej tetë tavolina, ku i thershin kurbanet.
42 Katër tavolinat për kurbanet që digjeshin krejt n'zjarr ishin pi guri të gdhendun. Ishin nji kutë e gjysmë të gjata, nji kutë e gjysmë të gjana edhe nji kutë të nalta. Mbi to i lejshin krejt mjetet që ju duheshin për me i therë kurbanet që digjeshin krejt n'zjarr edhe kurbanet tjera.
43 N'muret e mbrendshme përreth ishin të vnumë vende për me i lonë senet, të gjana sa nji pëllambë. E mishin e kurbaneve e lejshin mbi tavolina.
44 Përjashta portës së mbrendshme ishin dhomat për me hangër të këngëtarëve. Ato u konë n'oborrin e mbrendshëm, afër portës veriore, edhe ishin të kthyeme kah jugu. Nji dhomë tjetër për me hangër u konë afër portës lindore edhe u konë e kthyeme kah veriu.
45 Aj më tha: „Kjo dhomë për me hangër, që asht e kthyeme kah jugu, asht për priftat që e kanë për detyrë me i kry shërbimet n'tempull.
46 E dhoma për me hangër, që asht e kthyeme kah veriu, asht për priftat që e kanë për detyrë me shërby te altari. Këta jonë bijtë e Zadokut, ata pi levitëve që e kanë për detyrë me iu afru Jehovait për me i shërby.“
47 Masanej aj e mati oborrin e mbrendshëm. U konë njiqind kutë i gjatë edhe njiqind kutë i gjanë, në formë katrore. Altari u konë përpara tempullit.
48 Masanej aj më çoi n'hajatin e tempullit edhe i mati shtyllat anash të hajatit. Ato ishin pesë kutë të thella edhe tri kutë të gjana, e u konë n' të dyja anët e hajatit.
49 Hajati u konë njëzet kutë i gjanë edhe njimbëdhjetë kutë i thellë. Te hajati u hypke me shkallë. Afër shtyllave anash ishin edhe dy shtylla tjera, nga nji n'secilen anë.