Kangë t'shejta 75
1 Të falënderojmë, o Zot, të falënderojmë. Emni
yt asht afër edhe njerëzit po
folin për mrekullitë që i ke bo.
2 Ti po thu:
“Unë e caktoj nji kohë edhe gjykoj me drejtësi.
3 Kur toka u shpërba bashkë me krejt ata që jetojnë në
të, unë jom aj që ia mbajta shtyllat fort.” Sela
4 Unë u thom atyne që bohen të mdhaj: “Mos u shitni
të mdhaj”, edhe të kqijve: “Mos u mburrni me forcën tuaj.
5 Mos u krekosni me forcën tuaj
edhe mos folni me hundën përpjetë.
6 Se ngritja nalt s’vjen as pi lindja,
as pi perëndimi, as pi jugu.
7 Zoti asht gjykatësi.
Njënin e ul poshtë, tjetrin e ngrit nalt.
8 Se në dorë të Jehovait asht nji kupë. Vena po
bon shkumë edhe asht e përzime fort. Aj ka me
e derdhë patjetër krejt edhe krejt të kqijtë e tokës
kanë me e pi deri në fund, bashkë me llumin.”
9 Po sa për mu, unë kom me e shpallë këtë përherë.
Për Zotin e Jakobit kom me këndu kangë.
10 Se aj po thotë: “Unë kom me ua thy krejt forcën
të kqijve. Po forca e të drejtit ka me u forcu.”