Libri i dytë i Musës 39
1 Pi fijeve t'kaltra, leshit t'purpurt edhe fijeve t'kuqe t'ndezta, ata i kanë ba teshat e enduna hollë për shërbimin n'vendin e shenjtë. I kanë ba teshat e shenjta për Aaronin tamam qysh Jehova e ka urdhnu Moisiun.
2 Aj e ka ba efodin pi ari, fijeve t'kaltra, leshit t'purpurt, fijeve t'kuqe t'ndezta edhe fijeve t'holla t'lirit t'përdredhuna.
3 Ata i kanë rrahë pllakat e arit derisa jonë ba fleta t'holla. Aj i ka pre ato n'fije, për me i përdorë në qëndisje bashkë me fijet e kaltra, leshin e purpurt, fijet e kuqe t'ndezta edhe lirin e hollë.
4 I kanë ba edhe pjesët për supe që vendoseshin përmi efod. Efodi u konë i lidhun me to në dy skajet e epërme.
5 Rripi i endun i efodit, që e mbajke fort n'venin e vet, u konë i bamë pi materialeve t'njejta: pi ari, fijeve t'kaltra, leshit t'purpurt, fijeve t'kuqe t'ndezta edhe fijeve t'holla t'lirit t'përdredhuna, qysh Jehova e ka urdhnu Moisiun.
6 Mandej i kanë futë gurët e oniksit në korniza ari edhe i kanë gdhendë n' ta emnat e djemve t'Izraelit, qysh gdhenden shkronjat n'nji vulë.
7 Aj i ka vendosë ata gurë te pjesët e supeve t'efodit, si kujtim për djemtë e Izraelit, qysh Jehova e ka urdhnu Moisiun.
8 Masanej e ka ba qesen e gjoksit me qëndisje, njisoj si efodin, pi ari, fijeve t'kaltra, leshit t'purpurt, fijeve t'kuqe t'ndezta edhe fijeve t'holla t'lirit t'përdredhuna.
9 Kur palosej dysh, ajo u konë katrore. Qesen e gjoksit e kanë ba ashtu që, kur u paloske dysh, u konë sa nji pëllambë e hapun e gjatë edhe po aq e gjanë.
10 E kanë zbukuru me katër rreshta gurësh. N'rreshtin e parë jonë konë rubini, topazi edhe smeraldi,
11 n'rreshtin e dytë turkuazi, safiri edhe jaspisi,
12 n'rreshtin e tretë guri leshem, agati edhe ametisti,
13 kurse n'rreshtin e katërt krizoliti, oniksi edhe nefriti. Gurët jonë konë t'futun në korniza ari.
14 Këta gurë përfaqësojshin emnat e dymbëdhjetë djemve t'Izraelit. Emnat jonë konë t'gdhendun si n'nji vulë, edhe secili emën e përfaqësojke njanin pi dymbëdhjetë fiseve.
15 Te qesja e gjoksit i kanë ngjitë zingjirë pi ari t'pastër, t'përdredhun si litarë.
16 I kanë ba dy korniza edhe dy unaza pi ari, edhe i kanë vendosë dy unazat te dy qoshet e qeses së gjoksit.
17 Masanej i kanë futë dy zingjirët e arit nëpër dy unazat te qoshet e qeses së gjoksit.
18 Dy skajet e zingjirëve i kanë futë nëpër dy kornizat edhe i kanë ngjitë përpara, te pjesët e supeve t'efodit.
19 Mandej i kanë ba dy unaza pi ari edhe i kanë vendosë te dy qoshet e poshtme t'qeses së gjoksit, n'anën që u konë e kthym kah efodi.
20 I kanë ba edhe dy unaza tjera pi ari edhe i kanë vendosë përpara n'efod, poshtë dy pjesëve t'supeve, përmi rripin e endun, ngat vendit ku u lidhke efodi.
21 N'fund, i kanë lidhë unazat e qeses së gjoksit me unazat e efodit me nji pe t'kaltër, që qesja e gjoksit me nejtë gjithmonë n'venin e vet përmi rripin e endun, qysh Jehova e ka urdhnu Moisiun.
22 Petkun e epërm pa mangë, që vishej nën efod, e kanë endë krejt pi fijeve t'kaltra.
23 Ky petk pa mangë e ka pasë nji hapje n'mes, si hapja e nji kmishe t'hekurit, edhe përreth hapjes e ka pasë nji buzë t'forcume, që mos me u shqy.
24 N'fund t'petkut pa mangë i kanë vendosë shega t'bame pi fijeve t'kaltra, leshit t'purpurt edhe fijeve t'kuqe t'ndezta, t'përdredhuna bashkë.
25 Mes shegave i kanë ngjitë zile pi ari t'pastër, përreth krejt fundit t'petkut pa mangë, në mes t'shegave.
26 Përreth krejt fundit t'petkut pa mangë, që përdorej për shërbim, jonë konë t'varuna nji zile e nji shegë, nji zile e nji shegë, gjithmonë njana mas tjetrës, qysh Jehova e ka urdhnu Moisiun.
27 Ata i kanë endë teshat e gjata për Aaronin edhe djemtë e tij pi lirit t'hollë.
28 E kanë ba edhe çallmën pi lirit t'hollë, mbulesat e zbukurume për kry pi lirit t'hollë, edhe t'brekët e shkurta pi fijeve t'holla t'lirit t'përdredhuna.
29 Masanej e kanë ba edhe brezin e endun pi fijeve t'holla t'lirit t'përdredhuna, fijeve t'kaltra, leshit t'purpurt edhe fijeve t'kuqe t'ndezta, qysh Jehova e ka urdhnu Moisiun.
30 N'fund e kanë ba pllakën që shndritke për ballë, shenjën e shenjtë t'përkushtimit, pi ari t'pastër. N'të i kanë gdhendë fjalët si n'nji vulë: «Shenjtëria i takon Jehovës».
31 Ia kanë ngjitë nji pe t'kaltër, për me e lidhë te çallma, qysh Jehova e ka urdhnu Moisiun.
32 Qashtu u kry krejt puna për çadrën e shenjtë, çadrën e takimit. Izraelitët e kanë ba krejt qysh Jehova e ka urdhnu Moisiun. Tamam qashtu e kanë ba.
33 Masanej ia kanë pru Moisiut çadrën e shenjtë, çadrën edhe krejt sendet që i takojshin: kapëset, kornizat pi trarëve, shufrat, shtyllat edhe bazat ku futeshin shtyllat,
34 mbulesën pi lëkurave t'deshve t'ngjyrosuna t'kuqe, mbulesën pi lëkurave t'fokave, perden që e ndante vendin,
35 arkën për pllakat e Ligjit bashkë me shufrat edhe kapakun e saj,
36 tavolinën bashkë me krejt sendet e saj edhe bukët e paraqitjes,
37 shandanin pi ari t'pastër, llambat e tij, llambat e rendituna n'rresht, krejt sendet që i takojshin edhe vajin për ndriçim,
38 altarin pi ari, vajin për me ly, temjanin me erë t'mirë, perden për hyrjen e çadrës,
39 altarin pi bakri bashkë me rrjetën pi bakri, shufrat edhe krejt sendet që i takojshin, legenin edhe mbajtësen e tij,
40 perdet për oborrin, shtyllat edhe bazat ku futeshin, perden për hyrjen e oborrit, litarët edhe kunjat e çadrës, bashkë me krejt sendet që duheshin për shërbimin n'çadrën e shenjtë, çadrën e takimit,
41 teshat e enduna hollë për shërbimin n'vendin e shenjtë, teshat e shenjta për priftin Aaron edhe teshat e priftërisë për djemtë e tij.
42 Izraelitët e kanë kry krejt punën qysh Jehova e ka urdhnu Moisiun.
43 Kur Moisiu e ka kqyrë punën e tyne, e ka pa që ata e kishin ba krejt tamam qysh Jehova i ka urdhnu. Edhe Moisiu i ka beku.