Kangë t'shejta 56
1 Ki mirësi për mu, o Zot, se njeriu i vdekshëm po m'sulmon.
Krejt ditën po m'luftojnë e po m'shtypin.
2 Krejt ditën armiqtë e mi po m'sulmojnë.
Shumë veta po m'luftojnë me mendjemadhësi.
3 Kur m'kap frika, unë e qes besimin tem te ti.
4 Te Zoti, fjalët e t'cilit i lavdëroj, te Zoti e qes besimin tem.
S'kom frikë.
Qka munet me m'ba njeriu?
5 Krejt ditën po m'i dëmtojnë punët e mia. Veç
nji sen e kanë n'mend: me m'ba keq.
6 Ata rrinë n'pritë, gati me m'sulmu. Ma
përcjellin çdo hap që e boj,
me shpresë që me ma marrë jetën.
7 Refuzoji për shkak të këqijave që i bojnë.
N'zemrimin tand rrëzoji popujt, o Zot.
8 Ti e përcjell çdo hap temin kur endem andej-këndej.
Mblidhi lotët e mi n'çantën tane t'lëkurës!
A s'jonë të shënum n'librin tand?
9 Ditën kur thërras për ndihmë, armiqtë e mi kanë me u
tërhjekë. Nji sen e di sigurt: Zoti asht n'anën teme.
10 Te Zoti, fjalët e t'cilit i lavdëroj,
te Jehovai, fjalët e t'cilit i lavdëroj,
11 te Zoti e qes besimin tem. S'kom
frikë. Qka munet me m'ba njeriu?
12 Unë jom i lidhun me premtimet që t'i kom dhanë ty, o Zot.
Si kurban kom me ta shprehë falënderimin tem.
13 Se ti m'ke shpëtu pi vdekjes edhe m'i ke
rujt kambët mos me u pengu, që me mujtë me
ecë n'rrugën teme para Zotit, n'dritën e të gjallëve.