Kangë t'shejta 118
1 Falënderojeni Jehovën, se aj asht i mirë.
Dashnia e tij besnike zgjat përgjithmonë.
2 Izraeli le t'thotë tash:
„Dashnia e tij besnike zgjat përgjithmonë.“
3 Ata t'shpisë së Aaronit le t'thonë tash:
„Dashnia e tij besnike zgjat përgjithmonë.“
4 Ata që kanë frikë e respekt për Jehovën le t'thonë tash:
„Dashnia e tij besnike zgjat përgjithmonë.“
5 Kur jom konë n'hall, e kom thirr Jahun.
Jahu m'u përgjigj edhe m'çoi n'nji vend t'sigurt.
6 Jehova asht n'anën teme, s'kom me pasë frikë.
Qka munet me m'bo njeriu?
7 Jehova asht n'anën teme edhe m'ndihmon.
Kom me i pa me fitore ata që m'urrejnë.
8 Ma mirë asht me kërku mbrojtje te
Jehova, sesa me u besu njerëzve.
9 Ma mirë asht me kërku mbrojtje te Jehova,
sesa me u besu atyne që kanë pushtet.
10 Krejt popujt m'kanë rrethu,
po n'emnin e
Jehovës i kom zmbrapsë.
11 M'kanë rrethu, po, m'kanë rrethu
pi krejt anëve, po n'emnin
e Jehovës i kom zmbrapsë.
12 M'kanë vërshu përreth si bletët,
po u fikën shpejt si zjarri
që i djeg ferrat. N'emnin
e Jehovës i kom zmbrapsë.
13 M'kanë shty fort me m'rrëzu,
po Jehova m'ka ndihmu.
14 Jahu asht streha jem edhe fuqia jem,
edhe aj u bo shpëtimi jem.
15 Zani i gëzimit edhe i shpëtimit po
nihet nëpër çadrat e t'drejtëve. Dora e
djathtë e Jehovës po tregon fuqi t'madhe.
16 Dora e djathtë e Jehovës po çohet lart.
Dora e djathtë e Jehovës po tregon fuqi t'madhe.
17 S'kom me vdekë, jo, kom me jetu,
me i kallxu punët e Jahut.
18 Jahu m'ka qortu shumë rreptë,
po s'm'ka dorëzu te vdekja.
19 M'i çelni dyert e drejtësisë.
Kom me hi mrena edhe kom me e lavdëru Jahun.
20 Kjo asht dera e Jehovës.
Nëpër këtë derë kanë me hi t'drejtët.
21 Kom me t'lavdëru, se ti m'je përgjigj,
edhe ti u bone shpëtimi jem.
22 Guri që ndërtuesit e kanë hedh poshtë,
aj u bo guri kryesor i qoshes.
23 Këtë e ka bo Jehova.
Për sytë tonë kjo asht nji mrekulli.
24 Kjo asht dita që e ka bo Jehova.
Këtë ditë kemi me u gëzu edhe me brohorit.
25 Ah Jehova, t'lutna na shpëto!
Jehova, t'lutna na jep fitore!
26 I bekuem asht aj që vjen n'emnin e Jehovës.
Pi shpia e Jehovës po ju bekojmë.
27 Jehova asht Zoti. Aj na
jep dritë. Me degë n'duer,
përcilleni vargun e festës
deri te brinat e altarit.
28 Ti je Zoti jem edhe kom me t'lavdëru.
Zoti jem, kom me t'madhnu.
29 Falënderojeni Jehovën, se aj asht i mirë.
Dashnia e tij besnike zgjat përgjithmonë.