Kangë t'shejta 139
1 O Jehova, ti m'ke hetu mirë e m'njeh.
2 Ti e din kur ulna e kur çohna.
Edhe pi larg i kupton mendimet e mia.
3 Qoftë kur jom rrugës a kur shtrina, ti m'vëren.
Ti i njeh mirë krejt rrugët e mia.
4 Pa e pasë hala nji fjalë n'gjuhë,
ti, o Jehova, veç e din mirë.
5 Ti m'rrethon pi para e pi mbrapa.
Edhe e vnon dorën tane mbi mu.
6 Kjo dije asht përtej mendjes teme.
Asht tepër e madhe për mu me e kuptu.
7 Kah muj me ik pi fryma jote, e kah
muj me ik që ti mos me m'pa?
8 Po me hyp n'qiell, ti je aty.
Edhe po me u shtri n'varr, ti je aty.
9 Po me fluturu me krahët e agimit, e me
shku me banu te deti ma i largët:
10 Edhe atje dora jote ka me m'udhëheq, e
dora jote e djathtë ka me m'mbajt.
11 Po me thanë:
«Terri ka me m'fshehë me siguri!», atëherë nata përreth meje ka me u bo dritë.
12 Edhe terri s'asht tepër i errët për
ty, po nata asht e ndritshme si dita.
Për ty terri asht njajtë si drita.
13 Se ti m'i ke kriju veshkat,
ti m'ke mbrojt n'bark t'nanës.
14 T'lavdnoj, se m'ke bo n'nji mënyrë aq t'mrekullueshme, sa
t'bon me pasë respekt t'madh për ty. Punët
e tua jonë t'mrekullueshme, këtë e di fort mirë.
15 Eshnat e mia s'jonë konë t'fshehuna
pi teje, kur jom bo msheftas, kur
jom thurë n'naltësitë e thella t'tokës.
16 Sytë e tu m'kanë pa edhe kur jom konë
hala embrion. Krejt pjesët e tij jonë konë
t'shkrume n'librin tand, edhe ditët kur kanë me u
formu, qysh kur hala asnjana pi tyne s'ekzistonte.
17 Prandaj, sa t'çmueshme jonë për mu mendimet e tua!
O Zot, sa i madh asht numri i tyne!
18 Po me provu me i numëru, jonë ma shumë se kokrrat e ranës.
Kur zgjohem, hala jom me ty.
19 O Zot, sikur veç me i vra t'kqijtë!
Atëherë burrat e dhunshëm kishin me u largu pi meje,
20 ata që flasin kundër teje me qëllim t'keq.
Ata jonë kundërshtarët e tu, që e përdorin emnin tand pa respekt.
21 A s'i urrej unë ata që t'urrejnë ty, o Jehova, edhe
a s'më vjen neveri pi ata që çohen kundër teje?
22 Veç urrejtje kom për ta.
Ata m'jonë bo armiq t'vërtetë.
23 M'heto mirë, o Zot, edhe njohe zemrën teme.
M'kontrollo edhe kuptoji mendimet e mia që m'bajnë merak.
24 Shiko a ka naj sen te unë që po
m'çon n'nji rrugë t'damshme, edhe m'udhëhiq n'rrugën e amshume.