Letra e parë e Mbreterve 15
1 Në vitin e 18-të të mbretit Jerobeam, djalit të Nebatit, Abijami u ba mbret i Judës.
2 Aj ka mbretëru tri vjet në Jerusalem. Nana e tij e ka pasë emnin Maacha, edhe ajo u konë mbesa e Abishalomit.
3 Aj i ka ba të njajtat mëkate si baba i vet, edhe s'iu ka përkushtu me krejt zemër Jehovait, Zotit të vet, qysh i u konë përkushtu Davidi, i pari i tij.
4 Po për hir të Davidit, Jehovai, Zoti i tij, ia ka lanë nji dritë në Jerusalem. E ka ba djalin e Abijamit mbret edhe e ka lanë Jerusalemin me qëndru.
5 Se Davidi ka ba qka u konë drejt në sytë e Jehovait, edhe gjatë krejt jetës së vet s'iu ka largu urdhnave të Zotit, përveç në rastin e Uriahut, Hetitit.
6 Gjatë krejt kohës sa ka jetu Rehabeami, ka pasë luftë mes tij edhe Jerobeamit.
7 Krejt senet tjera për historinë e Abijamit edhe krejt qka ka ba aj, jonë të shkrume në librin e historisë së mbretërve të Judës. Edhe mes Abijamit e Jerobeamit ka pasë luftë.
8 Në fund Abijami ka vdekë, edhe e kanë varros në qytetin e Davidit. Mas tij, djali i vet Asa u ba mbret.
9 Në vitin e 20-të të Jerobeamit, mbretit të Izraelit, Asa u ba mbret në Judë.
10 Aj ka mbretëru 41 vjet në Jerusalem. Gjyshja e tij e ka pasë emnin Maacha, edhe ajo u konë mbesa e Abishalomit.
11 Asa ka ba qka u konë drejt në sytë e Jehovait, qysh ka ba edhe Davidi, i pari i tij.
12 Aj i ka përzanë pi vendit burrat që bajshin prostitucion në tempuj, edhe i ka hjek krejt idhujt e neveritshëm që i kishin ba të parët e tij.
13 Aj ia ka hjek edhe gjyshes së vet Maacha pozitën si mbretëreshë-nanë, se ajo e kish ba nji idhull të turpshëm për me adhuru shtyllën e shenjtë. Asa e ka rrëzu atë idhull të neveritshëm edhe e ka djegë në luginën e Kidronit.
14 Po vendet e nalta s'i ka hjek. Prapëseprapë, Asa i ka nejt besnik Jehovait me krejt zemër gjatë tanë jetës së vet.
15 Aj e ka çu në shpinë e Jehovait argjendin, arin edhe sende të ndryshme që aj edhe baba i tij ia kishin kushtu Zotit.
16 Mes Asës edhe Bashës, mbretit të Izraelit, ka pasë luftë pa nalë.
17 Mbreti Basha i Izraelit ka dalë me luftu kundër Judës edhe ka nis me e forcu Ramën, për me e blloku vendin që e sundonte mbreti Asa i Judës.
18 Atëherë Asa e ka marrë krejt argjendin edhe arin që kish mbetë në dhomat e thesarit të shpisë së Jehovait edhe të pallatit të mbretit, edhe i ka çu shërbëtorët e vet me to te Ben-Hadadi, mbreti i Sirisë, djali i Tabrimmonit, djalit të Hezionit, në Damask. Ia ka çu këtë fjalë:
19 «Mes neve dyve ka nji marrëveshje, qysh ka pasë edhe mes baballarëve tonë. Po ta çoj argjend e ar si dhuratë. Të lutna, prishe marrëveshjen që e ki me mbretin Basha të Izraelit, që aj me u largu pi këtu.»
20 Ben-Hadadi e ka pranu kërkesën e mbretit Asa edhe i ka çu komandantët e ushtrisë së vet me luftu kundër qyteteve të Izraelit. Ata i kanë pushtu Ijonin, Danin, Abel-Beth-Maachën, krejt Kineretin edhe krejt vendin e Naftalit.
21 Kur Basha e ka ni këtë, menihere e ka nalë punën për me e forcu Ramën edhe ka nejt në Tirza.
22 Atëherë mbreti Asa i ka thirr krejt burrat e Judës, pa e lanë asnjanin. Ata i kanë marrë gurët edhe drutë që Basha i kish përdorë për me e ndërtu Ramën. Me ato, mbreti Asa i ka forcu Gebën në Benjamin edhe Mizpën.
23 Krejt senet tjera për historinë e Asës, sa fuqi ka pasë aj, krejt qka ka ba edhe cilat qytete i ka forcu, jonë të shkrume në librin e historisë së mbretërve të Judës. Po kur u plak, e ka kapë nji smundje në kamë.
24 Në fund Asa ka vdekë, edhe e kanë varros afër të parëve të vet, në qytetin e Davidit, të parit të tij. Mas tij, djali i vet Josafati u ba mbret.
25 Në vitin e 2-të të mbretit Asa të Judës, Nadabi, djali i Jerobeamit, u ba mbret i Izraelit. Aj ka mbretëru dy vjet mbi Izraelin.
26 Aj ka vazhdu me ba qka u konë keq në sytë e Jehovait. Ka ecë rrugës së babës së vet edhe e ka ba mëkatin që baba i tij e kish shty Izraelin me e ba.
27 Basha, djali i Ahijahut, pi fisit të Isakarit, ka ba plan fshehtas kundër Nadabit. E ka mbyt në Gibethon, kur Nadabi bashkë me krejt Izraelin e kishin rrethu atë qytet që u përkiste Filistinëve.
28 Basha e ka mbyt Nadabin në vitin e 3-të të mbretit Asa të Judës, edhe u ba mbret në vend të tij.
29 Sapo u ul në fron, e ka mbyt krejt familjen e Jerobeamit. S'e ka lanë gjallë kërkon që i përkiste Jerobeamit. I ka shfaros krejt, qysh e kish paralajmëru Jehovai përmes shërbëtorit të vet Ahijahut pi Shilo.
30 Kjo ka ndodh për shkak të mëkateve që i ka ba Jerobeami edhe që e ka shty Izraelin me i ba, edhe se e ka fye randë Jehovain, Zotin e Izraelit.
31 Krejt senet tjera për historinë e Nadabit edhe krejt qka ka ba aj, jonë të shkrume në librin e historisë së mbretërve të Izraelit.
32 Mes Asës edhe mbretit Basha të Izraelit ka pasë luftë pa nalë.
33 Në vitin e 3-të të mbretit Asa të Judës, Basha, djali i Ahijahut, u ba mbret i krejt Izraelit në Tirza. Aj ka mbretëru 24 vjet.
34 Basha ka vazhdu me ba qka u konë keq në sytë e Jehovait. Ka ecë rrugës së Jerobeamit edhe e ka ba mëkatin që Jerobeami e kish shty Izraelin me e ba.