Mateu 2

¹ Jezusi u lind në kohën e mretit Herod në Bethlehem të Judesë. Nji ditë kanë ardh astrologët, donmethon njerzt që i kqyrin yllsit qysh livritin. Ata kanë ardh prej Lindjes në Jerusalem ² edhe kan vet: „Ku osht mreti i judenjve, që ka lind? Kur jemi kon në Lindje, e kemi pa yllin e tij. Edhe jena ardh mi kallxu nerim.“ ³ Mreti Herod ka marrë vesh qka ata thanë edhe u bo shumë nervoz – edhe bashkë me atá krejt Jerusalemi. ⁴ Aj i ka thirr krejt priftët ma kryesor edhe krejt skribët, donmethon krejt ata që i kanë msu shkrimet e shenjta. Edhe i ka vet ku u dasht mu lind krishti. ⁵ Ata i thanë: „Në Betlehem të Judesë, sepse kshtu u shkru nga pejgamberi: ⁶ ‚E ti, o Betlehem, në venin e Judesë , nuk je kurrqysh qyteti ma i vogli në sytë e zotnis të Judesë, sepse prej teje ka me dal nji zotni që osht bariu i popullit tem Izrael.‘“
⁷ Kur i ka ni kto fjalt, Herodi i ka thirr tinza astrologët, donmethon ata njerzt që i kqyrin yllsit qysh livritin. Edhe aj ka dasht me dit ma mirë, se kur ju ka dal ylli. ⁸ Masanej aj i ka qu astrologët në Bethlehem me nji punë: „Shkoni edhe lypni mirë qat thmi. Edhe kur ta gjoni, mem kallxu. Tani edhe une muj me shku atje edhe mi kallxu nerim.“ ⁹ Si i kanë ni fjalt e mretit, u bohën gati për rrug. Edhe qe: Ylli, që e kanë pa në Lindje, ka levrit edhe u nal qat ven ku u kon thmia. ¹⁰ Kur e panë yllin, ata u gzun shumë. ¹¹ Jonë hy mrena në shpi edhe aty e kanë pa thmijën te nona vet, Marija. Tani jonë shtrij përtoke edhe ja kanë kallxu nerim. I kanë qel thesat e veta edhe i kanë jap bakshish: Dukat, tym me erë të mirë edhe long të drunit me erë të mirë. ¹² Po masi e kanë pa nji anderr, ku zoti i ka thonë që mos mu kthy te Herodi, ata jonë kthy në venin e tynve, po me nji rrug tjetër.
¹³ Masi jonë largu, melaqja e Jehovajit i ka dal Jozefit në anderr edhe i tha: „Qu, merre thmijën edhe nonën e tijna, edhe ik për në egjipt. Edhe rri atje deri sa t’thom mu kthy. Sepse Herodi ka me lyp thmijën me myt.“ ¹⁴ Qeshtu Jozefi u qu natën, e morri meveti thmijën edhe nonën, e u shku për në egjipt. ¹⁵ Aj ka nejt aty derisa ka dek Herodi që të mushet ajo qa ka thonë Jehovaji nepermjet pejgamberit: „Kah egjipti e thirra djalin tem.“
¹⁶ Kur Herodi e ka diktu që ata astrologët e kanë mashtru, e ka kap inati. Aj i ka qu burrat në Betlehem edhe në rrethin e Betlehemit, edhe i ka thonë krejt meshkujt deri në moshen dy vjet mi myt. Ata vjet kanë rra bash qashtu qysh kanë thonë ata astrologët. ¹⁷ Atëhera u mush qa ka thonë pejgamberi Jeremia: ¹⁸ „Në venin Rama u ni nji zo, ku u kajt edhe u bertit me dhimbje të madhe. U kon Rakela, që ka kajt për thmijt e vet. Ajo s’ka dasht mu pajtu, se thmijt i sajna nuk jonë kon mo aty.“
¹⁹ Masi ka dek Herodi, në egjipt Jozefit i ka dal melaqja e Jehovajit në andërr ²⁰ edhe i tha: „Qu, merre thmijën edhe nonën e tijna edhe shko në venin Izrael, se ata qe kanë dasht me myt thmijën, kanë dek.“ ²¹ Ashtu aj u qu, e ka marrë thmijën edhe nonën e tijna, e u shku në venin Izrael. ²² Por masi e ka marrë vesh qe Arkelau në venin e babës së vet, Herodit, ka sunu në Jude, Jozefi u tut aty me shku. Edhe plus në nji andërr zoti i ka thonë mu rrujt. Tani Jozefi u shku në venin e Galilesë. ²³ Kur ka mrri aty, aj e ka nal rrugën në qytetin e Nazaretit për mu mush qka kanë thonë pejgambertë: „Aj ka mu thirr 'nazareas'.“