Judas 1

¹ Juda, nji shërbtor i Jezus Krishtit edhe vllavi i Jakobit, u shkrun atyne qe Zoti Baba i do edhe i ka rujt për Jezus Krishtin.

² Ju uroj gjithmonë e ma shumë meshirë, paqe edhe dashni. ³ Vllazni t’dashun, edhe pse kom pas qef me ju shkru për shpëtimin qe e kemi te perbashkët, e kom pa të arsyshme me ju lut me mish e shpirt me qëndru te fort ne besim – ate besim që ju ka dhonë nji herë e pergjithmonë të shenjtve. ⁴ Sepse do njerz jonë përzi midis juve tinza – për ta u shkru kaherë se kanë me u gjyku. Ata janë të pabesë, e keqpërdorin meshirën e Zotit tonë për me bo qka t’ju don qefi i tyne per interesat e veta edhe nuk e njohin si duhet Zotnin tonë të vetëm dhe Pronarin e tij – Jezus Krishtin.

⁵ Edhe pse i dini qito sene, po du me ju përkujtu: Zoti i shpëtoi njerëzit e vet prej Egjiptit, ama ma vonë i shkatërroi ata që nuk kan kallxu besim . ⁶ Edhe engjujt që s’kanë nejtë aty ku ju takonte ne hava me nejt po e kanë lon vendin e tyne, Zoti i ka lidh me zingjir të përjetshëm në terr të thellë deri në ditën e gjykimit. ⁷ Si Sodoma e Gomorra edhe qytetet përreth tyne – jonë dorëzu në deshira te gabume edhe ne lakmi të poshtër dhe ne imoralitet te ran seksual. Për qata u denun me zjarr të përjetshëm, dhe jan ba per neve si shembull paralajmrimi. ⁸ Edhe këta njerz jetojn si ne andrrave jo ne realitet – e fëlliqin trupin e tyne, s’e rrespektojnë kurkan edhe e shajnë e folin keq per autoritetin dhe te lavdishmit.

⁹ Por krejt ndryshe asht shembulli i krye-engjullit Mikael – kur ai ka pasur nje diskutim me Djallin për trupin e Moisiut,ai s’ka pas fjal me i thanë kurgjo keq, veç ka thanë: “Zoti të dhaft gjykimin qe meriton.” ¹⁰ Dhe këta njerz shajnë krejt edhe pse vet senet nuk i kuptojnë – edhe ato senet qe i dinë vetëm si kafshët qe nuk kan men,keshtu e shkatërrojn veten. ¹¹ Mjerë ata! Kanë ndjek udhën e Kainit, jonë turr me lakmi drejt udhes se Balamit për pare edhe kanë marr fun si Korahu për shkak të kryeneçësisë te folmit rebel.

¹² Janë si gur të msheft nëpër darkat e dashnisë – e hanë ushqimin me ju, pa fije turpi, si barinj që ushqejnë veç veten. Janë si re pa ujë, që fryn era e i çon anej dhe knej. Si dru pa fryt ne vjeshten e vonshme, dy herë t’vdekshëm e të shkulun me rraj. ¹³ Si dallgë t’egra t’detit që shfaqin marrezinë e vet, si yje pa drejtim, për ta osht caktu terri i zi përgjithmonë.

¹⁴ Edhe Enoku, i shtati prej Adamit, ka profetizu për ta: “Kqyre, Zoti po vjen me t’shenjtit me dhjetra mijra melaqe te shejtit e vet me shumicë – ¹⁵ Me i gjyku krejt njerzit e me i nxjerrë t’pafaqshëm për krejt veprat e poshtër që i kanë ba e për krejt fjalët që i kanë fol kundra Zotit.”

¹⁶ Kta janë ankuese, gjith tu u qa për hallin e vet, bajnë çkado që ju vjen qefi, i kanë fjalët e mdhaja edhe u lavdrojnë tjerve veç për interes.

¹⁷ Ama ju, vllazni t’dashun, kujtoni qka u kanë thanë apostujt e Zotit tonë Jezus Krishtit. ¹⁸ Ata ju kanë kallxu: “N’kohën e fundit kanë me dal njerz t’ligë që bajnë qka ju don shpirti e nuk e kanë hiq frikë Zotin.” ¹⁹ Janë ata që ndajnë tjerët – janë veç njerz mishorë, pa frymë të shenjtë. ²⁰ Ama ju, vllazni, forcohuni në besimin tuaj të shenjtë – lutu me frymë të shenjtë. ²¹ Rrini n’dashninë e Zotit edhe pritni meshirën e Zotit tonë Jezus Krisht për me fitu jetën e pasosshme. ²² Disa që kanë dyshime – kini meshirë për ta. ²³ Disa tjerë qiteni prej zjarrit e shpëtoni. Edhe për tjerët kini meshirë, po me frikë – urrejeni edhe petkun që osht ndot prej mëkatit.

²⁴ Ai që ka fuqinë me ju ru prej rrximit edhe me ju paraqit pa njollë, me gzim, para lavdisë së vet – ²⁵ Zotit të vetëm, Shpëtimtarit tonë, përmes Jezus Krishtit Zotit tonë, i qoftë lavdia, madhështia, fuqia e autoriteti prej amshimit deri n’amshim. Amin.