Letra i parë te Korintasve 2
1 Kur kom ardh te ju, vllazni, nuk kom ardh me naj mjeshtri t’veçantë t’fjalëve a me mençuri, për me ju shpallë fshehtësinë e shenjtë të Zotit. 2 Se kom vendosë që mes juve mos me ditë kurgjo tjetër, veç Jezus Krishtin edhe atë që aj u vu n’shtyllë. 3 Te ju kom ardh i dobët, me tutë edhe me dridhje t’madhe. 4 Edhe kur kom folë e kom prediku, s’e kom bo me mjeshtri bindëse as me fjalë t’mençme, po qka kom thanë ka kallxu Frymë edhe fuqi, 5 që besimi juv mos me u mbështet në mençurinë e njerëzve, po në fuqinë e Zotit.
6 Tash, na flasim për mençuri mes atyne që janë t’pjekun, ama jo për mençurinë e këtij sistemi t’botës, as për mençurinë e sundimtarëve t’këtij sistemi t’botës, që kanë me shku drejt shkatërrimit. 7 Përkundrazi, na flasim për mençurinë e Zotit në nji fshehtësi t’shenjtë, për mençurinë e msheftë që Zoti e ka caktu pi përpara, para sistemeve t’botës, për lavdinë tonë. 8 Kët mençuri s’e ka njoft asnjani pi sundimtarëve t’këtij sistemi t’botës, se po ta kishin njoft, nuk e kishin ekzekutu n’shtyllë Zotninë e lavdisë. 9 Përkundrazi, në Shkrime po shkrun: “Qka syri s’e ka pa, veshi s’e ka ni, edhe qka nuk i ka ardh n’zemër njeriut, qato Zoti i ka përgatitë për ata që e dojnë.” 10 Neve Zoti na i ka zbulu përmes Frymës së vet, se Fryma i hulumton krejt senet, edhe senet e thella t’Zotit.
11 Se kush pi njerëzve i njeh senet e njeriut, përveç frymës së njeriut që asht në të? Qashtu edhe senet e Zotit s’i ka njoft kurrkush, përveç Frymës së Zotit. 12 Tash, na nuk e kemi marrë frymën e botës, po Frymën që vjen pi Zotit, që me i kuptu senet që Zoti na i ka dhanë me mirësi. 13 Për qato edhe flasim, ama jo me fjalë që msohen pi mençuria e njerëzve, po me fjalë që msohen pi Fryma, tu i shpjegu senet frymore me fjalë që përputhen me Frymën.
14 Po njeriu që udhëhiqet pi dëshirat e veta nuk e pranon qka vjen pi Fryma e Zotit, se për të asht marrëzi. Aj s’mundet me e njoft, sepse ajo gjykohet me ndihmën e Frymës. 15 Ama njeriu që udhëhiqet pi Fryma e Zotit gjykon krejt senet, kurse atë vetë s’e gjykon asnji njeri. 16 Se “kush e ka njoft mënyrën e t’mendunit t’Jehovait, që me mujt me e mësu atë”? Na ama e kemi mënyrën e t’mendunit t’Krishtit.