Libri i parë i Musës 5
1 Ky asht libri që tregon historinë e Adamit. Ditën kur Zoti e ka kriju Adamin, e ka bo që me i ngja atij.
2 I ka kriju mashkull edhe femën. Qat ditë kur i ka kriju, i ka beku edhe ua ka lanë emnin Njeri.
3 Kur Adami i ka pas 130 vjet, u bo babë i nji djali që i ngjajke atij, tamam si pamja e tij. Ia ka lanë emnin Set.
4 Mas lindjes së Setit, Adami ka jetu edhe 800 vjet edhe u bo babë i djemve edhe vajzave tjera.
5 Gjithsej Adami ka jetu 930 vjet, masanej ka dekë.
6 Kur Seti i ka pas 105 vjet, u bo babë i Enoshit.
7 Mas lindjes së Enoshit, Seti ka jetu edhe 807 vjet edhe u bo babë i djemve edhe vajzave tjera.
8 Gjithsej Seti ka jetu 912 vjet, masanej ka dekë.
9 Kur Enoshi i ka pas 90 vjet, u bo babë i Kenanit.
10 Mas lindjes së Kenanit, Enoshi ka jetu edhe 815 vjet edhe u bo babë i djemve edhe vajzave tjera.
11 Gjithsej Enoshi ka jetu 905 vjet, masanej ka dekë.
12 Kur Kenani i ka pas 70 vjet, u bo babë i Mahalalelit.
13 Mas lindjes së Mahalalelit, Kenani ka jetu edhe 840 vjet edhe u bo babë i djemve edhe vajzave tjera.
14 Gjithsej Kenani ka jetu 910 vjet, masanej ka dekë.
15 Kur Mahalaleli i ka pas 65 vjet, u bo babë i Jaredit.
16 Mas lindjes së Jaredit, Mahalaleli ka jetu edhe 830 vjet edhe u bo babë i djemve edhe vajzave tjera.
17 Gjithsej Mahalaleli ka jetu 895 vjet, masanej ka dekë.
18 Kur Jaredi i ka pas 162 vjet, u bo babë i Henokut.
19 Mas lindjes së Henokut, Jaredi ka jetu edhe 800 vjet edhe u bo babë i djemve edhe vajzave tjera.
20 Gjithsej Jaredi ka jetu 962 vjet, masanej ka dekë.
21 Kur Henoku i ka pas 65 vjet, u bo babë i Metusalahut.
22 Mas lindjes së Metusalahut, Henoku ka vazhdu me ecë në rrugën e Zotit të vërtetë edhe 300 vjet. Aj u bo babë edhe i djemve edhe vajzave tjera.
23 Gjithsej Henoku ka jetu 365 vjet.
24 Henoku ka ecë në rrugën e Zotit të vërtetë. Masanej s'u konë ma aty, se Zoti e ka marrë.
25 Kur Metusalahu i ka pas 187 vjet, u bo babë i Lamekut.
26 Mas lindjes së Lamekut, Metusalahu ka jetu edhe 782 vjet edhe u bo babë i djemve edhe vajzave tjera.
27 Gjithsej Metusalahu ka jetu 969 vjet, masanej ka dekë.
28 Kur Lameku i ka pas 182 vjet, u bo babë i nji djali.
29 Ia ka lanë emnin Noa edhe ka thanë: „Ky ka me na pru lehtësim pi punës së randë e të lodhshme që e bojmë me duert tona në tokën që Jehovai e ka mallku.“
30 Mas lindjes së Noas, Lameku ka jetu edhe 595 vjet edhe u bo babë i djemve edhe vajzave tjera.
31 Gjithsej Lameku ka jetu 777 vjet, masanej ka dekë.
32 Pasi Noa i ka mbush 500 vjet, u bo babë i Semit, Hamit edhe Jafetit.