Hagai 1
1 Në vitin e dytë të mbretit Darij, ditën e parë të muajit të gjashtë, Jehova e ka çu këtë fjalë përmes profetit Hagai te Serubabeli, djali i Shealtielit, guvernatori i Judës, edhe te Josua, djali i Jozadakut, kryeprifti:
2 “Qeshtu thotë Jehova, Zoti i ushtrive: ‘Ky popull po thotë: «Hala s’ka ardhë koha me e ndërtu shpinë e Jehovait.»’”
3 Masanej Jehova e ka çu edhe këtë fjalë përmes profetit Hagai:
4 “A asht tash koha që ju me jetu në shpitë e juaja të veshuna me dërrasa, derisa kjo shpi po rrin e rrënume?
5 Qeshtu thotë Jehova, Zoti i ushtrive: ‘Mendoni mirë për rrugët që po i ndiqni.
6 Ju keni mbjellë shumë farë, po keni korrë pak. Po hani, po nuk po ngiheni. Po pini, po nuk po ju del boll. Po vishni tesha, po nuk po nxehni. E kush punon për rrogë, po i shtin paret e fitume në nji kuletë plot vrima.’”
7 “Qeshtu thotë Jehova, Zoti i ushtrive: ‘Mendoni mirë për rrugët që po i ndiqni.’
8 ‘Hypni në mal edhe sillni dru për ndërtim. Ndërtojeni shpinë teme, që unë me u gëzu për të edhe me u lavdëru’, thotë Jehova.”
9 “‘Ju keni pritë shumë, po keni marrë pak. E kur e keni çu në shpi atë pak që e keni marrë, unë e kom fry edhe e kom largu. Pse?’, thotë Jehova, Zoti i ushtrive. ‘Se shpija jem po rrin e rrënume, derisa ju krejt po vraponi andej-knej tu u kujdesë për shpitë e juaja.
10 Për qata qielli përmi ju nuk ka lshu vesë, e toka nuk ka dhanë fryt.
11 Unë e kom lshu thatësinë mbi tokë e mbi male, mbi drithin, verën e re edhe vajin, mbi krejt qka rritet në tokë, mbi njerëzit e bagëtinë, edhe mbi krejt atë për të cilën jeni mundu me duart e juaja.’”
12 Atëherë Serubabeli, djali i Shealtielit, edhe Josua, djali i Jozadakut, kryeprifti, bashkë me krejt pjesën tjetër të popullit, e kanë ngu zanin e Jehovait, Zotit të tyne, edhe fjalët e profetit Hagai, se Jehova, Zoti i tyne, e kish çu atë. Edhe populli ka nisë me tregu respekt e frikë ndaj Jehovait.
13 Masanej Hagai, që u konë i dërgumi i Jehovait, ia ka çu popullit këtë fjalë, qysh e kish urdhnu Jehova: “‘Unë jom me ju’, thotë Jehova.”
14 Atëherë Jehova e ka shty Serubabelin, djalin e Shealtielit, guvernatorin e Judës, edhe kryepriftin Josua, djalin e Jozadakut, bashkë me krejt pjesën tjetër të popullit, me ardhë e me ia nisë punës për me e ndërtu shpinë e Jehovait, Zotit të tyne, Zotit të ushtrive.
15 Kjo ka ndodhë ditën e 24-të të muajit të gjashtë, në vitin e dytë të mbretit Darij.