Sofonia 3
1 Mjerë qyteti që s'bindet, që asht i flliqtë e që i shtyp tjerët!
2 Aj qytet s'e ka ngu asnji za, as s'ka pranu asnji qortim.
S'i ka besu Jehovait, as s'ka kërku me iu afru Zotit t'vet.
3 Udhëheqësit e saj jonë si luana që ulërojnë.
Gjykatësit e saj jonë si ujq natën.
Deri n'mëngjes s'e lanë asnji asht për me e brejtë.
4 Profetët e saj jonë burra t'pacipë e që s'kanë besë.
Priftat e saj e flliqin atë që asht e shenjtë.
Ata e shkelin ligjin.
5 Jehovai asht i drejtë n'mes t'saj, aj s'ban
padrejtësi. Çdo mëngjes aj i shpall gjykimet e veta,
po aq sigurt sa që del drita e
ditës. Po aj që ban padrejtësi s'ka marre.
6 „Unë i kom shkatërru popujt, e kullat e tyne n'cepa kanë mbetë shkretë.
I kom shkretu rrugët e tyne, sa që kërkush s'ka kalu ma andej.
Qytetet e tyne jonë bo rrënoja, pa njerz, pa banorë.
7 Unë kom thanë:
‚Me siguri ke me pasë frikë e respekt ndaj meje e ke me pranu qortimin‘, që vendi ku ajo banon mos me u shkatërru.
Për krejt këto unë kom me i kërku llogari.
Po ata veç sa jonë mundu edhe ma shumë me ba punë t'këqija.
8 ‚Prandaj, m'pritni me durim‘, thotë Jehovai, ‚deri n'atë ditë kur kom
me u çu me marrë plaçkë, se vendimi jem asht
me i mbledhë popujt e me i bashku mbretnitë, që me
e derdhë mbi ta inatin tem, krejt idhnimin tem t'flaktë,
se zjarri i xhelozisë teme ka me e përpi krejt tokën.
9 Atëherë kom me ua ndërru gjuhën popujve n'nji gjuhë
t'pastër, që krejt me e thirrë emnin e
Jehovait, e me i shërby atij krah për krah.‘
10 Pi vendet rreth lumenjve t'Etiopisë, ata që m'luten me ngulm, bija
e atyne që i kom shpërnda, kanë me m'sjellë nji dhuratë.
11 Atë ditë s'ka me t'ardhë ma marre për krejt punët e rebelimit
që i ke ba kundër meje, se atëherë kom me i
largu pi mesi yt ata që mburren e e mbajnë veten t'mdhaj,
e kurrë ma s'ka me t'u rritë mendja n'malin tem t'shenjtë.
12 Kom me lanë n'mes teje nji popull t'përulun e t'thjeshtë,
e ata kanë me kërku strehë te emni i Jehovait.
13 Ata që kanë me mbetë n'Izrael s'kanë me ba padrejtësi.
S'kanë me rrejtë, e n'gojën e tyne s'ka me pasë gjuhë që mashtron.
Kanë me kullotë e me u shtri, e kërkush s'ka me i tutë.“
14 Brohorit pi gëzimit, oj bija e Sionit!
Thirr me za t'naltë pi gëzimit t'fitores, o Izrael!
Gëzohu e knaqu me krejt zemër, oj bija e Jerusalemit!
15 Jehovai i ka hjekë gjykimet kundër teje.
Aj e ka largu armikun tand.
Mbreti i Izraelit, Jehovai, asht n'mes teje.
S'ka me t'tutë ma asnji fatkeqësi.
16 Atë ditë Jerusalemit ka me iu thanë:
„Mos ki frikë, o Sion.
Mos i lsho durt poshtë.
17 Jehovai, Zoti yt, asht n'mes teje.
Aj asht i fortë e ka me t'shpëtu.
Aj ka me u gëzu shumë për ty.
N'dashninë e vet aj ka me heshtë.
Aj ka me u gëzu për ty me britma gëzimi.
18 Kom me i mbledhë ata që mërziten se s'jonë konë n'festat e tua.
Ata jonë konë larg teje, se kanë duru marre për shkak tand.
19 N'atë kohë kom me vepru kundër krejt atyne që
t'shtypin. Kom me i shpëtu ata që çalojnë,
kom me i mbledhë ata që jonë shpërnda. Kom
me ba që ata me u lavdu e
me pasë nam t'mirë n'krejt vendin ku jonë turpnu.
20 N'atë kohë kom me ju kthy prapë, n'atë kohë kom
me ju mbledhë bashkë. Se kom me ju dhanë nam
t'mirë e lavdi mes krejt popujve t'tokës, kur kom
me i kthy robnit tuaj para syve tuaj“, thotë Jehovai.