Jona 3
1 Masanej Jonës i ka ardhë për herë t'dytë nji fjalë pi Jehovait:
2 «Çohu, shko n'Ninive, n'qytetin e madh, edhe shpallja mesazhin që kam me ta thanë.»
3 Jona e ka ngu urdhnin e Jehovait edhe ka shku n'Ninive. Ninive u konë nji qytet shumë i madh. U duhshin tri ditë me e kalu pi nji ane n'anën tjetër.
4 Jona ka ecë nji ditë rrugë mrena qytetit edhe ka shpallë: «Edhe 40 ditë, e Ninive ka me u shkatërru.»
5 Atëherë banorët e Ninives i kanë besu Zotit, e kanë shpallë nji agjërim edhe jonë veshë me tesha thesi, pi ma t'madhit deri te ma i vogli.
6 Kur lajmi i ka shku mbretit t'Ninives, aj u çu pi fronit, e ka hjekë petkun mbretnor, u mbështoll me thes edhe u ul n'hi.
7 Përveç kësaj, aj ka urdhnu me u shpallë n'krejt Niniven: «Urdhën pi mbreti edhe njerëzit e tij me pozitë:
As njeri as kafshë, as lopë as dele s'guxojnë me hangër kurgjo. S'guxojnë me hangër as me pi ujë.
8 Le t'mbështillen me thes, si njerëzit, si kafshët. Le t'i luten Zotit me krejt zemër, le t'kthehen pi rrugëve t'kqija edhe le t'i nalin punët e dhunshme.
9 Kush e din? Nashta Zoti i vërtetë e mendon prapë atë që ka vendosë edhe i kalon idhnimi i madh, që na mos me u shkatërru.»
10 Kur Zoti i vërtetë i ka pa qka kanë ba edhe që jonë kthy pi rrugëve t'kqija, aj e ka mendu prapë atë që kish thanë edhe s'e ka pru fatkeqësinë mbi ta.