Mikea 3
1 Unë kom thanë:
„Ju lutna, ngoni, o krerët e Jakobit, edhe ju udhëheqësit e popullit të Izraelit!
A s'duhet ju me e dit qka asht e drejtë?
2 Po ju e urreni të mirën edhe e doni të keqen.
Ju po ia rrjepni lëkurën popullit tem edhe po ia shqyni mishin pi eshnave.
3 Ju po ia hani edhe mishin popullit
tem, po ia rrjepni lëkurën, po ia
theni eshnat edhe po ia copëtoni krejt,
si mishi që zihet në nji tenxhere.
4 Atëherë ata kanë me i thirr Jehovës për ndihmë,
po aj s'ka me ju përgjigj. Në atë kohë
aj ka me e mshef ftyrën pi tyne, për
shkak të punëve të këqija që i kanë bo.
5 Qeshtu u thotë Jehova pejgamberëve që po e çojnë
popullin tem në rrugë të gabume, që thirrin:
‘Paqe!’, kur kanë diçka me kafshu, po atij që
s'ua shtin kurgjo në gojë, ia shpallin luftën:
6 ‘Për ju ka me ardh nata, edhe s'keni me pa
ma vegime. Për ju ka me pasë veç terr, edhe
s'keni me mujt me parashiku kurgjo. Dilli ka me
perëndu përmi pejgamberët, edhe dita ka me ju bo terr.
7 Ata që shohin vegime kanë me u marre,
edhe ata që e parashikojnë fatin kanë me mbet
të zhgënjyem. Krejt kanë me i mbulu mustaqet,
se s'ka me pasë kurrfarë përgjigjeje pi Zoti.’“
8 Po unë jom i mbushun me fuqi përmes frymës së
Jehovës, edhe me drejtësi e forcë, për me ia kallxu Jakobit
qysh asht çu kundër Zotit, edhe Izraelit gjynahin e vet.
9 Ju lutna, ngojeni këtë, o krerët e popullit të Jakobit,
edhe ju udhëheqësit e popullit të Izraelit, që e urreni drejtësinë
edhe krejt qka asht e drejtë e boni të shtremtë,
10 që po e ndërtoni Sionin me gjakderdhje, edhe Jerusalemin me padrejtësi.
11 Krerët e tij marrin ryshfet kur gjykojnë, priftërinjtë
e tij mësojnë veç me pagesë, edhe
pejgamberët e tij e parashikojnë fatin për pare.
E prap po thojnë që po mbështeten te
Jehova, edhe po thojnë: „A s'asht Jehova
me neve? Kurrfarë fatkeqësie s'ka me na gjet.“
12 Për qata, për shkakun tuej, Sioni ka me u lëvru
si nji arë, Jerusalemi ka me u bo grumbull gërmadhash,
edhe mali i tempullit ka me u mbulu me pyll.