Mikea 6
1 Ngoni, ju lutna, qka po thotë Jehova.
Çohu, dil me e paraqit çashtjen tane para
maleve, le ta nijne kodrat zanin tand!
2 Ngone çashtjen që e ka Jehova, o male,
edhe ju, themelet e forta të tokës, se Jehova
ka nji çashtje gjyqi me popullin e vet,
edhe ka me hy në gjyq me Izraelin:
3 “Populli jem, qka t’kom bo?
Me qka t’kom lodh aq shumë?
Kallxo qka ke kundër meje.
4 Se unë të kom nxjerr pi Egjiptit,
të kom liru pi robnia. Para teje
i kom çu Moisiun, Aronin edhe Mirjamin.
5 Populli jem, kujtoje, t’lutna, qka ka planifiku Balaku, mbreti i
Moabit, edhe qka i ka kthy përgjigje Bileami, djali i
Beorit. Kujtoje edhe qka ka ndodh pi Shitimi deri në
Gilgal, që me i kuptu veprat e drejta të Jehovës.”
6 Me qka me dal para Jehovës? Me qka
me u përkul para Zotit që banon shumë
nalt? A me dal para tij me
kurbane që digjen krejt, me viça nji vjeç?
7 A ka me u gëzu Jehova me mijëra
desh, me dhjetëra mijëra përrenj me vaj? A
me e dhon djalin tem të parëlindun
për rebelimin tem, thmin tem për gjynahin tem?
8 Aj ta ka kallxu, o njeri, qka asht e mirë.
E qka po lyp Jehova pi teje?
Veç qito:
me vepru drejt, me e dasht besnikninë me krejt zemër edhe me ec përulët bashkë me Zotin tand!
9 Zani i Jehovës po i thirr qytetit.
Kush asht i mençëm, ka me pas respekt të thellë për emnin tand.
Ngone paralajmërimin për dënimin edhe për atë që e ka caktu.
10 A ka hala në shpinë e njerëzve të këqij pasuni të fitume me
punë të këqija edhe nji efë të rrejshme që asht e neveritshme?
11 A muj me kon i pafajshëm kur e përdori nji peshore të rrejshme
edhe nji thes plot me gurë peshe që përdoren për me mashtru?
12 Se të pasunit e qytetit s’dijnë tjetër veç
dhunë, e banorët e tij veç rrena
po thojnë. Gjuha e tyne asht plot dredhi.
13 “Për qata unë kom me të godit e me të plagos, kom
me të bo vend të shkretë për shkak të gjynaheve tua.
14 Ke me hangër, po s’ke me u ngi. Përmrena vetes ke
me ni zbrazti. Qka munohesh me e largu për me e rujt,
s’ke me mujt me e çu në vend të sigurt, edhe
nëse e largon naj sen, unë kom me ia dorëzu shpatës.
15 Ke me mbjell farë, po s’ke me korrë.
Ke me i shtrydh ullijtë, po vajin s’ke me e përdor.
Ke me bo verë të re, po verë s’ke me pi.
16 Se ju po i ndiqni rregullat e Omrit edhe krejt
zakonet e shpisë së Ahabit, edhe po jetoni simas këshillave
të tyne. Për qata unë kom me ju bo shembull
tmerri, e banorët e qytetit kom me i bo për
tallje. Edhe ju keni me e duru përbuzjen e popujve.”