Zakaria 12
1 Nji shpallje: „Kjo asht fjala e
Jehovait për Izraelin“, thotë Jehova, aj
që e ka shtri qiellin, i
ka vu themelet e tokës edhe
e ka kriju frymën mrena njeriut.
2 „Unë kam me e bo Jerusalemin si nji kupë që i bon krejt popujt përreth me u luhatë si t'dehun. Juda ka me u rrethu, qashtu edhe Jerusalemi.
3 Atë ditë kam me e bo Jerusalemin nji gur t'randë për krejt popujt. Krejt ata që e çojnë nalt, kanë me u lëndu keq, pa pikë dyshimi. Krejt popujt e tokës kanë me u bashku kundër atij qyteti.
4 Atë ditë“, thotë Jehova, „kam me e shti secilin kalë n'panik, e kalorësin e tij kam me e bo me i hupë ment. Shpinë e Judës kam me e pasë nën kujdes, po krejt kuajt e popujve kam me i goditë me verbni.
5 Edhe prijësit e Judës kanë me thanë me veti: ‚Unë jom i fortë falë banorëve t'Jerusalemit, falë Jehovait, Zotit t'ushtrive, Zotit t'tyne.‘
6 Atë ditë kam me i bo prijësit e Judës si nji enë me zjarr n'mes t'druve, edhe si nji pishtar me zjarr n'mes t'nji rreshti drithi t'sapo korrun. Ata kanë me i djegë krejt popujt përreth, si n'anën e majtë, si n'anën e djathtë, edhe Jerusalemi ka me u banu prapë n'vendin e vet, po, n'Jerusalem.
7 Jehova ka me i shpëtu së pari tendat e Judës, që madhështia e shpisë së Davidit edhe madhështia e banorëve t'Jerusalemit mos me qenë shumë ma e madhe se ajo e Judës.
8 Atë ditë Jehova ka me i mbrojtë banorët e Jerusalemit pi çdo ane. Atë ditë, edhe ma i dobëti mes tyne ka me qenë si Davidi, e shpia e Davidit ka me qenë si Zoti, si engjëlli i Jehovait që ecë para tyne.
9 Atë ditë kam me i zhdukë pa tjetër krejt popujt që vijnë me sulmu Jerusalemin.
10 Mbi shpinë e Davidit edhe mbi banorët e Jerusalemit kam me e derdhë frymën e mirësisë edhe t'lutjeve me përgjërim. Ata kanë me e kqyrë atë që e kanë shpu, edhe kanë me vajtu për to, qashtu si vajton njeri për djalin e vetëm. Kanë me u pikëllu fort për to, qashtu si pikëllohet njeri për djalin e parëlindun.
11 Atë ditë vajtimi n'Jerusalem ka me qenë aq i madh, sa vajtimi te Hadad-Rimoni n'fushën e Megidos.
12 Edhe krejt vendi ka me vajtu, secila familje veçmas: familja e shpisë së Davidit veçmas, e gratë e tyne veçmas, familja e shpisë së Natanit veçmas, e gratë e tyne veçmas,
13 familja e shpisë së Levit veçmas, e gratë e tyne veçmas, familja e shimeitëve veçmas, e gratë e tyne veçmas,
14 edhe krejt familjet tjera, secila familje veçmas, e gratë e tyne veçmas.