Eksodi 11
1 Pastaj Jehovai i tha Moisiut: „Edhe nji murtajë kom me ia pru faraonit edhe Egjiptit. Mas kësaj, aj ka me ju lëshu me shku pi këtu. E kur t’ju lëshojë, ka me ju përzanë krejt pi këtu.
2 Tash thuji popullit që secili burrë edhe secila grue me lyp pi fqinjëve të vet sende të argjendit edhe të arit.“
3 Jehovai ka ba që egjiptianët me e pa me sy të mirë popullin. Edhe Moisiu u konë shumë i nderum në Egjipt, si te shërbëtorët e faraonit, ashtu edhe te populli.
4 Pastaj Moisiu i tha faraonit: „Jehovai ka thanë kështu: ‘Rreth mesnatës kom me kalu nëpër mes të Egjiptit,
5 edhe krejt të parëlindunit në Egjipt kanë me vdekë: pi të parëlindunit të faraonit, që rrin në fronin e vet, e deri te i parëlinduni i skllaves që punon te mullini i dorës. Kanë me vdekë edhe krejt të parëlindunit e bagëtisë.
6 Në krejt Egjiptin ka me pasë britma e vajtime shumë të mëdhaja, qysh s’janë ni kurrë ma përpara, e as kanë me u ni ma najherë.
7 Po izraelitëve as nji qen s’ka me ju lehë, as njerëzve e as bagëtisë së tyne, që ju me e ditë se Jehovai munet me ba dallim mes egjiptianëve edhe izraelitëve.’
8 Edhe krejt shërbëtorët e tu kanë me zhdryp te unë, kanë me u përkulë para meje edhe kanë me thanë: ‘Shko, ti edhe krejt populli që të vjen mbrapa.’ Masanej kom me u largu!“ Mas këtyne fjalëve, Moisiu ka dalë pi faraoni shumë i zemrum.
9 Pastaj Jehovai i tha Moisiut: „Faraoni s’ka me ju ngu, që në Egjipt me u ba edhe ma shumë mrekulli të mia.“
10 Moisiu edhe Aaroni i kanë ba krejt këto mrekulli para faraonit. Po Jehovai e ka lanë zemrën e faraonit me u ngurtësu, e aj s’i ka lëshu izraelitët me shku pi vendit të vet.