Ezekiel 19
1 «Këndo nji kangë vajtimi për prijësit e Izraelit
2 edhe thuaj: ‘Qka u konë nana jote? Nji luaneshë
mes luanëve. Ajo u shtri mes luanëve t'ri
e t'fortë edhe i ka rritë këlyshët e vet.
3 Ajo e ka rritë njanin pi këlyshëve t'vet, edhe aj u
ba nji luan i ri e i fortë. Aj ka mësu
me e shqy prenë, edhe i ka përbi bile edhe njerëzit.
4 Popujt kanë ni për të edhe e kanë zanë n'gropën
e tyne, edhe e kanë çu me grepa n'Egjipt.
5 Luanesha ka pritë, po n'fund e ka kuptu që s'kish ma shpresë që aj me u kthy.
Kështu e ka marrë nji këlysh tjetër t'vetin edhe e ka rritë me u ba nji luan i ri e i fortë.
6 Edhe aj ka lëvizë mes luanëve edhe u ba nji luan i ri e i fortë.
Ka mësu me e shqy prenë, edhe i ka përbi bile edhe njerëzit.
7 Aj ka bredhë mes kullave mbrojtëse edhe i ka shkretu qytetet,
sa që vendi i braktisun u mbush me ulërimën e tij.
8 Popujt pi krahinave përreth kanë ardhë kundër tij për me
ia hedhë rrjetën, edhe e kanë zanë n'gropën e tyne.
9 Me grepa e kanë tërhekë n'nji kafaz edhe e kanë çu te mbreti i Babilonisë.
Aty e kanë mbyllë, që mos me iu ni ma zani n'malet e Izraelit.
10 Nana jote u konë si nji hardhi rrushi n'gjakun tan, e mbjellun afër ujit.
Ajo ka dhanë fryte edhe u konë plot me degë, se ka pasë ujë boll.
11 Ajo ka nxjerrë degë t'forta, që u përshtatshin për shkopinj
t'sundimtarëve. U rrit edhe u ngrit mbi pemët tjera, edhe ka
ra n'sy për shkak t'lartësisë së saj edhe gjetheve t'dendura.
12 Po n'zemërim e kanë shkulë edhe e kanë gjujtë për toke,
edhe era e lindjes ia ka tha frytet. Degët e
saj t'forta janë këputë, janë tha edhe zjarri i ka përbi.
13 Tash asht e mbjellun n'shkretinë, n'nji vend pa
ujë, që asht i etun për ujë.
14 Zjarri u përhap pi degëve t'saj edhe i ka përbi lastarët e ri
edhe frytet, edhe s'ka mbetë asnji degë e fortë, asnji shkop për me
sundu. Kjo asht nji kangë vajtimi, edhe ka me shërby si kangë vajtimi.’»