Isaia 27
1 Atë ditë Jehovai, me shpatën e vet të madhe, të
fortë e që s’fal, ka me u marrë me
Leviatanin, gjarpnin që rrëshqet, po, me Leviatanin, gjarpnin që përdridhet,
edhe ka me e vra përbindëshin që asht n’det.
2 Atë ditë këndoni nji kangë për qat grue:
“O vneshtë plot me venë që shkumon!
3 Unë, Jehovai, po e ruj atë.
Pa nalë po e ujiti. Ditë
e natë po e ruj, që
mos me i bo kush dam.
4 Unë s’kom zemrim mrena vetes.
Kush ka me m’dalë përballë n’luftë me therra e bar t’keq?
Unë kom me i shkelë edhe kom me ua kallë zjarrin krejtve.
5 Përndryshe, le të lypë mbrojtje te fortesa jeme.
Le të bon paqe me mu.
Po, le të bon paqe me mu.”
6 N’ditët që po vijnë, Jakobi ka me lshu rrajë,
Izraeli ka me çelë lule edhe ka me mbijë,
edhe ata kanë me e mbushë vendin me fryte.
7 A duhet me e goditë atë aq fort sa e ka goditë aj që e godet?
A duhet me e vra, ashtu qysh jonë vra ata që i ka vra aj?
8 Me nji britmë që shtin tutë, ti ke me u grindë me të kur e përzë.
Ditën kur fryn era e lindjes, aj ka me e përzënë me frymën e vet të furishme.
9 Kështu ka me u falë faji i Jakobit, edhe
ky ka me konë rezultati kur t’i hiqet gjynahi:
Aj ka me i bo krejt gurët e altarit
si gurë gëlqereje të grimcum, edhe s’ka me mbetë
asnji shtyllë e shenjtë e asnji mbajtëse e temjanit.
10 Se qyteti me mure t’forta ka me mbetë pa njerz.
Vendi ku kullosin bagëtitë ka me mbetë i vetmum edhe
i braktisun si shkretinë. Aty viçi ka me kullotë
edhe ka me pushu, edhe ka me ia hangër degët.
11 Kur degët e saj kanë me u tha, gratë
kanë me ardhë me i thy edhe me kallë
zjarr me to. Se ky popull s’ka mend. Për
qata, atij që e ka kriju s’ka me i
ardhë gjynah për ta, edhe aj që e ka
formu s’ka me u tregu i butë me ta.
12 Atë ditë Jehovai ka me e shkundë të korrën pi Eufratit që ushton deri te përroi i Egjiptit, edhe ju, o popull i Izraelit, kanë me ju mbledhë nji ka nji.
13 Atë ditë kanë me i fry nji borie të madhe. Ata që po shuhen n’vendin e Asirisë edhe ata që jonë shpërnda n’vendin e Egjiptit, kanë me ardhë edhe kanë me u përkulë para Jehovait n’malin e shenjtë n’Jerusalem.