Ezekiel 30
1 Prapë më erdh nji mesazh pi Jehovait. Thojke kështu:
2 „O bir i njeriut, profetizo edhe thuaj: ‚Kështu thotë Zotnia Jehova,
Sundimtari i krejtve: „Vajtoni edhe thoni: ‚Medet, dita po vjen!‘
3 Po, dita asht afër, dita e Jehovait asht afër.
Ka me konë nji ditë plot me re, koha e caktume për popujt.
4 Nji shpatë ka me ardhë kundër Egjiptit, edhe Etiopinë ka me e kap paniku kur n'Egjipt kanë me mbetë të vramët.
Pasunia e Egjiptit ka me iu marrë, edhe themelet e tij kanë me iu rrëzu.
5 Etiopia, Puti, Ludi edhe krejt grupet e ndryshme
të popujve, bashkë me Kubin edhe bijtë e vendit
të besëlidhjes, krejt kanë me ra pi shpatës.“‘
6 Kështu thotë Jehovai: ‚Edhe ata që e përkrahin Egjiptin kanë
me ra, edhe fuqia e tij krenare ka me u rrëzu
përtokë.‘ ‚Pi Migdoli deri n'Siene, njerzit e atij vendi kanë
me ra pi shpatës‘, thotë Zotnia Jehova, Sundimtari i krejtve.
7 ‚Këto vende kanë me u bo ma të shkretat pi krejt vendeve, edhe qytetet e tij kanë me u bo ma të shkatërrumet pi krejt qyteteve.
8 Edhe ata kanë me e kuptu që unë jom Jehova, kur kom me e ndezë nji zjarr n'Egjipt edhe krejt ata që jonë n'anën e tij kanë me u shkatërru.
9 Atë ditë kom me çu lajmëtarë me anije, që Etiopia, që po ndihet aq e sigurt, me u dridhë pi frikës. Ditën kur fatkeqësia ka me ardhë mbi Egjiptin, edhe Etiopinë ka me e kap paniku, se ajo ditë ka me ardhë pa tjetër.‘
10 Kështu thotë Zotnia Jehova, Sundimtari i krejtve: ‚Unë kom me i dhanë fund kallabllakut të njerzve të Egjiptit, përmes dorës së mbretit Nabukadnezar të Babilonisë.
11 Aj edhe ushtarët e tij, ma të pamëshirshmit pi krejt popujve, kanë me u sjellë aty për me e shkatërru vendin. Ata kanë me i nxjerr shpatat kundër Egjiptit edhe kanë me e mbushë vendin me të vramë.
12 Unë kom me i bo kanalet e Nilit tokë të thatë edhe kom me ia shitë vendin n'duer të njerzve të këqij. Përmes dorës së të hujve, kom me e bo shkretinë vendin edhe krejt qka ka n' të. Unë vet, Jehovai, kom folë.‘
13 Kështu thotë Zotnia Jehova, Sundimtari i krejtve: ‚Unë kom me i shkatërru edhe idhujt e neveritshëm, edhe kom me i zhdukë zotat që s'vlejnë kurgjo pi Nofi. S'ka me dalë ma kurrfarë sundimtari pi Egjiptit, edhe unë kom me përhapë frikë n'Egjipt.
14 Patrosin kom me e bo shkretinë, n'Zoan kom me e ndezë nji zjarr, edhe n'No kom me e zbatu dënimin.
15 Kom me e derdh zemërimin tem përmbi Sinin, fortesën e Egjiptit, edhe kom me i shkatërru banorët e Nos.
16 Kom me e ndezë nji zjarr n'Egjipt. Sinin ka me e kap tmerri, No ka me u sulmu e me u marrë me forcë, edhe Nofi ka me u sulmu n'mes të ditës.
17 Djelmoshat e Onit edhe të Pi-Besetit kanë me ra pi shpatës, edhe qytetet kanë me shku n'robni.
18 N'Tehafnehes dita ka me u errësu, kur unë kom me i thy aty shufrat e zgjedhës së Egjiptit. Fuqia e tij krenare ka me marrë fund, retë kanë me e mbulu, edhe qytetet e tij kanë me shku n'robni.
19 Unë kom me e zbatu dënimin kundër Egjiptit, edhe ata kanë me e kuptu që unë jom Jehova.‘“
20 N'vitin e njimbëdhjetë, ditën e shtatë të mujit të parë, më erdh nji mesazh pi Jehovait. Thojke kështu:
21 „O bir i njeriut, unë ia kom thy krahun faraonit, mbretit të Egjiptit. Krahu s'ka me iu lidhë me fashë për me u shëru, as s'ka me iu vnu nji mbajtëse për me u forcu aq sa me mujtë me e nxjerr shpatën.“
22 „Për qata, kështu thotë Zotnia Jehova, Sundimtari i krejtve: ‚Unë jom kundër faraonit, mbretit të Egjiptit, edhe kom me ia thy të dy krahët, edhe atë që e ka të fortë, edhe atë që e ka të thymë. Edhe kom me bo që shpata me i ra pi dorës.
23 Masanej kom me i shpërnda egjiptianët mes popujve edhe nëpër vende të ndryshme.
24 Unë kom me ia forcu krahët mbretit të Babilonisë edhe kom me ia vnu shpatën teme n'dorë. E faraonit kom me ia thy krahët, edhe aj ka me rënku me za të naltë para tij, si nji njeri që po vdes.
25 Kom me ia forcu krahët mbretit të Babilonisë, po krahët e faraonit kanë me iu lëshu poshtë, pa fuqi. Edhe ata kanë me e kuptu që unë jom Jehova, kur kom me ia vnu shpatën teme n'dorë mbretit të Babilonisë, edhe aj ka me e përdorë kundër Egjiptit.
26 Edhe unë kom me i shpërnda egjiptianët mes popujve edhe nëpër vende të ndryshme, edhe ata kanë me e kuptu që unë jom Jehova.‘“