Isaia 32
1 Kqyrni!
Nji mbret ka me sundu me drejtësi, edhe princat kanë me sundu e kanë me u kujdesë që me pasë drejtësi.
2 Secili pi tyne ka me konë si nji vend i sigurt
ku strehohesh pi furtunës, si nji vend që të mbron pi shiut
të rrëmbyshëm, si përrenjtë e ujit n'nji vend ku s'ka ujë,
si hija e nji shkambi të madh n'nji vend të thatë.
3 Atëherë sytë e atyne që shohin s'kanë me u mshelë ma,
edhe veshët e atyne që nigjojnë kanë me ngu me kujdes.
4 Ata që nguten pa mendu kanë me u thellu në dije, edhe
ata që mezi i nxjerrin fjalët kanë me folë rrjedhshëm e qartë.
5 Njeriu pa mend s'ka me u thirrë ma dorëgjanë, edhe
njeriu pa parime s'ka me u thirrë ma fisnik.
6 Se njeriu pa mend ka me folë budallallëqe, edhe
n'zemër ka me bo plane të këqija, me e
përhapë largimin pi Zotit edhe me folë kryefortë kundër Jehovait,
me e lanë të untin pa kurgjo edhe mos
me i dhanë me pi atij që ka etje.
7 Mënyrat e njeriut pa parime jonë të
këqija. Aj i nxit punët e paturpshme, me
i shkatërru të dobëtit me rrena, edhe
kur i varfni e thotë të drejtën.
8 Po njeriu dorëgjanë ka qëllime të mira e bujare, edhe s'heq
dorë pi punëve të mira që don me i bo.
9 “Ju gra që rrini rahat e të kënaquna me veten, çohuni edhe nigjone zanin tem!
Ju bija që rrini pa merak, jepni vesh fjalëve të mia!
10 Edhe pak ma shumë se nji vit, ju që rrini pa merak keni me u dridhë
pi tutës, se vjelja e rrushit ka me mbaru, po s'ka me u vjelë kurrfarë rrushi.
11 Dridhuni, ju gra që rrini rahat e
të kënaquna me veten! Dridhuni pi tutës,
ju që rrini pa merak! Hiqni
teshat edhe lidhni pëlhurë thesi rreth belit.
12 Rrehni gjoksin pi pikëllimit për arat e mira që i
keni dashtë edhe për hardhitë që japin shumë fryt.
13 Se toka e popullit tem ka me u mbulu me
therra e shkurre me gjemba. Ato kanë me i mbulu krejt
shpitë ku ka pasë gëzim, po, edhe qytetin e gëzushëm.
14 Se kulla e mbrojtjes u braktis, qyteti plot
zhurmë u lanë shkretë. Ofeli edhe kulla
e rojës jonë bo shkretinë që ka me
mbetë ashtu, nji vend ku knaqen gomarët
e egër, nji kullotë për tufat e bagëtive,
15 deri sa fryma pi nalt ka me u derdhë përmbi
neve, edhe shkretina ka me u bo nji kopsht me pemë,
e kopshti me pemë ka me u kqyrë si pyll.
16 Atëherë n'shkretinë ka me pasë drejtësi, edhe
n'kopshtin me pemë ka me mbizotëru drejtësia.
17 Drejtësia e vërtetë ka me pru paqe, edhe fryti i drejtësisë
së vërtetë ka me konë qetësi e siguri që zgjasin.
18 Populli jem ka me jetu n'nji vend me paqe, n'shpija
të sigurta edhe n'vende të qeta ku s'i trazon kush.
19 Po breshni ka me e rrafshu pyllin, edhe
qyteti ka me u rrafshu me tokë.
20 Lum ju që mbillni farë pranë krejt ujërave, edhe
që i lëshoni demin edhe gomarin me shku.”