Psalmi 37
א (Aleph)
1 Mos u nxeh me njerëzit e këqij, edhe mos
i ki lakmi ata që bojnë punë t'këqija.
2 Se ata kanë me u tha shpejt si bari, kanë
me u vyshkë si bari i gjelbër e i freskët.
ב (Bet)
3 Ki besim te Jehova edhe bo mirë.
Jeto n' tokë edhe rri besnik.
4 Gjeje gëzimin ma t'madh te Jehova, edhe aj
ka me t'i plotësu dëshirat e zemrës tane.
ג (Gimel)
5 Besojja rrugën tane Jehovait.
Ki besim tek aj, edhe aj ka me vepru për ty.
6 Aj ka me bo që punët e tua t'drejta me shkëlqy
si drita e mëngjesit, e drejtësia jote si dielli n'mesditë.
ד (Dalet)
7 Rri i qetë para Jehovait, edhe
prite me durim. Mos u
nxeh me dikon që ka sukses
me planet e veta dinake.
ה (He)
8 Lëre hidhërimin edhe hiq dorë pi zemërimit.
Mos u nxeh e mos nis me bo keq.
9 Se njerëzit e këqij kanë me u zhdukë, po ata që
shpresojnë te Jehova kanë me e marrë tokën për veti.
ו (Waw)
10 Edhe pak kohë, e t'këqijtë s'kanë me qenë
ma. Ke me kqyrë te vendi ku
jonë konë, po s'kanë me qenë ma aty.
11 Po njerëzit e butë kanë me e marrë tokën për veti, edhe kanë
me u gëzu fort për paqen e madhe që kanë me pasë.
ז (Zajin)
12 Njeriu i keq bon plane kundër t'drejtit.
Aj i kërcet dhomtë kundër tij.
13 Po dita e tij ka me ardh.
Jehova e din këtë edhe qesh me të.
ח (Chet)
14 T'këqijtë i nxjerrin shpatat edhe i tendosin harqet, për
me i rrëzu ata që jonë t'shtypun edhe t'varfën,
për me i vra ata që ecin n'rrugë t'drejtë.
15 Po shpata e tyne ka me ua shpu zemrën atyne vetë.
Harqet e tyne kanë me u thy.
ט (Tet)
16 Ma mirë asht ajo pak që e ka njeriu
i drejtë, se krejt pasunia e shumë njerëzve t'këqij.
17 Se krahët e t'këqijve kanë me u thy,
po Jehova ka me i mbajt t'drejtit.
י (Jod)
18 Jehova e din qka po kalojnë ata që s'kanë
faj, e trashëgimia e tyne ka me mbetë përgjithmonë.
19 Kur t'vjen koha e fatkeqësisë, s'kanë me mbetë t'turpnum.
Kur t'ketë uri, kanë me pasë ma shumë se boll.
כ (Kaf)
20 Po t'këqijtë kanë me u zhdukë.
Armiqtë e Jehovait kanë me u zhdukë si kullotat e bukura.
Kanë me u tretë si tymi.
ל (Lamed)
21 Njeriu i keq merr hua edhe s'e kthen, po
i drejti asht dorëlirë edhe jep me zemër.
22 Ata që Zoti i ka beku kanë me e marrë tokën për
veti, po ata që aj i ka mallku kanë me u zhdukë.
מ (Mem)
23 Jehova ia drejton hapat njeriut, kur
i pëlqen rruga e tij.
24 Edhe nëse rrëzohet, s'ka me u përplasë për
toke, se Jehova e mban fort për dore.
נ (Nun)
25 Dikur jom konë i ri, tash jom plak,
po kurrë s'e kom pa nji njeri t'drejtë
t'braktisun, as fëmijët e tij tu lypë bukë.
26 Aj gjithmonë u jep hua tjerëve me zemër t'madhe,
edhe fëmijët e tij kanë me pasë bekime.
ס (Samech)
27 Largohu pi t'keqes edhe bo mirë,
edhe ke me mbetë përgjithmonë.
28 Se Jehova e don drejtësinë, edhe s'ka me
i lanë n'baltë ata që i rrinë
ע (Ajin)
besnikë. Ata kanë me qenë gjithmonë t'mbrojtun, po
pasardhësit e t'këqijve kanë me u zhdukë.
29 T'drejtit kanë me e marrë tokën për veti,
edhe kanë me jetu n' të përgjithmonë.
פ (Pe)
30 Goja e njeriut t'drejtë flet fjalë t'mençme,
edhe gjuha e tij flet për drejtësinë.
31 Ligjin e Zotit t'vet e ka n'zemër.
Hapat e tij s'kanë me u lëkundë.
צ (Zade)
32 Njeriu i keq e përcjell t'drejtin, se
ka ndërmend me ja marrë jetën.
33 Po Jehova s'ka me e lanë me ra n'dorë
t'tij, as s'ka me e shpallë fajtor n'gjyq.
ק (Kof)
34 Shpreso te Jehova edhe ndiqe rrugën e tij, atëherë aj
ka me t'lartësu edhe ka me ta dhanë tokën
për veti. Kur t'zhduken t'këqijtë, ti ke me e pa.
ר (Resch)
35 E kom pa njeriun e keq që s'ka pasë pikë ndërgjegjeje, tu u
përhapë si nji dru i bukur e i madh n'vendin e vet.
36 Po papritmas aj u zhduk pa lanë gjurmë.
E kom kërku pa nalë, po s'e kom gjet kërkah.
ש (Schin)
37 Kqyre mirë atë që jeton pa faj,
edhe mbaje n'sy njeriun e drejtë, se atë
e pret nji e ardhme me paqe.
38 Po ata që e shkelin ligjin kanë me
u shkatërru, e t'këqijtë s'kanë kurrfarë t'ardhme.
ת (Taw)
39 Shpëtimi i t'drejtëve vjen pi Jehovait.
Aj asht kalaja e tyne n'kohë t'hallit.
40 Jehova ka me ju ndihmu edhe ka me i
çliru. Aj ka me i çliru pi t'këqijve edhe ka
me i shpëtu, se ata kërkojnë mbrojtje tek aj.