Isaia 55
1 Hajdeni, krejt ju që jeni t’etun, hajdeni te uji!
Ju që s’keni pare, hajdeni, bleni e hani!
Po, hajdeni, bleni venë e tamël pa pare e pa pagu kurgjo.
2 Pse po harxhoni pare gjithë kohën për diçka që s’asht bukë,
e pse po i harxhoni paret që i fitoni për diçka
që s’ju ngin? M’ngoni mirë e hani gjana t’mira, e
keni me u knaq fort me ushqim që ju ngin përnjëmend.
3 Ktheni veshin kah unë e hajdeni te unë.
Ngoni, e keni me mbet gjallë, e unë me
qef kam me lidh nji besëlidhje t’amshume me
ju, sipas dëshmive t’sigurta t’dashnisë besnike ndaj Davidit.
4 Shihni!
Unë e kom ba atë dëshmitar për popujt, udhëheqës e komandant për popujt.
5 Ti ke me thirr nji popull që s’e njeh, e njerëz pi nji populli që s’të kanë njoft kanë
me vrapu te ti, për shkak t’Jehovait, Zotit tand, t’Shenjtit t’Izraelit, se aj ka me të dhanë lavdi.
6 Kërkojeni Jehovain derisa mundeni me e gjet.
Thirreni derisa asht afër.
7 Njeriu i lig le ta lanë rrugën e vet, e
njeriu i keq le t’i lanë mendimet e veta. Le t’kthehet
te Jehovai, që ka me pasë dhimt për të, te
Zoti jonë, se aj ka me ia falë pa kursim.
8 “Se mendimet e mia s’jonë mendimet tuja, e
rrugët tuja s’jonë rrugët e mia”, thotë Jehovai.
9 “Po qysh qielli asht ma nalt se toka, qashtu
edhe rrugët e mia jonë ma t’nalta se rrugët tuja,
e mendimet e mia ma t’nalta se mendimet tuja.
10 Qysh shiu e bora bijnë pi qiellit e s’kthehen atje pa
e lagë tokën, që ajo me dhanë fryt e me mbijë
gjithçka, që bujku me pasë farë e njerëzit bukë me hangër,
11 qashtu ka me qenë edhe me fjalët e mia që dalin pi gojës
tem. Ato s’kanë me u kthy te unë pa e kry punën
e vet, po kanë me e kry patjetër krejt qka m’pëlqen mu, e
kanë me pasë sukses me krejt qka ua kom ngarku me ba.
12 Se ju keni me u nisë me gëzim, e
kanë me ju kthy n’paqe. Malet e kodrat kanë me
u gëzu para jush e kanë me brohoritë, e
krejt drunjtë e fushës kanë me i rreh duert.
13 N’vend t’shkurreve me gjemba ka me u rritë dëllinja, e
n’vend t’hithrave ka me u rritë mërsina. Kjo ka
me i sjellë lavdi Jehovait, e ka me qenë nji
shenjë e amshume që s’ka me u zhdukë kurrë.”