Isaia 56
1 Kështu thotë Jehovai: “Mbajeni drejtësinë edhe boni
qka asht e drejtë. Se së
shpejti ka me ardh shpëtimi jem edhe
drejtësia jeme ka me u kallxu.
2 Lum aj njeri që vepron qashtu, aj
njeri që i përmbahet kësaj, që e mban
sabatin edhe nuk e përdhos, edhe që
e run dorën pi çdo të keqe.
3 I huji që lidhet me Jehovain, mos të thotë:
‘Jehovai sigurt ka me m'nda pi popullit të vet.’ Edhe eunuku mos të thotë:
‘Unë jom nji dru i thamë.’”
4 Se kështu thotë Jehovai: “Eunukëve që i mbajnë sabatet e mia, që zgjedhin me bo qka m'pëlqen mu edhe që i përmbahen besëlidhjes teme,
5 kom me ju dhonë n'shpinë teme edhe mrena mureve të
mia nji shenjë përkujtimi edhe nji emën, diçka ma të mirë
se djem e çika. Kom me ju dhonë nji emën
të amshum, nji emën që s'ka me u zhduk kurrë.
6 Edhe të hujt që lidhen me Jehovain për
me i shërby atij, për me e dasht emnin
e Jehovait edhe për me konë shërbëtorë të
tij, krejt ata që e mbajnë sabatin edhe nuk
e përdhosin, edhe që i përmbahen besëlidhjes teme,
7 edhe ata kom me i pru n'malin tem të shenjtë edhe kom
me ju dhonë gëzim n'shpinë teme të lutjes. Kurbanet e tyne që digjen
krejt edhe kurbanet tjera kanë me u pranu mbi altarin tem. Se
shpija jeme ka me u thirrë shpi e lutjes për krejt popujt.”
8 Zotnia Jehova, Sunduesi i krejtve, që po i mbledh izraelitët e shpërndamë, thotë:
“Përveç atyne që veç i kom mbledh, kom me mbledh edhe të tjerë bashkë me ta.”
9 Ju krejt kafshët e egra të fushës, hajdeni
me hangër, edhe ju krejt kafshët e pyllit.
10 Rojat jonë të qorrueme, asnjani pi tyne s'e ka vërejtë kurgjo.
Krejt jonë si qenë të pagojë, që s'munden me lehë. Marrin
frymë me zor edhe rrinë shtritë. Kanë qef veç me kotë.
11 Jonë si qenë me uri të
madhe, që kurrë s'ngihen. Jonë si çobanë
që s'kuptojnë kurgjo. Krejt shkojnë rrugës
së vet, secili veç po don me
u pasunu me hile, edhe thotë:
12 “Hajdeni, po shkoj me marrë venë, e po pimë
pije të forta deri sa s'mujmë ma. Edhe nesër
ka me konë si sot, veç shumë ma mirë!”