Isaia 58
1 “Thirr me sa ki za, mos u
nal! Ngrite zanin si boria. Tregoja popullit
tem qysh u kanë çu kundër meje,
e shpisë së Jakovit gjynahet e veta.
2 Ata po m’kërkojnë ditë për ditë e po
gëzohen që i njohin rrugët e mia, thu se
jonë nji popull që ka vepru drejt e
që s’e ka lanë drejtësinë e Zotit t’vet.
Ata po m’lypin vendime t’drejta, thu se po ju
pëlqen me kërku me u afru te Zoti:
3 ‘Pse s’po e sheh kur po agjërojmë? Pse s’po
e vëren kur po e mundojmë veten?’ Se ditën
kur agjëroni, ju veç interesat e juja po
i kqyrni e po i shtypni punëtorët e juaj.
4 Agjërimi juaj po përfundon me fjalosje e grindje, e ju po
mshoni me grushta pi ligësisë. S’mundeni me agjëru qysh po agjëroni
sot e me pritë që zani juaj me u ni n’qiell.
5 A asht ky agjërimi që m’pëlqen mu:
nji ditë kur njeriu e mundon veten, e
ul kryt si kallami e shtrihet mbi
thes e hi? A po e quni këtë
agjërim e ditë që i pëlqen Jehovait?
6 Jo, agjërimi që m’pëlqen mu asht ky:
me i hek prangat e ligësisë,
me i zgjidh rripat e zgjedhës, me
i lshu t’lirë ata që jonë
t’shtypun e me e thy çdo zgjedhë.
7 Me e nda bukën tane me atë që asht i untë,
me i marrë n’shpinë tane t’vorfnit e ata që s’kanë strehë,
kur e sheh dikon pa tesha, me i dhanë diçka me
veshë, e mos me ia kthy shpinën mishit e gjakut tand.
8 Atëherë drita jote ka me shkëlqy si agimi, e
ti ki me u shnoshë sa çel e mshel
sytë. Drejtësia jote ka me ecë para teje, e
lavdia e Jehovait ka me të ruajtë pi mbrapa.
9 Atëherë ti ki me thirrë e Jehovai ka me t’u përgjigjë.
Ki me bërtitë për ndihmë e aj ka me thanë: ‘Qe
ku jom!’ Nëse e hek zgjedhën pi mesit tand e nalësh
me drejtu gishtin kah tjerët e me fol keq për ta,
10 nëse ia jep t’untit atë që edhe vetë e
dëshiron, e i ngin ata që jonë n’hall,
atëherë drita jote ka me shkëlqy edhe n’errësinë, e
terri yt ka me u ba si mesdita.
11 Jehovai ka me t’udhëheqë gjithmonë e ka me
të ngi edhe n’nji vend t’thatë. Aj ka
me t’i dhanë fuqi gjymtyrëve tua, e ti
ki me u ba si nji kopsht që
ujitet mirë, si nji burim që s’shterret kurrë.
12 Falë teje kanë me i ndërtu prapë rrënojat e vjetra,
e ti ki me i ndreqë themelet e brezave t’kalum.
Kanë me të qujtë aj që i ndreq muret
e çame, aj që i ndreq rrugët ku banojnë njerëzit.
13 Nëse për shkak t’Sabatit nuk i ndjek interesat e tua n’ditën teme t’shejtë, e Sabatin e
quen gëzimin ma t’madh, nji ditë t’shejtë t’Jehovait, nji ditë që duhet me e nderu, e ti
e nderon atë, n’vend se me i ndjek interesat e tua e me fol fjalë t’kota,
14 atëherë gëzimin ma t’madh ki me e gjet te Jehovai, e
unë kam me të ba me kalu fitimtar mbi vendet
ma t’nalta t’tokës. Kam me të lanë me hangër pi trashëgimisë
së Jakovit, paraardhësit tand, se goja e Jehovait ka folë.”