Kangë t'shejta 69
1 M’pshto, o Zot, se uji po ma rrezikon jetën.
2 Po fundosem në lloç të thellë, ku s’ka tokë
të fortë. Kom ra në ujna të thella edhe
rrjedha e fortë e ujit m’ka marrë me veti.
3 Jom lodh tu bërtitë, fyti m’u
ka ngjirë. Tu e prit
Zotin tem, m’u kanë lodh sytë.
4 Ata që m’urrejnë pa kurrfarë arsyeje, jonë
ma shumë se flokët në kry tem.
Ata që dojnë me m’zhduk, armiqtë
e mi tradhtarë, jonë bo shumë. M’kanë
detyru me kthy qka s’e kom vjedh.
5 O Zot, ti e din marrëzinë teme, edhe
faji jem s’asht i msheft për ty.
6 Ata që shpresojnë te ti, mos u marrofshin për
shkakun tem, o Zotni Sovran, o Jehova, Zot
i ushtrive! Ata që të lypin ty, mos u
poshtërofshin për shkakun tem, o Zot i Izraelit!
7 Për hatrin tand po duroj marre.
Ftyra jem asht mbulu me poshtnim.
8 Për vllaznit e mi jom bo si i huj, si
i ardhun pi vendit tjetër për djemtë e nanës teme.
9 Zelli i madh për shpinë tande m’ka tretë, edhe ofendimet
e atyne që të ofendojnë ty, m’kanë ra mu.
10 Kur e kom përul veten me
agjërim, më kanë fy për qata.
11 Kur e kom vesh thesin si teshë,
jom bo për hajgare te ata.
12 Ata që rrinë te dera e qytetit flasin
për mu, e pijanecët bojnë kangë për mu.
13 Po le të mrrijë lutja jem te ti, o Jehova, në kohën
kur ti e pranon. Për shkak të dashnisë tande besnike e të
madhe, o Zot, m’u përgjigj me veprat tua që pa dyshim m’pshtojnë.
14 M’nxirr pi lloçit. Mos m’le
me u fundosë. M’pshto
pi atyne që m’urrejnë, m’nxirr
pi ujit të thellë.
15 Mos lejo që rrjedha e fortë e ujit me
m’marrë me veti, as thellësia me m’përpi, as
pusi me e mshelë gojën e vet përmbi mu.
16 M’u përgjigj, o Jehova, se dashnia jote besnike asht e mirë.
Për dhimtën tande të madhe, kthehu kah unë
17 edhe mos e mshef ftyrën tande pi shërbëtorit tand.
M’u përgjigj shpejt, se jom në zor.
18 Afrohu te unë edhe m’liro.
M’pshto për shkak të armiqve të mi.
19 Ti i din krejt fjalët e kqija, marrën edhe poshtnimin që po i duroj.
Ti i sheh krejt kundërshtarët e mi.
20 Fjalët e kqija ma kanë thy zemrën, edhe plaga s’ka shërim. Kom
shpresu që dikush ka me pas dhimt për mu, po kot,
edhe kom prit që dikush ka me m’ngushllu, po s’kom gjetë kërkan.
21 Përkundrazi, m’kanë dhanë helm me hanger edhe kur
kom pas etje, m’kanë dhanë uthull me pi.
22 Sofra e tyne le t’u bohet kurth, edhe
pasunia e tyne le t’u bohet lak.
23 Le t’u terrësohen sytë që mos me pa kurgjo.
Edhe le t’u dridhen ijët pa u nalë.
24 Derdhe zemrimin tand mbi ta.
Le t’i godasë zemrimi yt i flaktë.
25 Le t’u mbetet kampi i shkretë.
Mos pastë kërkush që banon në çadrat e tyne.
26 Se ata po e ndjekin atë që ti e ke goditë, edhe po
i përmendin prapë e prapë dhimtët e atyne që ti i ke plagosë.
27 Shtoju edhe ma shumë faj mbi fajin që e kanë.
Mos lejo me pasë kurrfarë pjese në drejtësinë tande.
28 Le t’u fshihen emnat pi librit të jetës, e
mos t’u shkruhen emnat bashkë me të drejtët.
29 Po unë jom tu vujt edhe kom dhimt.
O Zot, fuqia jote që pshton le të m’rujë.
30 Kom me këndu kangë për me e nderu emnin e
Zotit edhe me falënderime kom me e madhnu Zotin.
31 Kjo ka me i pëlqy Jehovës ma shumë se nji dem,
ma shumë se nji dem i ri me brina e thundra.
32 Njerzit e butë kanë me e pa edhe kanë me u gëzu.
Ju që e lypni Zotin, zemra juaj le të marrë jetë.
33 Se Jehova i ngon të vorfnit, edhe s’ka
me e përbuz popullin e vet të burgosun.
34 Le ta lavdojnë qielli edhe toka, detet
edhe krejt qka lëviz mrena tyne.
35 Se Zoti ka me e pshtu Sionin edhe ka
me i ndërtu prapë qytetet e Judës. Njerzit kanë me
banu aty edhe kanë me i pasë për veti.
36 Pasardhësit e shërbëtorëve të tij kanë me e trashëgu, e ata
që e dojnë emnin e tij kanë me banu aty.