Kangë t'shejta 87
1 Themelet e qytetit të tij jonë mbi malet e shenjta.
2 Jehova i don portat e Sionit ma
shumë se krejt çadrat e Jakobit.
3 Për ty po thuhen fjalë të mrekullueshme, o qytet i Zotit të vërtetë. Sela
4 Rahabin edhe Babiloninë kom me i numru mes atyne që
më njohin. Këtu jonë Filistia edhe Tiri bashkë me Kushin. Ka
me u thanë: „Ky asht nji që ka lind aty.“
5 Edhe për Sionin ka me u thanë: „Secili prej
tyne ka lind aty.“ Edhe Më i Nalti
ka me e bo Sionin me qëndru i fortë.
6 Kur Jehova t'i shënojë popujt, ka me thanë:
„Ky asht nji që ka lind aty.“ Sela
7 Kangëtarët edhe ata që kërcejnë në valle kanë me thanë:
„Krejt burimet e mia burojnë te ti.“