Psalmi 108
1 Zemra jem asht e palëkundun, o Zot.
Kam me këndu e me bo muzikë me krejt veten tem.
2 Zgjohu, o vegël me tela, edhe ti, o harpë.
Kam me e zgju agimin.
3 Kam me të lavdu mes popujve, o Jehova.
Mes kombeve kam me këndu kangë për ty.
4 Se dashnia jote besnike asht shumë e madhe, e naltë
sa qielli, e besniknia jote mrrin deri te retë.
5 Qofsh i lartësu përmbi qiejt, o Zot.
Lavdia jote koftë mbi krejt tokën.
6 Na shpëto me dorën tande të djathtë edhe m'u përgjigj,
që ata që ti i don me u çliru.
7 Zoti ka folë në shenjtërinë e vet: „Kam me
brohoritë prej gëzimit, kam me e nda Sikemin si
trashëgimi, edhe kam me e matë luginën e Sukotit.
8 Gileadi asht i jemi, edhe Manasi asht i
jemi, e Efraimi asht përkrenarja për kryt
tem. Juda asht shkopi me të cilin komandoj.
9 Moabi asht legeni jem për me u la.
Mbi Edom kam me e gjujtë sandalen tem.
Mbi Filistinë kam me brohoritë prej fitores.“
10 Kush ka me m'çu te qyteti i fortifikuem?
Kush ka me m'prijë deri n'Edom?
11 A s'je ti, o Zot, edhe pse na ke hedhë
poshtë, o Zoti jonë, që s'del ma me ushtritë tona?
12 Na ndihmo në hallin tonë, se
shpëtimi pi njerëzit s'vlen kurgjo.
13 Me ndihmën e Zotit kemi me marrë fuqi,
e aj ka me i shkelë kundërshtarët tonë.