Libri i dytë i Musës 26
1 Tendën e shenjtë bane me dhjetë pëlhura t'tendës, t'punume me pe liri t'hollë e t'përdredhun, me pe t'kaltër, me lesh ngjyrë vjollcë t'kuqërremtë edhe me pe t'kuq t'errët. Në to kanë me qenë t'qëndisuna figura t'kerubinëve.
2 Secila pëlhurë ka me qenë 28 kubitë e gjatë e 4 kubitë e gjanë. Krejt pëlhurat kanë me pasë t'njejtën madhësi.
3 Lidhi nga pesë pëlhura bashkë n'nji rresht.
4 Në skaj t'pëlhurës t'fundit t'njanit rresht edhe në skaj t'pëlhurës së parë t'rreshtit tjetër, aty ku takohen, qiti sythe pi peje t'kaltër.
5 Në njanën pëlhurë kanë me qenë 50 sythe, edhe në skaj t'pëlhurës tjetër po ashtu 50 sythe, që kur t'i bashkosh pëlhurat, sythet me qenë përballë njani-tjetrit.
6 Bani 50 kapëse pi ari edhe lidhi pëlhurat me to, që tenda e shenjtë me u ba nji e vetme.
7 Bani pëlhura pi leshi i dhive për tendën që e mbulon tendën e shenjtë, gjithsej 11 pëlhura.
8 Secila pëlhurë ka me qenë 30 kubitë e gjatë e 4 kubitë e gjanë. Krejt 11 pëlhurat kanë me pasë t'njejtën madhësi.
9 Bashkoji pesë pi pëlhurave, e gjashtë tjerat bashkoji veç. Pëlhurën e gjashtë, që asht përpara tendës, palose mbrapsht.
10 Në skaj t'pëlhurës t'fundit t'njanit rresht edhe në skaj t'pëlhurës ngjit me të, n'rreshtin tjetër, qiti nga 50 sythe.
11 Bani 50 kapëse pi bakri, futi në sythe edhe bashkoje tendën, që me u ba nji e vetme.
12 Gjysma e pëlhurës që tepron ka me u varë mbrapa tendës së shenjtë.
13 Pëlhura që tepron në dy anët e gjata t'tendës së shenjtë ka me u lëshu poshtë nga nji kubit në secilën anë, për me i mbulu ato.
14 Pastaj bane për tendën nji mbulesë pi lëkurat e deshve t'ngjyrosuna t'kuqe, e përmbi të bane edhe nji mbulesë pi lëkurat e fokave.
15 Kornizat për tendën e shenjtë bani pi dru akacie, edhe ato kanë me nejt drejt.
16 Secila kornizë ka me qenë 10 kubitë e naltë e nji kubit e gjysë e gjanë.
17 Secila kornizë ka me i pasë dy kunja afër njani-tjetrit. Qashtu bani krejt kornizat e tendës së shenjtë.
18 Bani 20 korniza për anën jugore t'tendës së shenjtë.
19 Nën 20 kornizat kanë me ardhë 40 baza pi argjendi, ku futen kunjat: dy baza nën nji kornizë për dy kunjat e saj, edhe nga dy baza nën secilën kornizë tjetër për dy kunjat e veta.
20 Për anën tjetër t'tendës së shenjtë, anën veriore, bani edhe 20 korniza
21 edhe 40 baza pi argjendi: dy baza nën nji kornizë edhe nga dy baza nën secilën kornizë tjetër.
22 Për pjesën e mbrapme t'tendës së shenjtë, kah perëndimi, bani 6 korniza.
23 Mbrapa tendës së shenjtë, dy korniza tjera kanë me shërby si mbajtëse për dy këndet.
24 Secila ka me qenë pi dy pjesë që shkojnë pi poshtë deri nalt, e që bashkohen nalt te unaza e parë. Qashtu bani të dyja. Ato kanë me i formu dy mbajtëset e këndeve.
25 Gjithsej kanë me qenë 8 korniza edhe 16 baza pi argjendi: dy baza nën nji kornizë edhe nga dy baza nën secilën kornizë tjetër.
26 Bani shufra pi dru akacie: pesë shufra për kornizat në njanën anë t'tendës së shenjtë
27 edhe pesë shufra për kornizat në anën tjetër t'tendës së shenjtë, si edhe pesë shufra për kornizat mbrapa tendës së shenjtë, kah perëndimi.
28 Shufra që shkon në mes t'kornizave ka me kalu pi njanit skaj deri te tjetri.
29 Veshi kornizat edhe shufrat me ar, edhe bani unaza pi ari për me i mbajtë shufrat.
30 Tendën e shenjtë bane sipas planit që t'u kallxu n'mal.
31 Bane nji perde me pe t'kaltër, me lesh ngjyrë vjollcë t'kuqërremtë, me pe t'kuq t'errët edhe me pe liri t'hollë e t'përdredhun. Qëndise me figura t'kerubinëve.
32 Vare perden në katër shtylla pi dru akacie, t'veshuna me ar, që i kanë grepat pi ari. Shtyllat kanë me nejt mbi katër baza pi argjendi, ku futen shtyllat.
33 Perden lidhe nën kapëset, edhe sandukun me pllakat e ligjit çoje mbrapa perdes. Perdja ka me e nda për ju vendin e shenjtë pi vendit ma t'shenjtë.
34 Vnoje kapakun mbi sandukun me pllakat e ligjit, në vendin ma t'shenjtë.
35 Tavolinën vnoje në hapësinën para perdes, në anën veriore t'tendës së shenjtë. Shandanin vnoje përballë tavolinës, në anën jugore.
36 Për hyrjen e tendës ka me u thurë nji perde mbuluese me pe t'kaltër, me lesh ngjyrë vjollcë t'kuqërremtë, me pe t'kuq t'errët edhe me pe liri t'hollë e t'përdredhun.
37 Bani pesë shtylla pi dru akacie për atë perde edhe veshi me ar. Grepat e tyne kanë me qenë pi ari, edhe për ato shtylla derdhi pesë baza pi bakri.