Libri i katërt i Musës 27
1 Masanej kanë ardh vajzat e Zelofhadit, që u konë djali i Heferit, djalit të Gileadit, djalit të Mahirit, djalit të Manaseut. Ato jonë konë pi familjet e Manaseut, djalit të Jozefit. Emnat e tyne jonë konë Mahla, Noa, Hogla, Milka edhe Tirza.
2 Ato kanë dalë para Musës, priftit Eleazar, kryetarëve edhe krejt bashkësisë, te hyrja e tendës së takimit, edhe kanë thanë:
3 “Baba jonë ka dekë në shkretinë, po aj s'u konë me ata që e kanë përkrah Korahun, atë grup që u bashku kundër Jehovait. Aj ka dekë për shkak të gjynahit të vet. Edhe aj s'ka pas djem.
4 Pse me u zhduk emni i babës tonë pi familja e tij, veç pse s'ka pas djalë? Na jepni edhe neve nji pjesë të tokës si pronë, në mesin e vllaznive të babës tonë!”
5 Atëherë Musa e ka paraqit rastin e tyne para Jehovait.
6 Masanej Jehovai i tha Musës:
7 “Vajzat e Zelofhadit kanë të drejtë. Patjetër jepju atyne nji pjesë të tokës si trashëgimi në mesin e vllaznive të babës së tyne, edhe kaloja trashëgiminë e babës së tyne atyne.
8 Edhe thuju izraelitëve: ‘Nëse nji burrë vdes pa pas djalë, trashëgimia e tij duhet me i kalu vajzës së tij.
9 Nëse s'ka vajzë, trashëgiminë duhet me e marrë vllaznitë e tij.
10 Nëse s'ka as vllazni, trashëgimia duhet me ju kalu vllaznive të babës së tij.
11 E nëse baba i tij s'ka vllazni, atëherë trashëgiminë duhet me ia dhanë të afërmit ma të ngat të gjakut në familjen e tij, edhe aj ka me e marrë si pronë. Ky vendim ligjor ka me vlejt si rregull për izraelitët, qysh e ka urdhnu Jehovai Musën.’”
12 Mas kësaj Jehovai i tha Musës: “Hyp në malin Abarim edhe kqyre vendin që unë kam me ua dhanë izraelitëve.
13 Kur ta shohësh, edhe ti ke me u bashku me popullin tand, qysh u bashku edhe vllau yt Aroni.
14 Se kur bashkësia u grind me mu në shkretinën e Zinit, ju keni vepru kundër urdhrit tem me më shenjtëru para tyne përmes ujit. Ky asht uji i Meribës, ngat Kadeshit, në shkretinën e Zinit.”
15 Atëherë Musa i tha Jehovait:
16 “O Jehova, ti që je Zoti i frymës së krejt njerëzve, të lutna caktoje nji burrë si udhëheqës të bashkësisë,
17 që ka me u nis para tyne edhe ka me u kthy, që ka me i nxjerrë jashtë edhe ka me i kthy mrena, që bashkësia e Jehovait mos me met si delet pa bari.”
18 Atëherë Jehovai i tha Musës: “Merre Josuan, djalin e Nunit, nji burrë që ka frymë në veti, edhe vnoje dorën tane mbi të.
19 Masanej qite përpara priftit Eleazar edhe krejt bashkësisë, edhe para syve të tyne jepja detyrën me i udhëheq.
20 Jepja atij nji pjesë të autoritetit tand, që krejt bashkësia e izraelitëve me e ngu.
21 Aj duhet me dalë para priftit Eleazar, e prifti ka me e vetë Jehovain përmes Urimit, për me e marrë vendimin e tij. Me urdhrin e tij kanë me u nis, edhe me urdhrin e tij kanë me u kthy, aj edhe krejt izraelitët bashkë me të, krejt bashkësia.”
22 Atëherë Musa ka vepru qysh e kish urdhnu Jehovai. E ka marrë Josuan edhe e ka qit përpara priftit Eleazar edhe krejt bashkësisë.
23 Ia ka vnu duert mbi të edhe ia ka dhanë detyrën me udhëheq, qysh e kish urdhnu Jehovai përmes Musës.